ជាតិ
សង្គមជាតិ
អចលនទ្រព្យ
ស្ពានថ្មើរជើងនាងគង្ហីង នឹងបើកដំណើការជាផ្លូវការ នៅថ្ងៃទី២២ ខែមិថុនា ស្ពានអាកាសថ្មើរជើងនាងគង្ហីង រូបភាពពីរដ្ឋបាលរាជធានីភ្នំពេញ
× ភ្នំពេញ៖ រដ្ឋបាលរាជធានីភ្នំពេញ នឹងបើកឲ្យដំណើរការស្ពានអាកាសថ្មើរជើងនាងគង្ហីង ដែលនៅជិតស្តាតអូឡាំពិក នៅថ្ងៃទី២២ ខែមិថុនា ខាងមុខនេះ ដើម្បីឲ្យពលរដ្ឋអាចឆ្លងកាត់បណ្តាផ្លូវនានា និងបង្កើនសុវត្ថិភាពពេលធ្វើដំណើរដោយថ្មើរជើងផងដែរ។
ស្ពានអាកាសថ្មើរជើងនាងគង្ហីង បានកសាងឡើងនៅខែតុលា ឆ្នាំ២០១៧ ដោយចំណាយទឹកប្រាក់ប្រមាណ៣លានដុល្លារអាមេរិក ក្រោមជំនួយរបស់រដ្ឋបាលរាជធានីភ្នំពេញ និងក្រុមហ៊ុនវិនិយោគទុនអាណិកជនកម្ពុជា(OCIC)។
ស្ពានអាកាសថ្មើរជើងនាងគង្ហីង រូបភាពពីរដ្ឋបាលរាជធានីភ្នំពេញ
សូមបញ្ជាក់ថា កម្ពុជាមានស្ពានអាកាសថ្មើរជើងដូចជា ស្ពានអាកាសថ្មើរជើងនៅមុខវិទ្យាល័យជម្ពូវ័ន និងវិទ្យាល័យចំណេះទូទៅហ៊ុន សែនជម្ពូវ័ន្ត ស្ពានអាកាសថ្មើរជើងនាងគង្ហីង និងស្ពានអាកាសថ្មើរជើងនៅបេនឡាផ្សារកំពង់ស្ពឺ ដែលកំពុងស្ថិតនៅក្នុងការកសាងនៅឡើយ៕
© រក្សាសិទ្ធិដោយ thmeythmey.com