ក្រុមប្រឹក្សាជាតិភាសាខ្មែរឲ្យសរសេរ «សិង្ហបុរី» មិនមែន «សាំងហ្គាពួរ» ឡើយ

ជាតិ

ក្រុមប្រឹក្សាជាតិភាសាខ្មែរឲ្យសរសេរ «សិង្ហបុរី» មិនមែន «សាំងហ្គាពួរ» ឡើយ

11, Jun 2019 , 6:29 am

រូបភាព

ដោយ: ថ្មីៗ

«សិង្ហបុរី» ត្រូវបានចាត់ទុកជាបុរីរដ្ឋ ដោយសារឈ្មោះប្រទេស និងទីក្រុង គឺតែមួយ។ ប្រទេសកោះដែលមានផ្ទៃដីទំហំប្រមាណ៧០០គីឡូម៉ែត្រការ៉េ និងប្រជាជនជាង៥លាននាក់នោះ ស្ថិតនៅតំបន់អាស៊ីអាគ្នេយ៍ដូចកម្ពុជាផងដែរ។

ក្នុងភាសានិយាយ អ្នកខ្លះចូលចិត្តហៅថា «សាំងហ្គាពួរ» ដោយយោងតាមសំនៀងទាំងភាសាអង់គ្លេស «Singapore» និងភាសាបារាំង «Singapour»។ ផ្អែកតាមសទ្ទានុក្រមឈ្មោះប្រទេស រដ្ឋធានី/រាជធានី សំណេរផ្លូវការជាភាសាខ្មែរសម្រាប់សាធារណរដ្ឋដ៏តូចមួយនេះ គឺ «សិង្ហបុរី» មិនមែន «សាំងហ្គាពួរ» ឬ «សាំងកាពួ» នោះឡើយ។

ចំណាំ៖ កន្លងមក សារព័ត៌មាន ThmeyThmey ទទួលនូវការរិះគន់ទាក់ទងនឹងការតម្រូវឲ្យសរសេរឈ្មោះប្រទេស។ ទាក់ទងនឹងករណីនេះ យើងខ្ញុំគ្រាន់តែចង់បញ្ជាក់ថា សំណេរយើងខ្ញុំផ្អែកលើឯកសារដែលទទួលបានពីស្ថាប័នរដ្ឋ (ក្រុមប្រឹក្សាជាតិភាសាខ្មែរនៃទីស្តីការគណៈរដ្ឋមន្ត្រី) យើងខ្ញុំគ្រាន់តែចង់ឃើញសំណេរដែលមានការឯកភាពគ្នាប៉ុណ្ណោះ ហើយក៏មិនហ៊ានអារកាត់ថា សំណេរតាមទម្លាប់កន្លង មានកំហុសឆ្គងនោះដែរ៕