សម្តេចម៉ែ ប្រទានប្រាក់១ម៉ឺនដុល្លារដល់ជនរងគ្រោះនៃការបាក់អគារនៅព្រះសីហនុ

ជាតិ

សម្តេចម៉ែ ប្រទានប្រាក់១ម៉ឺនដុល្លារដល់ជនរងគ្រោះនៃការបាក់អគារនៅព្រះសីហនុ

24, Jun 2019 , 10:59 pm

រូបភាព

ដោយ: ថ្មីៗ

ភ្នំពេញ៖ ព្រះមហាក្សត្រី នរោត្តម មុនិនាថ សីហនុ ព្រះវររាជមាតា នារសៀលថ្ងៃទី២៤មិថុនា បានផ្ញើសាររំលែកទុក្ខជនរងគ្រោះក្នុងឧបទ្ទេវហេតុបាក់រលំអគារនៅខេត្តព្រះសីហនុ។ ជាមួយគ្នានេះ សម្តេចព្រះមហាក្សត្រី បានប្រទានថវិកាចំនួន១០០០០ដុល្លារ ដើម្បីជួយដល់ជនរងគ្រោះ តាមរយៈកាកបាទក្រហមកម្ពុជា។

សារនៅលើហ្វេសប៊ុក Royal du Cambodge បានសរសេរដូច្នេះថា៖«ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ និងព្រះវររាជមាតាជាតិខ្មែរ សូមចូលរួមរំលែកមរណៈទុក្ខយ៉ាងក្រៀមក្រំបំផុតជាមួយក្រុមគ្រួសារនៃសព ព្រមទាំងជាមួយ ប្រជានុរាស្ត្រទូទាំងព្រះរាជាណាចក្រកម្ពុជា និងសូមជូនពរដល់ជូនរងគ្រោះដែលកំពុងសម្រាកព្យាបាលទាំងអស់ឆាប់ទទួលបានការជាសះស្បើយ។ ព្រះអង្គមានព្រះរាជហឫទ័យរន្ធត់ និងសោកស្តាយជាទីបំផុត បន្ទាប់ពីបានទទួលនូវដំណឹងដ៏អកុសល អំពីគ្រោះថ្នាក់ នៃការបាក់រលំអាគារនៅខេត្តព្រះសីហនុ»។

ជាមួយគ្នា សម្ដេចម៉ែបានសព្វព្រះរាជហឫទ័យកោតសរសើរខ្ពស់ ចំពោះកិច្ចខិតខំប្រឹងប្រែងអន្តរាគមន៍ និងការយកចិត្តទុកដាក់ជួយសង្គ្រោះជនរងគ្រោះក្នុងករណីបាក់អគារនៅខេត្តព្រះសីហនុនេះ៕