PSG សង្ឃឹមថា Mbapp, Neymar នៅបន្ត ក្រោយកីឡាករទាំងពីរជួយផ្សាយឯកសណ្ឋានរដូវកាលថ្មី

កីឡាអន្តរជាតិ

អន្តរជាតិ

PSG សង្ឃឹមថា Mbapp, Neymar នៅបន្ត ក្រោយកីឡាករទាំងពីរជួយផ្សាយឯកសណ្ឋានរដូវកាលថ្មី

01, Jul 2019 , 10:19 pm

រូបភាព

ដោយ: ទេព ពិទូរ្យ

Kylian Mbappe និង Neymar Jr ដែលកំពុងលេចឮដំណឹងនៃការផ្លាស់ពីទឹកដីបារាំងទៅចូលរួមក្រុមផ្សេងនោះ បានបង្ហាញខ្លួនជាមួយឈុតសម្លៀកបំពាក់ក្រុមថ្មីឲ្យក្រុម Paris Saint-Germain សម្រាប់ឯកសណ្ឋានក្នុងដីនារដូវកាល ២០១៩-២០២០។ ការបង្ហាញខ្លួននេះ បានធ្វើឲ្យក្លិបយក្សបារាំង សង្ឃឹមខ្ពស់ថា កីឡាករឆ្នើមរបស់ពួកគេទាំងពីរនឹងបន្តជួយក្រុមនៅរដូវកាលក្រោយទៀត។

អត្ថបទទាក់ទង

Real ជាក្រុមនាំមុខគេ ក្រោយ Mbappe ចង់ចេញពី PSG

ដោយសារវ៉ៃអ្នកគាំទ្រ Neymar ត្រូវដកតំណែងប្រធានក្រុមប្រេស៊ីល ហើយ Alves ជំនួសវិញ

សមាជិកក្រុមជម្រើសជាតិប្រេស៊ីល Neymar កំពុងមានទំនាក់ទំនងយ៉ាងក្តៅគគុកទៅនឹងការវិលត្រឡប់ទៅកាន់ក្រុមចាស់ Barcelona វិញនៅរដូវកាលថ្មីខាងមុខ។ លោក Jordi Cardoner អនុប្រធានក្លិបអ្នកមានបុណ្យ បានអះអាងថា អតីតសមាជិកកីឡារបស់ខ្លួនរូបនេះពិតជាចង់ទៅ Camp Nou វិញពិតមែន។

ដោយឡែក Mbappe ខ្សែប្រយុទ្ធវ័យក្មេងសញ្ជាតិបារាំង បានបង្ហាញចំណាប់អារម្មណ៍ចង់មានការប្រកួតប្រជែងថ្មីជាមួយក្រុមផ្សេង ដោយក្នុងនោះ Real Madrid ជាគោលដៅធំ។

ប៉ុន្តែយ៉ាងណាក៏ដោយ អ្វីៗហាក់ធ្វើឲ្យម្ចាស់ជើងឯក Ligue 1 បារាំងធូរស្រាលចិត្តបន្តិចដោយរំពឹងថាតារាឆ្នើមទាំងពីរនឹងយល់ព្រមស្នាក់នៅទឹកដី Parc des Princes រដូវកាលក្រោយ។ ធូរស្រាលចិត្ត ដ្បិត Neymar និង Mbappe បានបង្ហាញខ្លួនក្នុងវីដេអូផ្សព្វផ្សាយពីឯកសណ្ឋានប្រកួតក្នុងដីថ្មីរបស់ក្រុម PSG សម្រាប់រដូវកាល ២០១៩-២០។

It’s here! Check out the new @PSG_English jersey for the 1⃣9⃣/2⃣0⃣ season!

Welcome @All

#ICICESTPARIS pic.twitter.com/UaDJwyaAVf
— Paris Saint-Germain (@PSG_English) June 30, 2019

Mbappe វ័យ២០ឆ្នាំ ស៊ុតបញ្ចូលទីចំនួន៣៣គ្រាប់ក្នុងលីគរដូវកាលមុន ស្របពេល Neymar វ័យ២៦ឆ្នាំ រកបានតែ១៥គ្រាប់ប៉ុណ្ណោះដោយសារបួស ខណៈដែល PSG ឈ្នះជើងឯកដោយនាំមុនក្រុមចំណាត់ថ្នាក់ទី២ចំនួន១៦៕