អត្ថបទពាណិជ្ជកម្ម
vivo នឹងបង្ហាញនូវបច្ចេកវិទ្យា 5G និងវ៉ែនតា vivo AR Glass រួមទាំង Super FlashCharge 120W ក្នុងព្រឹត្តិការណ៍ MWC 2019 នៅសៀងហៃ
×![]()
ដោយ: ថ្មីៗ
ក្រុមហ៊ុន Vivo នឹងប្រកាសបង្ហាញនូវបច្ចេកវិទ្យាច្នៃប្រឌិតជាច្រើនចុងក្រោយបំផុតរបស់ខ្លួន (cutting-edge innovations) នៅក្នុងព្រឹត្តិការណ៍ Mobile World Congress (MWC) នៃទីក្រុងស៊ាងហៃ ឆ្នាំ 2019 ។ នេះគឺជាផ្នែកមួយនៃយុទ្ធសាស្ត្ររបស់Vivo ក្នុងការចែកចាយនូវបទពិសោធន៍ដ៏ល្អឥតខ្ចោះនៅក្នុងសករាជនៃបច្ចេកវិទ្យា 5G របស់ខ្លួន។
នៅក្នុងយុទ្ធសាស្ត្រនៃពាក្យថា «Intelligent Connectivity» ក្នុងព្រឹត្តិការណ៍ MWC នៅក្នុងឆ្នាំនេះ ក្រុមហ៊ុនបច្ចេកវិទ្យា Vivo ក៏បង្ហាញនូវឧបករណ៍ឆ្លាតវៃជាច្រើនរបស់ខ្លួន និងកម្មវិធីដែលដំណើរការនូវបច្ចេកវិទ្យា 5G រួមជាមួយនឹងបច្ចេកវិទ្យាថ្មីជាច្រើនទៀត ដែលបង្ហាញអំពីកិច្ចខិតខំប្រឹងប្រែងរបស់ក្រុមហ៊ុន ក្នុងការពង្រឹងទៅលើបទពិសោធន៍ជំនាន់មុនព្រឹត្តិការណ៍ MWC នៅទីក្រុងសៀងហៃឆ្នាំ 2019 នេះ ។ ក្រុមហ៊ុន vivo ក៏ប្រកាសបង្ហាញនូវយុទ្ធសាស្ត្ររបស់ខ្លួន ក្នុងការពន្លឿនទៅលើភាពច្នៃប្រឌិតជាច្រើនទៅលើឧបករណ៍ឆ្លាតវៃ និងកម្មវិធីជាច្រើនសម្រាប់សករាជថ្មីនៃបច្ចេកវិទ្យា 5G នេះ។
ផ្អែកទៅលើស្មាតហ្វូនជាច្រើនដែលដំណើរការនូវបច្ចេកវិទ្យា 5G ក្រុមហ៊ុនបច្ចេកវិទ្យានេះក៏ប្រកាសបង្ហាញនូវយុទ្ធសាស្ត្រថ្មីរបស់ខ្លួន ក្នុងការពង្រីកទៅលើឧបករណ៍ 5G របស់ខ្លួនដូចជាវ៉ែនតា AR glasses, smart watches, smart headphones និងជាច្រើនទៀត។ ក្រុមហ៊ុនបច្ចេកវិទ្យា Vivo ក៏នឹងសម្របខ្លួនជាមួយនឹងមុខងារ multi-device, multi-application និង multi-scenario នៅក្នុងការអភិវឌ្ឍរបស់ខ្លួន ដើម្បីបំពេញនូវតម្រូវការរបស់អ្នកប្រើប្រាស់ជាច្រើន ក្នុងការតភ្ជាប់ជាមួយនឹងពិភពឌីជីថល និងពិភពជាក់ស្តែងនៃពិភពលោក ។ ជាពិសេសការផ្តល់នូវបទពិសោធន៍នៃការប្រើប្រាស់កាន់តែអស្ចារ្យគ្មានគូប្រៀបតាមរយៈឧបករណ៍ Vivo 5G ទាំងនេះ។
