ជាតិ
សង្គមជាតិ
ប្រភពរូប៖ ពីអង្គការWCS
×![]()
ភ្នំពេញ៖ ចំនួន «សត្វខ្សឹប ឬសត្វទ្រមាក់អណ្តើក» នៅកម្ពុជា បានធ្លាក់ចុះយ៉ាងច្រើន ចាប់តាំងពីឆ្នាំ២០១២មក។ យោងតាមសេចក្ដីប្រកាសព័ត៌មានចេញផ្សាយកាលពថ្ងៃទី១០មិថុនា ឆ្នាំ២០១៩ ក្រសួងបរិស្ថាន និងអង្គការអភិរក្សសត្វព្រៃកម្ពុជា (WCS) បានបង្ហាញថា ចំនួនសត្វទ្រមាក់អណ្ដើក ឬសត្វខ្សឹបឈ្មោល បានថយចុះពី២១៦ក្បាលនៅឆ្នាំ២០១២ មកនៅត្រឹមចំនួន ១០៤ក្បាលប៉ុណ្ណោះ កាលពីឆ្នាំ២០១៨។ 
ក្នុងសេចក្តីប្រកាសព័ត៌មាននេះ បានបង្ហាញលទ្ធផលនៃការសិក្សាស្រាវជ្រាវរបស់អង្គការ WCS និងក្រសួងបរិស្ថានថា សត្វខ្សឹប បានចុះក្នុងបញ្ជីក្រហមរបស់អង្គការ IUCN ជាប្រភេទសត្វស្លាបដែលកំពុងជិតផុតពូជនៅលើពិភពលោក។ ដោយឡែកនៅកម្ពុជាបច្ចុប្បន្ន សត្វស្លាបប្រភេទនេះស្ទើរតែជិតផុតពូជអស់ទៅហើយ។ សត្វនេះ រស់នៅច្រើនបំផុតនៅក្នុងស្រុកស្ទោង ខេត្តកំពង់ធំ និងស្រុកជីក្រែង ខេត្តសៀមរាប ដែលជាតំបន់ទំនាបភាគខាងជើងនៃបឹងទន្លេសាប បន្ទាប់ពីតំបន់ទាំងពីរនេះ ត្រូវបានដាក់បញ្ចូលជាតំបន់ការពារទេសភាព។
ជាមួយគ្នានេះ ចំនួនសត្វខ្សឹបនៅទូទាំងតំបន់អាស៊ីអាគ្នេយ៍ ក៏បានធ្លាក់ចុះដល់ទៅ៥៥ភាគរយ ចាប់តាំងពីឆ្នាំ២០១២មក ហើយតំបន់សត្វខ្សឹបរស់នៅក៏បានធ្លាក់ចុះពីចំនួន១០តំបន់នៅឆ្នាំ២០១២ មកនៅត្រឹមចំនួន ៤តំបន់ក្នុងឆ្នាំ២០១៨៕
Tag:
សត្វខ្សឹប
wcs
© រក្សាសិទ្ធិដោយ thmeythmey.com
