សមត្ថកិច្ចកម្ពុជា ទទួលបានការបណ្ដុះបណ្ដាលផ្នែកស៊ើបអង្កេតបទល្មើសឃាតកម្ម

ជាតិ

សង្គមជាតិ

សមត្ថកិច្ចកម្ពុជា ទទួលបានការបណ្ដុះបណ្ដាលផ្នែកស៊ើបអង្កេតបទល្មើសឃាតកម្ម

11, Jun 2019 , 2:10 pm

រូបភាព

ដោយ: ភួង វ៉ាន់ថា

អង្គការការពារកុមារ CUP បានបើកវគ្គសិក្សារមួយស្តីពី «ការស៊ើបអង្កេតបទល្មើសមនុស្សឃាត» ដល់សមត្ថកិច្ចកម្ពុជា ដើម្បីពង្រឹងសមត្ថភាពបន្ថែមលើការងារស៊ើបអង្កេតបទល្មើសឃាតកម្ម និងបច្ចេកទេសកោសល្យវិច័យ ក្នុងការដោះស្រាយបទល្មើសដែលបានកើតឡើង។ នេះបើយោងតាមទំព័រហ្វេសប៊ុករបស់អង្គការការពារកុមារ CUP។

សិក្ខាសាលានេះមានរយៈពេល១០ថ្ងៃ ដែលមានការចូលរួមធ្វើបទបង្ហាញពីមន្ត្រីបរទេសជាច្រើនរូប ដែលមានជំនាញឯកទេសលើបទល្មើសមនុស្សឃាត កោសល្យវិច័យ និងច្បាប់ ទៅដល់មន្ត្រីនគរបាលជាតិកម្ពុជា កងរាជអាវុធហត្ថ និងព្រះរាជអាជ្ញាមួយចំនួន ដែលមានភារកិច្ចខាងស៊ើបអង្កេតលើបទល្មើស។

ថ្លែងក្នុងពិធីបើកសិក្ខាសាលា លោក James McCabe នាយកប្រតិបត្តិនៃអង្គការការពារកុមារ បានលើកឡើងថា នេះគឺជាឪកាសដ៏ល្អមួយសម្រាប់សិក្ខាកាមទាំងអស់ ក្នុងការទទួលបាននូវចំណេះដឹងថ្មីៗ និងបទពិសោធ ដោយផ្ទាល់ពីអ្នកជំនាញអន្តរជាតិជាច្រើនរូប ដែលមានបទពិសោធជាច្រើនឆ្នាំ និងបច្ចេកទេសទំនើបលើផ្នែកស៊ើបអង្កេតបទល្មើសឃាតកម្ម។

លោក អ៊ិន បូរ៉ា អគ្គស្នងការរងនគរបាលជាតិ បានអរគុណអង្គភាពការពារកុមារ CPU នៃអង្គភាពមូលនិធិកុមារកម្ពុជា ដែលបានបង្កើតវគ្គបំប៉ននេះឡើងដល់មន្ត្រីកម្ពុជា ក្នុងការពង្រឹងការងារទប់ស្កាត់បទល្មើស។ លោកក៏បានស្នើដល់សិក្ខាកាមទាំងអស់ ឲ្យខិតខំប្រឹងប្រែងយកចិត្តទុកដាក់លើការងារជំនាញឲ្យបានល្អ ព្រមទាំងសិក្សាបន្ថែមពីរៀមច្បងចាស់ៗ ដែលមានបទពិសោធច្រើន និងត្រូវមានសាមគ្គីភាពផ្ទៃក្នុងឲ្យបានល្អ៕