លោក Spark Ni អនុប្រធានជាន់ខ្ពស់របស់ក្រុមហ៊ុន vivo បាននិយាយថា «យុទ្ធសាស្ត្ររបស់ក្រុមហ៊ុន vivo គឺតែងតែធ្វើការអភិវឌ្ឍទៅលើផលិតផលដែលមានភាពច្នៃប្រឌិតសម្រាប់ផ្តល់នូវបទពិសោធន៍ដ៏ល្អឥតខ្ចោះ សម្រាប់អ្នកប្រើប្រាស់ជាមួយនឹងឧបករណ៍ឆ្លាតវៃ និងសេវាកម្មឆ្លាតវៃជាច្រើនទៀត ដែលជាអាជីវកម្មស្នូលរបស់យើងនោះ។ យើងសង្ឃឹមថា ជាមួយនឹងការប្រកាសបង្ហាញនូវយុទ្ធសាស្ត្រថ្មីនិងភាពច្នៃប្រឌិតខ្ពស់នេះ យើងអាចធ្វើការពង្រឹងទៅលើគុណភាពនៃការរស់នៅរបស់មនុស្ស និងសង្គមជាតិទាំងមូលតែម្តង»។
ស្មាតហ្វូន 5G ដំបូងបំផុតរបស់ក្រុមហ៊ុន vivo នឹងអាចរកទិញបាននៅក្នុងត្រីមាសទី ៣ ឆ្នាំ ២០១៩
បន្ទាប់ពីការបង្ហាញនូវវត្តមាននៃស្មាតហ្វូនស៊េរីថ្មី vivo NEX 5G កាលពីពេលមុននេះ ក្រុមហ៊ុន vivo ឈានដល់កម្រិតមួយទៀត គឺការអភិវឌ្ឍទៅលើស្មាតហ្វូន 5G ផ្សេងទៀត។ នៅក្នុងព្រឹត្តិការណ៍ MWC នៅសៀងហៃនេះ ក្រុមហ៊ុន vivo ដាក់បង្ហាញនូវស្មាតហ្វូន 5G ដំបូងបំផុតរបស់ខ្លួន ដែលអាចរកទិញបាននៅក្នុងត្រីមាសទី ៣ ឆ្នាំ ២០១៩នេះ។ ផ្អែកទៅលើបណ្តាញ 5G network និងស្មាតហ្វូន 5G នេះ ក្រុមហ៊ុនបច្ចេកវិទ្យានេះ នឹងប្រកាសបង្ហាញនូវកម្មវិធី 5G applications ជាច្រើនផងដែរ រួមមាន 5G Cloud Game, 5G Screen Mirroring និង 5G EasyShare និងសេវាកម្មឆ្លាតវៃជាច្រើនទៀត សម្រាប់ប្រើប្រាស់។
ឧទាហរណ៍ 5G Cloud Game ដែលដាក់បង្ហាញនៅក្នុងព្រឹត្តិការណ៍ MWC នេះមិនទាន់ដំណើរការនៅលើស្មាតហ្វូនរបស់ខ្លួននៅឡើយទេ ប៉ុន្តែនៅលើ Cloud តាមរយៈបណ្តាញ 5G networkដែលមានល្បឿនកម្រិតខ្ពស់លឿនមែនទែន។ តាមរយៈនូវសេវាកម្ម Cloud Render នេះ វីដេអូ និងសំលេងអាចស្ទ្រីមបានយ៉ាងលឿនតាមរយៈឧបករណ៍នេះ។ តាមរយៈការផ្លាស់ប្តូរពីឧបករណ៍នេះទៅជា Cloud នោះ អ្នកប្រើប្រាស់ជាច្រើនអាចរីករាយជាមួយនឹងគុណភាពរូបភាពនៅក្នុងកម្រិតច្បាស់ខ្ពស់បំផុតនិងបទពិសោធន៍នៃការលេងហ្គេមកាន់តែអស្ចារ្យថែមទៀត។ សម្រាប់ម៉ូដែលនេះក៏អាចដំណើរការជាមួយនឹង 5G Screen Mirroring និង 5G EasyShare ផងដែរ។ អ្នកប្រើប្រាស់ជាច្រើនលែងត្រូវការទាញយកកម្មវិធី Applications តាមបែបបុរាណទៀតហើយ ជាមួយនឹងជំនួយថ្មីនៃសេវាកម្ម 5G នេះ។
Vivo AR Glass: វិធីសាស្ត្រថ្មីនៃការទំនាក់ទំនងនៃបច្ចេកវិទ្យា AR នៅក្នុងសករាជ 5G
