សង្គមអន្តរជាតិ
អន្តរជាតិ
បច្ចេកវិទ្យា
យុវជនថៃម្នាក់ ព្យាយាមដាក់ថ្នាំបំពុលគ្រួសារខ្លួន ក្រោយត្រូវបង្ខំឲ្យឈប់លេងហ្គេម
× យុវជនវ័យ ២៩ឆ្នាំម្នាក់ ដែលរស់នៅក្នុងប្រទេសថៃ ប៉ុនប៉ងដាក់ថ្នាំបំពុលគ្រួសារខ្លួន ដោយចាក់ថ្នាំពុលចូលទៅក្នុងអាងស្តុកទឹកក្នុងផ្ទះ ក្រោយពីរូបគេ ខឹងសម្បារនឹងគ្រួសារដែលបង្ខំខ្លួនឲ្យឈប់លេងហ្គេមនៅក្នុងផ្ទះ។
ព្រោះតែខឹងសម្បារនឹងក្រុមគ្រួសារដែលហាមមិនឲ្យខ្លួនលេងហ្គេម យុវជនថៃឈាមរាវម្នាក់បានសម្រេចដាក់ថ្នាំពុលក្នុងទឹកក្នុងគោលដៅធ្វើឃាតក្រុមគ្រួសារទាំងមូល។
ដោយសារសំណាងល្អ ក្នុងហេតុការណ៍នេះ ពុំមានសមាជិកគ្រួសារណាម្នាក់រងគ្រោះថ្នាក់អ្វីឡើយ។ ប៉ុន្តែ ម្តាយរបស់បុរសញៀនហ្គេមរូបនេះ ឈ្មោះថា Suban Duanjan អាយុ ៥១ឆ្នាំ បានបញ្ជាក់ឲ្យដឹងថា ឧប្បទ្ទវហេតុនេះ បានបន្សល់ទុកនូវសេចក្តីព្រួយបារម្ភ និងតប់ប្រមល់សម្រាប់លោកស្រី។
តាមការចុះផ្សាយរបស់សារព័ត៌មានថៃ The Nation នៅថ្ងៃទី១៦ មិថុនា លោកស្រី Duanjan និយាយបែបនេះថា៖« កូនប្រុសខ្ញុំ បានលេងហ្គេមនៅលើទូរសព្ទដៃរបស់គេ និងបង្កើតសំឡេងលឺៗនៅពាក់កណ្តាលយប់ថ្ងៃទី ១២ មិថុនា ពេលនោះ ឳពុកចុងរបស់គេ បានសម្រេចផ្តាច់ Wi-Fi មិនឲ្យគេលេងបន្តទៀត»។
ក្រោយពីយប់នោះមក គ្រួសារបុរសញៀនហ្គេមនោះ បានកត់សម្គាល់ថា វាមានអ្វីខុសប្លែកក្នុងទឹកដែលផ្ទះពួកគេប្រើប្រាស់ មុនបញ្ហាទាំងនេះបែកធ្លាយ។ ទោះបីជាបែបនេះក្តី ព័ត៌មានថៃខាងលើ ពុំបានបញ្ជាក់រឿងរ៉ាវលម្អិតទាក់ទិននឹងស្ថានភាពបច្ចុប្បន្នរបស់បុរសញៀនហ្គេមនោះឡើយ។
75614
សូមបញ្ជាក់ផងដែរថា អ្នកជំនាញ ប៉ាន់ស្មានថា មនុស្សវ័យក្មេងរាប់លានអ្នកនៅជុំវិញពិភពលោក កំពុងញៀននឹងការលេងហ្គេម។ ហើយកាលពីចុងឆ្នាំ២០១៨ អង្គការសុខភាពពិភពលោក បានទទួលស្គាល់ជាផ្លូវការថា ការញៀនលេងហ្គេម គឺជាជំងឺផ្លូវចិត្ត៕
© រក្សាសិទ្ធិដោយ thmeythmey.com