ក្រុមហ៊ុនជីធម្មជាតិជប៉ុនសញ្ញាផែនដី ត្រូវបានបង្កើតឡើងនៅឆ្នាំ២០០៧ ដោយដំបូងឡើងជាក្រុមហ៊ុននាំចូលជីធម្មជាតិពីប្រទេសជប៉ុន។ ក្រុមហ៊ុនមានទិសដៅជួយប្រជាកសិករខ្មែរឲ្យបានប្រើប្រាស់ជីដែលមានគុណភាពល្អដើម្បីស្តារ និង កែលំអរដីដែលខូចរិចរិល ដោយសារតែការប្រើប្រាស់ជីផ្សេងៗមិនបានសមស្រប។ ជីធម្មជាតិជប៉ុនរួមចំណែកប្រែក្លាយដីឲ្យជីជាតិស្ថិតស្ថេរឡើងវិញ ធានាសុវត្ថិភាពបរិស្ថាន និងសុខភាព ទន្ទឹមនេះ ក្រុមហ៊ុនជីធម្មជាតិជប៉ុនសញ្ញាផែនដី បានសិក្សាស្រាវជ្រាវនូវបច្ចេកទេសថ្មីតាមលក្ខណះធម្មជាតិ ដើម្បីប្រើប្រាស់អោយបានសមស្របទៅនឹងតំបន់ត្រូពិច ។ បន្ទាប់ពីមានការគាំទ្រ យ៉ាងច្រើនពីកសិករកម្ពុជា ក្រុមហ៊ុន ក៏បានងាកមកផលិតជីនៅក្នុងស្រុក ដើម្បីផ្គត់ផ្គង់ ហើយក៏បានឈានដល់ការនាំចេញទៅកាន់ប្រទេសមីយ៉ាន់ម៉ាជាផ្លូវការផងដែរ ។ នេះជាមោទនភាព និងភាពរីកចម្រើនមួយរបស់ក្រុមហ៊ុន ក្នុងការផ្គត់ផ្គង់ជី កសិកម្មធម្មជាតិ ដល់កសិករ ។
លោកចាន់ វណ្ណៈ អគ្គនាយកក្រុមហ៊ុនបាយ័នហេរីធេច បានឲ្យដឹងថា៖ «បើទោះជាមានការគាំទ្រខ្លាំងពីសំណាក់អ្នកប្រើប្រាស់ ចំពោះផលិតផលរបស់យើងដែលកំពុងមានដាក់លក់ក្នុងទីផ្សារយ៉ាងណាក្តី ក៏ក្រុមហ៊ុនបាយ័ន នៅតែរក្សារផែនការពង្រឹងការអភិវឌ្ឍផ្នែកបច្ចេកទេស តាមរយៈកិច្ចសហការជាមួយដៃគូដើម្បី ស្រាវជ្រាវនូវរូបមន្តថ្មីៗ តួយ៉ាងដូចជា ជីធម្មជាតិជប៉ុនសញ្ញាផែនដីពិសេស ហើយថ្មីៗនេះក៍បានចាប់ផ្តើមចែកចាយលើទីផ្សាររួចហើយដែរ» ។
លោកបានបញ្ជាក់ថា រូបមន្តថ្មីកាន់តែមានភាពប្រសើរជាងមុន ព្រោះជីថ្មីនេះជួយឲ្យប្រជាកសិករអាចដាំដុះដំណាំដដែលៗលើដីដដែលៗ ដោយមិនប៉ះពាល់ដល់គុណភាពដី ថែមទាំងជួយបង្កើនទិន្នផលកាន់តែខ្ពស់ កាត់បន្ថយជំងឺ និងសត្វល្អិត ជាពិសេសបច្ចេកទេសថ្មីនេះ សមស្របលើការដាំដុះដំណាំរយៈពេលយូរ ដូចជាកៅស៊ូ ឈើហូបផ្លែ (ធូរេន សាវម៉ាវ ស្វាយចន្ទី អំពៅ-ល- នឹងជួយឲ្យដំណាំមានសុខភាពល្អ ហើយទទួលបានទិន្នផលខ្ពស់ ។
