ជាតិ
នយោបាយជាតិ
លោក ព្រាប កុល បបួលភ្នាល់ «១ម៉ឺនដុល្លារ ស៊ី ១ពាន់ដុល្លារ» ជាមួយអ្នកចោទថា លោកបង្កើតបក្ស រូបពីហ្វេសប៊ុករបស់លោក ព្រាប កុល
× មិនចង់បកស្រាយប្រាប់គេដដែលៗទៀតនោះទេ លោក ព្រាប កុល នាយកប្រតិបត្តិអង្គការតម្លាភាពកម្ពុជា (TI) បានយកការភ្នាល់មកបញ្ចប់មន្ទិលសង្ស័យតែម្តង ដែលថា លោក មានបំណងបង្កើតបក្សថ្មី។ លោក បង្ហោះសារលើបណ្តាញសង្គមថា «បើអស់លោកច្បាស់យ៉ាងហ្នឹង ខ្ញុំសូមកំដរអស់លោកភ្នាល់គ្នាមួយក្តារ។ ខ្ញុំសុខចិត្តតឲ្យ ១០ ស៊ី ១។ កូនប្រុសហ៊ាន ស៊ី ហ៊ានសង»។
តាមរយៈសំណេរនោះ លោក ព្រាប កុល បានប្រាប់អ្នកដែលចោទលោកទាំងនោះ ឲ្យទាក់ទងទៅលោក ដើម្បីចុះកិច្ចព្រមព្រៀងសម្រាប់ការភ្នាល់គ្នា។ លោក បញ្ជាក់ថា «យើង ភ្នាល់ដាក់១ម៉ឺនដុល្លារ។ យល់ព្រមទេ អស់លោក អ្នកច្បាស់លាស់ណាស់?»។
លោក ព្រាប កុល រងសង្ស័យថា លោកចង់បង្កើតបក្សថ្មី បន្ទាប់ពីលោក រៀបចំបង្កើត «កិ្លបមេដឹកនាំវ័យក្មេង»។ លោក បង្កើតក្លិបនេះ គឺដើម្បីជំរុញឲ្យយុវជនជំនាន់ក្រោយ អាចមានលទ្ធភាព និងសមត្ថភាពរឹងមាំ ក្នុងការដឹកនាំនៅក្នុងស្ថាប័ន អង្គភាព និងវិស័យនយោបាយ ជាដើម៕
© រក្សាសិទ្ធិដោយ thmeythmey.com