អត្ថបទពាណិជ្ជកម្ម
សិស្ស-និស្សិតជាង៣៥០នាក់ បានចូលរួមកម្មវិធីពិព័រណ៍អាហារូបករណ៍ និងសិក្សានៅ បរទេសនៅខេត្តសៀមរាប
× IDP Education គឺជាស្ថាប័នធំជាងគេបង្អស់លើពិភពលោក ដែលបានដើរតួនាទីក្នុងការបញ្ជូនសិស្ស និស្សិត ទៅសិក្សានៅប្រទេសអូស្ត្រាលី កាណាដា អៀរឡង់ នូវែលសេឡង់ អាមេរិក និងអង់គ្លេស។ ស្ថាប័ន IDP មានការិយាល័យជាង ១០០ នៅច្រើនជាង ៣២ ប្រទេសជុំវិញពិភពលោក។
រៀបចំឡើងដោយស្ថាប័ន IDP កម្មវិធីពិព័រណ៍ពីអាហារូបករណ៍ និងការសិក្សានៅបរទេសបានផ្តល់ឲ្យនូវវេទិកាដ៏ល្អបំផុត សម្រាប់សិស្ស និស្សិតកម្ពុជា និងអាណាព្យាបាលដើម្បីជួបពិភាក្សាជាមួយនឹងអ្នកជំនាញប្រឹក្សារបស់ស្ថាប័ន IDP ដើម្បីទទួលបានព័ត៌មានពីការសិក្សាទៅកាន់ប្រទេសទាំង៦ ដែលមានដូចជា អូស្ត្រាលី កាណាដា នូវែលសេឡង់ សហរដ្ឋអាមេរិក អង់គ្លេស និងអៀរឡង់។ កម្មវិធីនេះ ត្រូវបានឡើងនៅថ្ងៃទី១៦ មិថុនា ឆ្នាំ២០១៩ នៅសណ្ឋាគារសូហ្វីតែលអង្គរ សៀមរាប បានផ្តល់ឱកាសឲ្យសិស្ស និស្សិត និងអាណាព្យាបាល ជួបពិភាក្សាជាមួយអ្នកជំនាញរបស់ស្ថាប័ន IDP។
លោក ម៉ៅ ស្រេង នាយកស្ថាប័នIDP ប្រចាំប្រទេសកម្ពុជា មានប្រសាសន៍ថា៖«ប្រទេសទាំង៦ ផ្តល់នូវការអប់រំលំដាប់អន្តរជាតិ ទៅលើការសិក្សាគ្រប់កម្រិត។ ស្ថាប័ន IDP ពិតជាមានសេចក្តីសោមន្សរីករាយ ក្នុងការចូលរួមជ្រោមជ្រែងសិស្ស និស្សិតឲ្យសម្រេចក្តីស្រមៃក្នុងការសិក្សារបស់ពួកគេ និងរៀបចំផ្លូវសម្រាប់ពួកគេ ដើម្បីឈានទៅកាន់អាជីពដែលពួកគេប្រាថ្នាផងដែរ»។
កម្មវិធីពិព័រណ៍ពីអាហារូបករណ៍ និងការសិក្សានៅបរទេសនេះ គឺជាវេទិកាការសិក្សាអន្តរជាតិដ៏ធំជាងគេនៅកម្ពុជា ជាមួយនឹងវត្តមានរបស់សិស្ស និស្សិត និងអាណាព្យាបាលជាង ៣៥០នាក់ បានជួបពិភាក្សាជាមួយអ្នកជំនាញស្ថាប័ន IDP ដើម្បីទទួលបានព័ត៌មានផ្សេងៗ ក៏ដូចជាពត៌មានទាក់ទងនឹងជម្រើសសិក្សា ឱកាសអាហារូបករណ៍ និងដំណើរការទិដ្ឋាការជាដើម។ ការផ្តល់ប្រឹក្សាទៅសិក្សានៅបរទេសរបស់ស្ថាប័ន IDP គឺមិនតម្រូវឲ្យបង់ប្រាក់ទេ។
សិស្សម្នាក់ ដែលបានចូលរួមក្នុងកម្មវិធីបានបញ្ជាក់ប្រាប់ក្រុមការងងាររបស់IDP ថា៖«ខ្ញុំពិតជាមានភាពរីករាយណាស់ ដែលបានមកចូលរួមកម្មវីធីពិព័រណ៍អាហារូបករណ៍ និងការសិក្សានៅបរទេសក្នុងថ្ងែនេះ។ ខ្ញុំបានមានឱកាសប្រឹក្សាយោបល់ជួបជាមួយអ្នកជំនាញអំពីការទៅសិក្សានៅបរទេស, ព័ត៌មានទាក់ទងនឹងការដាក់ពាក្យសុំចូលរៀន និងការរៀបចំទិដ្ឋាការទៅសិក្សានៅបរទេស ដែលជាចម្ងល់ដែលខ្ញុំមានជាយូរមកហើយ»។
ដោយឡែក អ្នកតំណាងមកពីមជ្ឈមណ្ឌលអូស្ត្រាលីសម្រាប់ការបណ្តុះបណ្តាល(ACE) ក៏មានវត្តមានក្នុងកម្មវិធីនេះដែរ និងបានផ្តល់នូវព័ត៌មានទាក់ទងនឹងការអភិវឌ្ឍន៍កម្រិតភាសាអង់គ្លេសដែលស្ថាប័នអប់រំក្រៅប្រទេសត្រូវការ។ លើសពីនេះ អ្នកតំណាងមកពីមណ្ឌលប្រលងតេស្តភាសាអង់គ្លេស IELTS ដែលជាតេស្តមានត្រូវបានទទួលស្គាល់ជាអន្តរជាតិក៏បានមានវត្តមាននៅកម្មវិធីនេះដើម្បីផ្តល់នូវពត៌មានអំពីការចុះឈ្មោះ និងការត្រៀមប្រលងក៏ដូចជាផ្តល់នៅការធ្វើតេស្តតាមរយៈកុំព្យូទ័រ (CDI) សាកល្បង។
នៅប្រទេសកម្ពុជា សិស្ស និស្សិត និងអាណាព្យាបាល អាចស្វែងរកការិយាល័យផ្តល់ព័ត៌មានទៅសិក្សានៅបរទេស IDP នៅគ្រប់សាខានៃសាលា ACE ទីក្រុងភ្នំពេញ និងខេត្តសៀមរាប ដើម្បីទទួលបានការប្រឹក្សាដោយឥតគិតថ្លៃ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com