សម្រាកព្យាបាលនៅមន្ទីរពេទ្យបង្អែកខេត្តព្រះសីហនុ យុវតីវ័យ១៧ឆ្នាំរូបនេះ បានរៀបរាប់ប្រាប់លោក រំដួល ចិត្រា ពីស្ថានភាពដ៏លំបាករបស់ខ្លួនក្នុងគំនរអគារ បាក់បែក ជាង២០ម៉ោង។ ក្រៅពីខំប្រឹងដកដង្ហើមដើម្បីរស់ យុវតីដែលផ្សងព្រេងទៅធ្វើការសំណង់ជាមួយឪពុកម្តាយរូបនេះ មានទឹកក្រូចដែលខ្លួនបានទិញទុក ដើម្បីផឹកជំនួសបាយ និងទន្ទឹងរង់ចាំការជួយសង្រ្គោះ។

 

ថ្វីត្បិតតែយុវតីដែលមានប្រភពពីស្រុកសំបូរ ខេត្តក្រចេះរូបនេះ រួចផុតជីវិតក៏ដោយ ប៉ុន្តែនាងលែងមានឱកាសឃើញឪពុកម្តាយរបស់ខ្លួនទៀតហើយ។ លោក ទេព ណី អាយុ៤៨ឆ្នាំ និងអ្នកស្រី ព្រុំ ដែន អាយុ៤៥ឆ្នាំ គឺជាឪពុកម្តាយរបស់ អ៊ុន ណេង ដែលស្ថិតក្នុងចំណោមជនរងគ្រោះសរុប២៨នាក់ ដែលបានស្លាប់ក្នុងឧបទ្ទេវហេតុបាក់អគារដែលគ្រប់គ្រងដោយជនជាតិចិន៕