ជាតិ
នយោបាយជាតិ
លោក ឱម យ៉ិនទៀង៖ ច្បាប់ពុករលួយនៅកម្ពុជា អត់មានដាក់គុកករណីសម្ញែងទ្រព្យឡើយ
នាសន្និសីទសារព័ត៌មាន ទាក់ទងពាក់ព័ន្ធលើករណីក្លែងលិខិតបន្លំយកដីនៅខេត្តព្រះសីហនុ លោក ឱម យ៉ិនទៀង ឆ្លៀតបកស្រាយករណីសម្ញែងទ្រព្យប្រាប់អ្នកសារព័ត៌មាន
×![]()
ករណី លោក គឹម រស្មី អតីតមេបញ្ជាការកងរាជអាវុធហត្ថ ខេត្តរតនគិរី និងករណី លោក ស្រេង សុខា ស្នងការរងនគរបាលខេត្តកណ្តាល ដែលល្បីល្បាញតាមបណ្តាញសង្គមហ្វេសប៊ុកកន្លងមកនោះ មិនជាប់ពាក់ព័ន្ធនឹងអំពើពុករលួយឡើយ ដោយគ្រាន់តែជាទង្វើសម្ញែងទ្រព្យសម្បត្តិប៉ុណ្ណោះ។ នេះជាការអះអាងរបស់លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ (ACU)។
នាសន្និសីទសារព័ត៌មានកាលពីថ្ងៃទី២៨ ខែមិថុនា កន្លងមក ទាក់ទងពាក់ព័ន្ធលើករណីក្លែងលិខិតបន្លំយកដីប្រជាពលរដ្ឋ នៅខេត្តព្រះសីហនុ លោក ឱម យ៉ិនទៀង បានយកករណីសម្ញែងទ្រព្យមកបកស្រាយប្រាប់អ្នកសារព័ត៌មាន។ លោកបានអះអាងថា ACU បង្កើតក្រុមការងារស៊ើបអង្កេត៦ក្រុម ប៉ុន្តែរកមិនឃើញថា លោក គឹម រស្មីជាប់ពាក់ព័ន្ធនឹង «បទល្មើសអំពើពុករលួយ» នោះឡើយ។
កាលពីខែកុម្ភៈ ឆ្នាំ២០១៩ លោក គឹម រស្មី ដែលស្ថិតក្នុងតំណែងជាមេបញ្ជាការកងរាជអាវុធហត្ថ ខេត្តរតនគិរី បានចែកមូលប្បទានបត្រ ឲ្យកូន៥នាក់របស់ខ្លួននាពិធីខួបកំណើត ដោយអះអាង១សន្លឹកមានទឹកប្រាក់ចំនួន១០ម៉ឺនដុល្លារអាមេរិក។ ទិដ្ឋភាពនេះ ត្រូវបានថតបង្ហោះក្នុងគណនីហ្វេសប៊ុកមួយ ហើយត្រូវបានចែករំលែកតៗគ្នា។
បើតាមប្រធាន ACU លោក គឹម រស្មី ធ្លាប់ជាមនុស្សក្រខ្សត់ និងមានត្រកូលគ្រួសារជាអ្នកធ្វើកៅស៊ូ ហើយក៏បានជួបប្រពន្ធក្រោយដែលមានជីវភាពធូរធារ។ ចំពោះមូលប្បទានបត្រដែលលោក គឹម រស្មី បានចែកឲ្យកូនៗនោះមានលុយមិនគ្រប់នោះឡើយ។
លោក ឱម យ៉ិនទៀង បានបញ្ជាក់ថា៖ «សែក [មូលប្បទានបត្រ] ៥សន្លឹក ដែលលោក គឹម រស្មី ចែកឲ្យកូនៗទាំង៥នាក់នោះ បើកអត់បានទេ ហើយពីរសន្លឹក ហាក់ដូចជាហែកចោល។ សែកទាំងប៉ុន្មានយើងខ្ញុំ រឹបអូសយកបានមកធ្វើជាភស្តុតាង»។
