ជាតិ
បាក់ឌុប
សង្គមជាតិ
បាក់ឌុបឆ្នាំនេះ មានបេក្ខជនប្រឡងជិត១២មុឺននាក់ និងមណ្ឌលប្រឡង២០២មណ្ឌល រូបភាព បេក្ខជនប្រឡងបាក់ឌុបឆ្នាំ២០១៨
× ភ្នំពេញ៖ សម័យប្រឡងបាក់ឌុបឆ្នាំនេះ នឹងប្រព្រឹត្តទៅនៅថ្ងៃទី១៩ ខែសីហា ខាងមុខនេះ ដែលមានបេក្ខជនប្រឡងទូទាំងរាជធានី-ខេត្តជិត១២ម៉ឺននាក់ និងមណ្ឌលប្រឡង២០២មណ្ឌល ដោយចែកចេញជា៤.៨០៩បន្ទប់។
យោងតាមការផ្សាយរបស់ក្រសួងអប់រំបានបង្ហាញថា បេក្ខជនដែលប្រឡងនៅទូទាំងរាជធានី-ខេត្តនោះ មានចំនួន១១៩.២១៧នាក់ មានស្រី ៦១.០៣១នាក់ ដោយក្នុងនោះថ្នាក់វិទ្យាសាស្ត្រ ៤៥.៤១៤នាក់ ស្រី ២៥.៥២៦នាក់ និងថ្នាក់វិទ្យាសាស្ត្រសង្គម ៧៣.៨០៣នាក់ ស្រី ៣៥.៥៣៨នាក់ និងមានមណ្ឌលប្រឡងចំនួន២០២មណ្ឌល ដោយក្នុងនោះថ្នាក់វិទ្យាសាស្ត្រ៧៥មណ្ឌល និងថ្នាក់វិទ្យាសាស្ត្រសង្គម១២៧ មណ្ឌល។
គួររម្លឹកថាការប្រឡងបាក់ឌុបនៅឆ្នាំ២០១៨ មានបេក្ខជនប្រឡងសរុប១១៧.០៦១នាក់ និងមានមណ្ឌលប្រឡង១៩៥មណ្ឌល។ ជាលទ្ធផលមានសិស្សដែលជាប់និទ្ទេស A ចំនួន២៩០នាក់ និទ្ទេស B មានចំនួន១៥៣២នាក់ និទ្ទេស C មានចំនួន៤៦៣១នាក់ និងនិទ្ទេស D មានចំនួន១៣៩៩៩នាក់ ហើយនិទ្ទេស Eមានចំនួន ៥៤៦០៧នាក់៕
Tag:
បាក់ឌុប
សិស្ស
អប់រំ
© រក្សាសិទ្ធិដោយ thmeythmey.com