កីឡាអន្តរជាតិ
អន្តរជាតិ
Ljungberg ឡើងពីគ្រូ U23 ទៅជាគ្រូជំនួយឈុតធំ Arsenal
× អតីតខ្សែប្រយុទ្ធ Arsenal លោក Freddie Ljungberg ត្រូវបានតែងតាំងជាជំនួយការគ្រូបង្វឹក លោក Unai Emery ដែលជាអ្នកចាត់ការទូទៅឈុតធំក្រុមកាំភ្លើងធំ។
Ljungberg ត្រូវឡើងទៅជំនួសតំណែងលោក Steve Bould ដែលត្រូវទៅកាន់តំណែងថ្មី រួមទាំងការទទួលខុសត្រូវលើក្រុមយុវជនក្រោមអាយុ ២៣ ឆ្នាំរបស់ Arsenal ផង។ ដើមឡើយ Ljungberg ជាគ្រូបង្វឹកក្រុម U23 នេះឯង។
អតីតខ្សែប្រយុទ្ធក្រុមជម្រើសជាតិស៊ុយអែតវ័យ៤២ឆ្នាំ ដែលធ្លាប់បង្ហាញខ្លួន ២១៤ ប្រកួត និងស៊ុតបញ្ចូលទី ៤៦គ្រាប់ឲ្យ Arsenal បានសម្តែងក្តីរំភើបសម្រាប់តំណែងរបស់លោកក្នុងនាជាជំនួយការរបស់លោក Emery នេះ។
Ljungberg ជាសមាជិកដ៏សំខាន់របស់ក្រុមកាំភ្លើងធំកាលស្ថិតនៅក្រោមការដឹកនាំរបស់លោក Arsene Wenger ដោយជួយក្រុមមានមូលដ្ឋាក្នុងក្រុងឡុងដ៏ជាពានជាច្រើន។ ចាប់តាំងពីចាប់ផ្ដើមអាជីពជាគ្រូបង្វឹកមកអតីតកីឡាកររបស់ West Ham និង Celtic រូបនេះធ្លាប់ជាអ្នកទទួលខុសត្រូវលើក្រុម U16 រហូតដល់ U23 របស់ក្លិប Arsenal នេះ។
បន្ទាប់ពីផ្លាស់ប្តូរតំណែងជាមួយ Ljungberg លោក Bould សញ្ជាត់អាហ្សង់ទីន ដែលធ្លាប់ជាជំនួយការរបស់លោក Wenger ផងនោះ នឹងត្រូវមានភារកិច្ចដឹកនាំក្រុម U23 និង U18 ជាមួយអតីតខ្សែការពារ Arsenal លោក Per Mertesacker ដែលសព្វថ្ងៃជាអ្នកចាត់ការទូទៅរបស់ក្រុមយុវជន៕
Tag:
បាល់ទាត់
Freddie Ljungberg
Arsenal
© រក្សាសិទ្ធិដោយ thmeythmey.com