«យើងមើលទ្រព្យសម្បត្តិរបស់លោក គឹម រស្មី គឺមិនទាន់មានអ្វីដែលអាចជាបញ្ហាទេ ហើយយើងឃើញថា ៥០ម៉ឺនដុល្លារ ដែលចែកឲ្យកូនៗនោះអត់មានទេ ព្រោះលុយក្នុងធនាគាររបស់គាត់ មានមិនគ្រប់៥០ម៉ឺនដុល្លារផង បានអីបើកសែក... គឺអត់មានលុយទេ... គឺអួតសម្ញែង ទ្រព្យទេ... អ្វីដែលជាបញ្ហាគាត់ខុស គឺការសម្ញែងទ្រព្យ»។ នេះជាការពន្យល់របស់មេ ACU ដោយអះអាងថា ច្បាប់ ប្រឆាំងអំពើពុករលួយនៅកម្ពុជា គ្មានការដាក់គុកករណីសម្ញែងទ្រព្យនោះឡើយ។
ទោះបីជាយ៉ាងណាក៏ដោយ រដ្ឋាភិបាលមិនចង់ឃើញករណីបែបនេះឡើយ ដោយកាលពីខែកុម្ភៈ ដដែលនោះ លោក គឹម រស្មី ត្រូវលុបឈ្មោះចេញពីក្របខណ្ឌកងយោធពលខេមរភូមិន្ទ និងអស់តំណែងជាមេបញ្ជាការប៉េអឹមខេត្តរតនគិរី។ លោកឱម យ៉ិនទៀង បានបន្ថែមថា ករណីនេះហាក់ដូចជាចប់ ប៉ុន្តែលោក គឹម រស្មី នៅតែភ័យទៀត ដោយសារ ACU នៅបន្តស៊ើបអង្កេតផ្សេងទៀត។
ដូចគ្នាផងដែរ ករណីរបស់ស្នងការរងខេត្តកណ្ដាលលោក ស្រេង សុខា ក៏ត្រូវប្រធាន ACU ក៏ អះអាងថា មិនជាប់ពាក់ព័ន្ធនឹងអំពើពុករលួយឡើយ។ លោកបានកត់សម្គាល់ថា៖«ស្នងការរងនេះ ដូចគ្នា អាលុយបង្អួតនោះជាលុយរបស់ខាងស្រី ពោលគឺសម្ងែងដូចគ្នាហ្នឹង»។
កន្លងមក អង្គភាពប្រឆាំងអំពើពុករលួយ បានប្រកាសបើកការស៊ើបអង្កេតទៅលើទ្រព្យសម្បត្តិរបស់ស្នងការរងខេត្តកណ្ដាលរូបនេះ ក្រោយពីមានការចែករំលែកតាមបណ្ដាញសង្គមហ្វេសប៊ុក ស្នងការរងរូបនេះបានភ្ជាប់ពាក្យជាមួយស្ត្រីម្នាក់ និងបានជូនថ្លៃបណ្ណាការជូនបណ្ណាការតម្លៃរាប់សិបម៉ឺនដុល្លារដល់គូដណ្ដឹង កាលពីថ្ងៃទី២៧ កុម្ភៈ ឆ្នាំ២០១៩៕
អត្ថបទទាក់ទង
នាសន្និសីទសារព័ត៌មានកាលពីថ្ងៃទី២៨ ខែមិថុនា កន្លងមក ទាក់ទងពាក់ព័ន្ធលើករណីក្លែងលិខិតបន្លំយកដីប្រជាពលរដ្ឋ នៅខេត្តព្រះសីហនុ លោក ឱម យ៉ិនទៀង បានយកករណីសម្ញែងទ្រព្យមកបកស្រាយប្រាប់អ្នកសារព័ត៌មាន។ លោកបានអះអាងថា ACU បង្កើតក្រុមការងារស៊ើបអង្កេត៦ក្រុម ប៉ុន្តែរកមិនឃើញថា លោក គឹម រស្មីជាប់ពាក់ព័ន្ធនឹង «បទល្មើសអំពើពុករលួយ» នោះឡើយ។
កាលពីខែកុម្ភៈ ឆ្នាំ២០១៩ លោក គឹម រស្មី ដែលស្ថិតក្នុងតំណែងជាមេបញ្ជាការកងរាជអាវុធហត្ថ ខេត្តរតនគិរី បានចែកមូលប្បទានបត្រ ឲ្យកូន៥នាក់របស់ខ្លួននាពិធីខួបកំណើត ដោយអះអាង១សន្លឹកមានទឹកប្រាក់ចំនួន១០ម៉ឺនដុល្លារអាមេរិក។ ទិដ្ឋភាពនេះ ត្រូវបានថតបង្ហោះក្នុងគណនីហ្វេសប៊ុកមួយ ហើយត្រូវបានចែករំលែកតៗគ្នា។
