អចលនទ្រព្យ
អត្ថបទពាណិជ្ជកម្ម
គម្រោងផ្សារទំនើបថៃ Big C តម្លៃ ៦.៨ លានដុល្លារ នឹងមានវត្តមាននៅប៉ោយប៉ែត
×![]()
ដោយ: ថ្មីៗ
មិនថាអ្នកដែលនិយមចេញចូលប្រទេសថៃ ឬក៏មិនធ្លាប់នោះឡើយ ភាគច្រើនសុទ្ធតែធ្លាប់បានឮ ពីឈ្មោះផ្សារលក់ទំនិញដ៏ល្បីមួយ ដែលមានឈ្មោះថា ផ្សារទំនើប Big C Super Center នេះ។ ក្នុងមួយឆ្នាំៗ ផ្សារទំនើបនេះទទួលបានអតិថិជនជាច្រើនម៉ឺននាក់ មិនថាបរទេស និងជនជាតិថៃ សុទ្ធតែនិយមទៅទិញទំនិញនៅទីនេះ ដោយសារតែផ្សារនេះមានជម្រើសផលិតផលរាប់ម៉ឺនសែនមុខ និងមានគុណភាពខ្ពស់ ហើយតម្លៃទាបជាងកន្លែង ផ្សេងៗ។
អ្វីដែលធ្វើឱ្យភ្ញាក់ផ្អើលនោះគឺ ផ្សារទំនើប Big C នឹងបើកសាខាដំបូងរបស់ខ្លួននៅក្នុងប្រទេសកម្ពុជា នាចុងឆ្នាំ២០១៩ នេះហើយ ពោលគឺនៅតំបន់កាស៊ីណូផ្កាយប្រាំ ភូមិសាមគ្គីមានជ័យ ខេត្តបន្ទាយមានជ័យ បណ្តោយព្រំដែនអន្តរជាតិជាតិកម្ពុជា¬-ថៃ។
កម្ពុជា បានចេញវិញ្ញាបនបត្រចុះបញ្ជីជាស្ថាពរ កាលពីខែកុម្ភៈ ឆ្នាំ២០១៩ កន្លងទៅនេះ ដើម្បីអនុញ្ញាតឱ្យមានការបង្កើតគម្រោងមជ្ឈមណ្ឌលពាណិជ្ជកម្ម ដែលស្ថិតនៅក្រោមឈ្មោះក្រុមហ៊ុន BIG C SUPER CENTERពិតមែន។ នេះបើយោងតាមគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC)។
ប្រភពដដែលបានឱ្យដឹងថា ការវិនិយោគផ្សារទំនើបដ៏ល្បីរបស់ប្រទេសថៃមួយនេះ មានទំហំវិនិយោគប្រមាណ ៦.៨ លានដុល្លារ ដែលគ្រោងបង្កើតការងាររហូតដល់ទៅ ១,២២២កន្លែងឯណោះ នៅពេលដែលដាក់ដំណើរការជាផ្លូវការ។
ចំណែកឯសារព័ត៌មានថៃ Sa Kaeo Story បានចុះផ្សាយថា ផ្សារទំនើប BIG C សាខាប្រទេសកម្ពុជានេះ កំពុងតែសាងសង់លើផ្ទៃដីសរុបប្រមាណ ៨,០០០ម៉ែត្រការ៉េ ហើយគ្រោងដាក់ដំណើរការ នៅចុងឆ្នាំ២០១៩ខាងមុខនេះ។
គួរបញ្ជាក់ផងដែរថា សេដ្ឋកិច្ចរបស់កម្ពុជា ហាក់នៅបន្តលូតលាស់យ៉ាងគំហុក នៅប៉ុន្មានឆ្នាំចុងក្រោយនេះ។ កំណើនសេដ្ឋកិច្ចយ៉ាងលឿននេះហើយ បានធ្វើឱ្យអ្នកវិនិយោគបរទេសជាច្រើន បានងាកមកកាន់កម្ពុជា ដើម្បីស្វែងរកវិនិយោគ លើវិស័យដែលកំពុងមានសក្តានុពលខ្លាំង។
ក្នុងនោះខេត្តបន្ទាយមានជ័យ ក៏ដូចជាក្រុងប៉ោយប៉ែតតែម្តង ក៏ទទួលបានអ្នកវិនិយោគជាច្រើន មកដាក់ទីតាំងអាជីវកម្មផងដែរ ដោយក្នុងនោះអាជីវកម្ម ដែលទទួលបានប្រជាប្រិយភាពច្រើនជាងគេ មានប្រភេទសណ្ឋាគារ កាស៊ីណូ ភោជនីយដ្ឋាន គម្រោងអភិវឌ្ឍន៍អគារស្នាក់នៅ ក៏ដូចជាមជ្ឈមណ្ឌលកម្សាន្តជាច្រើនផ្សេងៗទៀត។
ស្របពេលជាមួយនឹងវត្តមានគម្រោងអភិវឌ្ឍន៍ធំៗទាំងនេះ បានធ្វើឱ្យតម្លៃអចនលទ្រព្យនៅទីក្រុងប៉ោយប៉ែត ហាក់លោតយ៉ាងលឿន ពោលគឺតម្លៃជួលផ្ទះអាជីវកម្ម នៅតាមបណ្តោយផ្លូវកាស៊ីណូផ្កាយប្រាំ មានចាប់ពីជាង១ពាន់ដុល្លារឡើងទៅ។ នេះបើតាមតម្លៃទទួលជួលវិញ ពីសំណង់ផ្ទះល្វែង និងវីឡា ស្តារហ្គោល ដែលជាគម្រោងសាងសង់លំនៅដ្ឋានស្តង់ដារមួយ នៅក្នុងតំបន់នេះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
