កីឡាអន្តរជាតិ
អន្តរជាតិ
Copa America៖ ប៉េរូ ប៉េណាល់ទីឈ្នះអ៊ុយរូហ្គាយ ដើម្បីទៅជួបស៊ីលីវគ្គ១/២ផ្តាច់ព្រ័ត្រ
× ប៉េរូបានទម្លាក់ម្ចាស់ជើងឯកច្រើនជាងគេអ៊ុយរូហ្គាយដោយបាល់កាត់សេចក្តីប៉េណាល់ទី ៤-៥ ដើម្បីឡើងទៅប៉ះស៊ីលីនៅវគ្គពាក់កណ្តាលផ្តាច់ព្រ័ត្រ នៃពានរង្វាន់ Copa America ឆ្នាំ២០១៩។
នាការប្រកួតវគ្គ៨ក្រុមចុងក្រោយនៅព្រឹកថ្ងៃទី៣០ ខែមិថុនា ក្រុមកីឡាបាល់ទាត់ជម្រើសជាតិប៉េរូ និង អ៊ុយរូហ្គាយដែលជាម្ចាស់ពានប្រចាំតំបន់អាមេរិកឡាទីននេះរហូត១៥សម័យ បានបញ្ចប់ការប្រកួតក្នុងម៉ោងផ្លូវការ៩០នាទីដោយលទ្ធផល ០-០។ ក្រុមទាំងពីរតម្រូវឲ្យមានការទាត់បាល់កាត់សេចក្តីប៉េណាល់ទីដើម្បីយកមួយក្រុមទៅវគ្គបន្តដោយ ប៉េរូ បានយកឈ្នះអ៊ុយរូហ្គាយក្នុងលទ្ធផល ៥-៤។
ប៉េរូជាក្រុមចុងក្រោយគេដែលឈានដល់វគ្គពាក់កណ្តាលផ្តាច់ព្រ័ត្រនេះ ហើយក៏ត្រូវតទល់គ្នាជាមួយម្ចាស់ជើងឯកចាស់ស៊ីលីផងដែរ។ អាហ្សង់ទីនត្រូវជួបម្ចាស់ផ្ទះប្រេស៊ីលដើម្បីដណ្តើមកៅអីទៅកាន់វគ្គផ្តាច់ព្រ័ត្រពានរង្វាន់ប្រចាំទ្វីបអាមេរិកខាងត្បូងឆ្នាំ២០១៩នេះ៕
© រក្សាសិទ្ធិដោយ thmeythmey.com