បើតាមប្រធាន ACU លោក គឹម រស្មី ធ្លាប់ជាមនុស្សក្រខ្សត់ និងមានត្រកូលគ្រួសារជាអ្នកធ្វើកៅស៊ូ ហើយក៏បានជួបប្រពន្ធក្រោយដែលមានជីវភាពធូរធារ។ ចំពោះមូលប្បទានបត្រដែលលោក គឹម រស្មី បានចែកឲ្យកូនៗនោះមានលុយមិនគ្រប់នោះឡើយ។
លោក ឱម យ៉ិនទៀង បានបញ្ជាក់ថា៖ «សែក [មូលប្បទានបត្រ] ៥សន្លឹក ដែលលោក គឹម រស្មី ចែកឲ្យកូនៗទាំង៥នាក់នោះ បើកអត់បានទេ ហើយពីរសន្លឹក ហាក់ដូចជាហែកចោល។ សែកទាំងប៉ុន្មានយើងខ្ញុំ រឹបអូសយកបានមកធ្វើជាភស្តុតាង»។
«យើងមើលទ្រព្យសម្បត្តិរបស់លោក គឹម រស្មី គឺមិនទាន់មានអ្វីដែលអាចជាបញ្ហាទេ ហើយយើងឃើញថា ៥០ម៉ឺនដុល្លារ ដែលចែកឲ្យកូនៗនោះអត់មានទេ ព្រោះលុយក្នុងធនាគាររបស់គាត់ មានមិនគ្រប់៥០ម៉ឺនដុល្លារផង បានអីបើកសែក... គឺអត់មានលុយទេ... គឺអួតសម្ញែង ទ្រព្យទេ... អ្វីដែលជាបញ្ហាគាត់ខុស គឺការសម្ញែងទ្រព្យ»។ នេះជាការពន្យល់របស់មេ ACU ដោយអះអាងថា ច្បាប់ ប្រឆាំងអំពើពុករលួយនៅកម្ពុជា គ្មានការដាក់គុកករណីសម្ញែងទ្រព្យនោះឡើយ។
ទោះបីជាយ៉ាងណាក៏ដោយ រដ្ឋាភិបាលមិនចង់ឃើញករណីបែបនេះឡើយ ដោយកាលពីខែកុម្ភៈ ដដែលនោះ លោក គឹម រស្មី ត្រូវលុបឈ្មោះចេញពីក្របខណ្ឌកងយោធពលខេមរភូមិន្ទ និងអស់តំណែងជាមេបញ្ជាការប៉េអឹមខេត្តរតនគិរី។ លោកឱម យ៉ិនទៀង បានបន្ថែមថា ករណីនេះហាក់ដូចជាចប់ ប៉ុន្តែលោក គឹម រស្មី នៅតែភ័យទៀត ដោយសារ ACU នៅបន្តស៊ើបអង្កេតផ្សេងទៀត។
ដូចគ្នាផងដែរ ករណីរបស់ស្នងការរងខេត្តកណ្ដាលលោក ស្រេង សុខា ក៏ត្រូវប្រធាន ACU ក៏ អះអាងថា មិនជាប់ពាក់ព័ន្ធនឹងអំពើពុករលួយឡើយ។ លោកបានកត់សម្គាល់ថា៖«ស្នងការរងនេះ ដូចគ្នា អាលុយបង្អួតនោះជាលុយរបស់ខាងស្រី ពោលគឺសម្ងែងដូចគ្នាហ្នឹង»។
កន្លងមក អង្គភាពប្រឆាំងអំពើពុករលួយ បានប្រកាសបើកការស៊ើបអង្កេតទៅលើទ្រព្យសម្បត្តិរបស់ស្នងការរងខេត្តកណ្ដាលរូបនេះ ក្រោយពីមានការចែករំលែកតាមបណ្ដាញសង្គមហ្វេសប៊ុក ស្នងការរងរូបនេះបានភ្ជាប់ពាក្យជាមួយស្ត្រីម្នាក់ និងបានជូនថ្លៃបណ្ណាការជូនបណ្ណាការតម្លៃរាប់សិបម៉ឺនដុល្លារដល់គូដណ្ដឹង កាលពីថ្ងៃទី២៧ កុម្ភៈ ឆ្នាំ២០១៩៕
© រក្សាសិទ្ធិដោយ thmeythmey.com
