កីឡាអន្តរជាតិ
អន្តរជាតិ
World Cup នារី៖ អង់គ្លេស ទម្លាក់ន័រវែស ដើម្បីឡើងវគ្គ១/២ផ្តាច់ព្រ័ត្រ
× ក្រុមកីឡាបាល់ទាត់ជម្រើសជាតិនារីអង់គ្លេសបានឡើងទៅវគ្គពាក់កណ្តាលផ្តាច់ព្រ័ត្រ តាមរយៈការយកឈ្នះន័រវែសក្នុងលទ្ធផល ៣-០ នៃការប្រកួតពានរង្វាន់ FIFA Women's World Cup ឆ្នាំ២០១៩ ។
នាជំនួបវគ្គ៨ក្រុម នៅរាត្រីថ្ងៃទី២៨ ខែមិថុនា តោកំណាចអង់គ្លេសអាចរកគ្រាប់បាល់ស៊ុតបញ្ចូលទីដល់ទៅ៣គ្រាប់ លើគូប្រជែងន័រវែស ដែលសម្រេចបានដោយកីឡាការិនី Jill Scott នៅនាទីទី៣ Ellen White (៤០) និង Lucy Bronze (៥៧)។
ជ័យជម្នះនេះបាននាំក្រុមដែលដឹកនាំដោយគ្រូបង្វឹកជាអតីតកីឡាករ Manchester United លោក Phil Neville ឡើងទៅកាន់វគ្គពាក់កណ្តាល់ផ្តាច់ព្រ័ត្រ ដោយត្រូវប៉ះម្ចាស់ផ្ទះបារាំង ឬម្ចាស់ការពារជើងឯកអាមេរិកបន្ទាប់ពីក្រុមទាំងពីត្រូវតតាំងគ្នានៅវគ្គ៨ក្រុម នារត្រីថ្ងៃទី២៨ ខែមិនានេះ។
រវាងអ៊ីតាលីនិងហូឡង់ដែលត្រូវជួបគ្នានៅជំនួបវគ្គ៨ក្រុមដែរនោះ នឹងត្រូវយកមួយក្រុមដើម្បីបន្តទៅជួប អាល្លឺម៉ង់ ឬស៊ុយអែត នៅវគ្គ១/២ផ្តាច់ព្រ័ត្រ៕
លោក Phil Neville គ្រូបង្វឹកក្រុមជម្រើសជាតិនារីអង់គ្លេស
Tag:
បាល់ទាត់
World Cup Women
អង់គ្លេស
© រក្សាសិទ្ធិដោយ thmeythmey.com