កម្ពុជា សុំប្រទេសម្ចាស់បំណុល កុំដំឡើងអត្រាការប្រាក់

ជាតិ

សេដ្ឋកិច្ច

កម្ពុជា សុំប្រទេសម្ចាស់បំណុល កុំដំឡើងអត្រាការប្រាក់

01, Jul 2019 , 9:19 pm

រូបភាព

សម្តេចនាយករដ្ឋមន្រ្តី ស្ថិតក្នុងពិធីផ្ទេរសិទ្ធិគ្រប់គ្រងសាលាកុមារពិការភ្នែក និង គ-ថ្លង់នៃអង្គការគ្រួសារថ្មី ទៅឲ្យក្រសួងអប់រំ នាព្រឹកថ្ងៃទី១ ខែកក្កដា ឆ្នាំ២០១៩

ដោយ: ថ្មីៗ

សម្តេចនាយករដ្ឋមន្ត្រី ហ៊ុន សែន ស្នើដល់បណ្តាប្រទេសនានាដូចជា ចិន ជប៉ុន បារាំង កូរ៉េខាងត្បូង ដោយរួមទាំងស្ថាប័នហិរញ្ញវត្ថុធំៗផ្សេងទៀត ដូចជា ធនាគារពិភពលោក និង ធនាគារអភិវឌ្ឍន៍អាស៊ី ជាដើម ដែលបានផ្តល់ហិរញ្ញប្បទាន (កម្ចី) ដល់កម្ពុជា កុំឲ្យបង្កើនអត្រាការប្រាក់។

ក្នុងពិធីផ្ទេរសិទ្ធិគ្រប់គ្រងសាលាកុមារពិការភ្នែក និង គ-ថ្លង់នៃអង្គការគ្រួសារថ្មី ទៅឲ្យក្រសួងអប់រំ នាព្រឹកថ្ងៃទី១ ខែកក្កដា ឆ្នាំ២០១៩នេះ ប្រមុខរដ្ឋភិបាល ស្នើដូច្នេះថា «សូមកុំឲ្យបង្កើនការប្រាក់ សូមរក្សាអត្រាការប្រាក់សម្រាប់កម្ពុជា»។

សំឡេង

សម្តេចនាយករដ្ឋមន្ត្រី លើកឡើងថា បច្ចុប្បន្ន កម្ពុជាបានឆ្លងផុតពីប្រទេស ដែលមានប្រាក់ចំណូលទាប ទៅជាប្រទេសដែលមានប្រាក់ចំណូលមធ្យមកម្រិតទាប និងប្រឹងប្រែងឆ្ពោះទៅរកប្រាក់ចំណូលមធ្យមកម្រិតខ្ពស់ នៅឆ្នាំ២០៣០។ សម្តេច ថ្លែងបែបនេះថា «បើយើងវិវត្តកាន់តែខ្ពស់ អត្រាការប្រាក់ ក៏កាន់តែខ្ពស់ដែរ»។

ក្រសួងសេដ្ឋកិច្ច បានបញ្ជាក់ កាលខែមិថុនា ឆ្នាំ២០១៩ថា កម្ពុជា ជំពាក់បំណុលបរទេសប្រមាណ៧ពាន់លាន់ដុល្លារ៕