អគ្គនាយកក្រុមហ៊ុនបាយ័នហេរីធេច រូបនេះ បន្តថា ខណៈបាននាំចេញជាផ្លូវការរួចហើយទៅកាន់ទីផ្សារប្រទេសមីយ៉ាន់ម៉ា ក្រុមហ៊ុនក៏មានគម្រោងនាំចេញជីកសិកម្មធម្មជាតិនេះទៅកាន់ទីផ្សារប្រទេសកសិកម្មជាច្រើនទៀត ដូចជាប្រទេស ឡាវ វៀតណាម ថៃ ម៉ាឡេស៊ី ហ្វីលីពីន និងជប៉ុនជាដើម ។
លោកអះអាងថា ៖« ពេលនេះក្រុមហ៊ុនបានផលិតជីធម្មជាតិជប៉ុន សញ្ញាផែនដីនេះក្នុងមួយថ្ងៃប្រមាណ៣០០តោន និងកំពុងពង្រីកបន្ថែមទៀត ដើម្បីបម្រើឲ្យការនាំចេញផង និងសម្រាប់ផ្គត់ផ្គង់ក្នុងស្រុកផង »។
លោក ម៉ូវ សេង ប្រធានគ្រប់គ្រងបច្ចេកទេស ក៏បានឲ្យដឹងផងដែរថា ផលិតផលនេះ ឆ្លើយតបទៅនឹងស្ថានភាពជាក់ស្តែងនាពេលបច្ចុប្បន្នរបស់ប្រជាកសិករ ដែលជួបបញ្ហាជាច្រើនក្នុងពេលបង្កបង្កើនផល រួមមានដូចជា ដីខ្សោះជីជាតិ រឹងក្ដាំង ដំណាំលូតលាស់មិនល្អ , ដំណាំ កើតផ្សិតលើដើម ស្លឹក និងត្រួយ , ប្រេះផ្លែ ចំណែកស្វាយចន្ទីដាក់គ្រាប់អត់ពេញសាច់ , ដំបៅលើមែក ដើម រលួយឬស និងងាប់ត្រួយ ។
ចំពោះបញ្ហាដែលកើតមានលើដំណាំនេះ ជីធម្មជាតិជប៉ុនសញ្ញាផែនដី អាចជួយបាន ឧទាហណ៍ដូចជា ដំណាំធុរេន ស្វាយចន្ទី មានបញ្ហាជំងឺ ដំបៅមែក ដើម រលួយឬស ផ្លែ ,ជ្រុះស្លឹក ងាប់ត្រួយ, ជំងឺផ្កាឈូក ធ្វើឲ្យសំបកដើមខូច ។ ដំណាំកៅស៊ូ ច្រើនជួបបញ្ហា កើតផ្សិតលើស្លឹក,ស្ងួតមុខចៀរ, ជំងឺផ្កាកុលាប ដំណាំក្រូចពោធិ័សាត់ ច្រើនជួបបញ្ហា ស្លឹកប្រាក់,ផ្លែស្កក,រលូយសំបក,ខ្លោចត្រួយ ដំណាំដូង ច្រើជួបបញ្ហា ប្រេះដើម និងផ្លែ,រលួយបណ្ដូល ចំពោះសាវម៉ាវ មិនសូវជាមានបញ្ហាចោទទេ តែអ្វីដែលបារម្ភ គឺមានផ្សិតលើផ្លែ ដំណាំអំពៅ ច្រើនជួបបញ្ហា រលួយបណ្ដូល,ប្រេះដើម,រលាកស្រទបស្លឹក ។
(អត្ថបទពាណិជ្ជកម្ម)