ក្រុមហ៊ុន vivo ក៏បង្ហាញនូវវ៉ែនតាដំបូងបំផុតរបស់ខ្លួនគឺ vivo AR Glass នៅក្នុងព្រឹត្តិការណ៍ MWC នៅទីក្រុងសៀងហៃឆ្នាំ 2019 នេះ ដែលទ្រទ្រង់ទៅលើ dual-screen display និងបច្ចេកវិទ្យា 6DoF Technology ថែមទៀតផង។ បន្ទាប់ពីការតភ្ជាប់ជាមួយនឹងស្មាតហ្វូន 5G នេះ អ្នកប្រើប្រាស់ជាច្រើននឹងទទួលបាននូវបទពិសោធន៍នៃការប្រើប្រាស់កម្មវិធីជាច្រើនដូចជា mobile office, AR games, 3D high-definition video, facial recognition និង object recognition ដែលជាផ្នែកមួយនៃវ៉ែនតា Vivo AR Glass នេះថែមទៀត។
នៅពេលដែល វ៉ែនតា Vivo AR Glass នេះបង្កើតនូវមាតិកា Content ជាច្រើននោះ ស្មាតហ្វូន 5G នេះនឹងដំណើរការមុខងារជាអ្នកគ្រប់គ្រងដែលអនុញ្ញាតឲ្យអ្នកប្រើប្រាស់ជាច្រើន អាចផ្លាស់ប្តូរ និងជ្រើសរើសនូវកម្មវិធី Applications ។ ឧទាហរណ៍ នៅពេលដែលអ្នកលេងហ្គេមនោះ ស្មាតហ្វូននេះនឹងក្លាយជា Console វិញ។ នេះគឺជាកន្លែងសម្រាប់ការផ្លាស់ប្តូរទៅលើ mobile office setting ហើយស្មាតហ្វូននេះនឹងក្លាយជា Keyboard វិញ។ សម្រាប់ប្រភេទនៃកម្មវិធី Applications ដែលទ្រទ្រង់នៅលើវ៉ែនតា Vivo AR Glass នេះ គឺមានដូចជា mobile game, mobile office, 5G theatre, facial recognition និង object recognition។
ឧស្សាហកម្មឈានមុខគេ Vivo Super FlashCharge 120W ដែលបញ្ចូលថាមពលថ្ម 5 នាទីបាន 50%
បច្ចេកវិទ្យា vivo Super FlashCharge 120Wនេះ គឺជារបកគំហើញនៃបច្ចេកវិទ្យាច្នៃប្រឌិតខ្ពស់ដែលមានការបង្ហាញនៅក្នុងព្រឹត្តិការណ៍ MWC នៅទីក្រុងសៀងហៃនេះ។ វាគឺជាបច្ចេកវិទ្យាដំបូងបំផុតនៅក្នុងឧស្សាហកម្មនេះ ដែលប្រើប្រាស់នូវបច្ចេកវិទ្យាបញ្ចូលថាមពលថ្ម 120W ultra-high power charging នោះ។ បច្ចេកវិទ្យា Super FlashCharge 120W នេះគឺជាបច្ចេកវិទ្យាថ្មីដែលប្រើប្រាស់នូវខ្សែ Type-C បញ្ចូលថាមពលថ្មដល់ទៅ 120W ultra-high power charging (20V/6A) ។ តាមពិសោធន៍នោះ បច្ចេកវិទ្យា Vivo Super FlashCharge 120W បញ្ចូលថាមពលថ្មទំហំ 4,000mAh ត្រឹមតែ 5 នាទីគឺបានរហូតដល់ទៅ 50% ហើយវាបញ្ចូលថាមពលថ្មនេះពេញនៅក្នុងរយៈពេលត្រឹមតែ 13 នាទីប៉ុណ្ណោះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
