អាល្លឺម៉ង់ ខកចិត្តដែល Ozil យកប្រធានាធិបតីតួកគី Erdogan ជាបុគ្គលសំខាន់ក្នុងមង្គលការ

កីឡាអន្តរជាតិ

អន្តរជាតិ

អាល្លឺម៉ង់ ខកចិត្តដែល Ozil យកប្រធានាធិបតីតួកគី Erdogan ជាបុគ្គលសំខាន់ក្នុងមង្គលការ

11, Jun 2019 , 4:31 pm

រូបភាព

ដោយ: ទេព ពិទូរ្យ

Mesut Ozil ខ្សែបម្រើក្រុមកាំភ្លើងធំ Arsenal រងការរិះគន់ពីសំណាក់នាយខុទ្ទកាល័យអធិការបតីអាល្លឺម៉ង់លោកស្រី Angela Merkel ព្រមទាំងអ្នកគាំទ្រកីឡាបាល់ទាត់មួយចំនួនក្នុងប្រទេសកំណើតផង ក្រោយចាត់ទុកប្រធានាធិបតីតួកគីលោក Recep Tayyip Erdogan ជាអធិតីសម្រាប់កំដរពិធីមង្គលការរបស់ខ្លួនកាលពីសប្តាហ៍មុន។

អត្ថបទទាក់ទង

Ozil នាំគូដណ្ដឹងទៅអញ្ជើញការលោកប្រធានធិបតីតួកគី Erdogan

ការរើសអើងនាំឲ្យ Ozil ប្រកាសលាឈប់ពីជម្រើសជាតិអាល្លឺម៉ង់

រូបថត Ozil និង Gundogan ជាមួយប្រធានាធិបតីតួកគី រងការរិះគន់យ៉ាងខ្លាំង

Ozil បានរៀបការជាមួយអតីតបវរកញ្ញាតួកគីនាង Amine Gulse កាលពីថ្ងៃទី៧ ខែមិថុនា ក្នុងក្រុងអ៊ីស្តង់ប៊ុល ប្រទេសតួកគី។ ក្នុងពិធីនោះដែរ គេឃើញមានវត្តមានថ្នាក់ដឹកនាំកំពូលរបស់តួកគីលោក Erdogan និងភរិយា រួមទាំងអភិបាលក្រុងអ៊ីស្តង់ប៊ុលចូលរួមផង។

អតីតខ្សែបម្រើក្រុមជម្រើសជាតិអាល្លឺម៉ង់ វ័យ៣០ឆ្នាំដែលមានសាច់ឈាមតួកគីផងនោះ ធ្លាប់រងការរិះគន់យ៉ាងខ្លាំងពីសំណាក់ប្រធានសហព័ន្ធកីឡាបាល់ទាត់អាល្លឺម៉ង់ (DFB) និងអ្នកគាំទ្របន្ទាប់ពីរូបគេបានថតរូបជាមួយលោក Erdogan នាអំឡុងការឃោសនាបោះឆ្នោត។ ដោយសារការរិះគន់ និងការរើសអើងជាតិសាសន៍នេះហើយ ទើបរូបគេសម្រេចឈប់លេងឲ្យក្រុមជម្រើសជាតិតែម្តង។

ការរិះគន់នៅតែកើតឡើងបន្តបន្ទាប់ទៀត នៅពេលដែលអតីតខ្សែបម្រើឆ្មើម Real Madrid រូបនេះបានដឹកដៃនាង Amine Gulse កាលនៅជាគូដណ្តឹង ទៅអញ្ជើញលោក Erdogan ឲ្យចូលរួមធ្វើជាភ្ញៀវពិសេសសម្រាប់មង្គលការខ្លួនកាលពីខែមីនាកន្លងទៅ។

លោក Helge Braun នាយខុទ្ទកាល័យអធិការបតីអាល្លឺម៉ង់អ្នកស្រី Angela Merkel បានប្រាប់ប្រព័ន្ធផ្សព្វផ្សាយអាល្លឺម៉ង់ Bild ថានេះជាទង្វើគួរឲ្យ«សោកស្តាយបំផុត» ដែល Ozil អញ្ជើញលោក Erdogan ធ្វើជាបុគ្គលសំខាន់ក្នុងថ្ងៃមង្គលការ។

Ozil ប្រកាសពីការចូលនិវត្តន៍របស់ខ្លួនពីក្រុមជម្រើសជាតិដោយនិយាយឌឺដងថា៖«ខ្ញុំជាជនជាតិអាល្លឺម៉ង់ នៅពេលដែលយើងឈ្នះ ហើយជាជនអន្តោប្រវេសន៍ នៅពេលយើងចាញ់»៕