សិស្សានុសិស្សថ្នាក់ទី១២ ដែលត្រៀមប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់ថ្នាក់វិទ្យាសាស្រ្តសង្គម គួរចេះមេរៀន និងឧស្សាហ៍អនុវត្តលំហាត់លីមីត, អាំងតេក្រាល, ប្រូបាប, ខ្សែកោង និងកោនិច ទើបអាចប្រឡងជាប់មុខវិជ្ជាគណិតវិទ្យា។ បើតាមសាស្រ្តាចារ្យគណិតវិទ្យា នាង បូ នៃវិទ្យាល័យបាក់ទូកនិងសាលាមហាសាស្រ្តា សិស្សានុសិស្សថ្នាក់ទី១២ ចេះមេរៀនទាំង៥នេះ ធានាថាប្រឡងមិនធ្លាក់ឡើយ។ សាស្រ្តាចារ្យគណិតវិទ្យា ដែលមានបទពិសោធបង្រៀនជិត៣០ឆ្នាំ បានស្វែងយល់ពីការចេញវិញ្ញាសារបស់ក្រសួង និងបង្រៀនសិស្សទៅតាមស្ដង់ដារបស់ក្រសួងអប់រំ យុវជន និងកីឡា។ 

 
 សូមបញ្ជាក់ថា សម័យប្រឡងសញ្ញាបត្រមធ្យមសិក្សាទុតិយភូមិ នឹងប្រព្រឹត្តទៅនៅថ្ងៃទី១៩ ខែសីហា ២០១៩ខាងមុខនេះ។ ការប្រឡងសញ្ញាបត្រមធ្យមសិក្សាទុតិយភូមិនេះ ត្រូវបានបែងចែកជា២ គឺសម្រាប់សិស្សថ្នាក់វិទ្យាសាស្រ្តពិត និងថ្នាក់វិទ្យាសាស្រ្តសង្គម៕