ការ៉ុត ជាបន្លែមើមមួយប្រភេទដែលមានរសជាតិឆ្ងាញ់អាចទទួលទានបានទាំងឆៅ ឬយកទៅចម្អិនធ្វើម្ហូបផ្សេងៗបានច្រើនមុខ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះតើកូនស្រីរបស់អ្នកចេះតែរមាស់ស្បែកមែនទេ?) ទោះបីជាស្គាល់និងឧស្សាហ៍ញ៊ាំ ប៉ុន្តែភាគច្រើននៃពួកយើងមិនសូវទទួលទានជាលក្ខណៈទឹកបន្លែស្រស់ឡើយ។ ការ៉ុតមានផ្ទុកសម្បូរទៅដោយសារធាតុចិញ្ចឹមដែលចាំបាច់សម្រាប់សុខភាព ហើយទឹកការ៉ុតស្រស់កាន់តែផ្ដល់អត្ថប្រយោជន៍បានប្រសើរថែមទៀត។
ខាងក្រោមនេះយើង នឹងបង្ហាញឲ្យដឹងពីផលល្អៗនៃការទទួលទានទឹកការ៉ុត ១ កែវជាប្រចាំ ៖
១. គ្រប់គ្រងសម្ពាធឈាម
ការ៉ុត ជាប្រភពដ៏ប្រសើរនៃសារធាតុ beta-carotene ដែលមានប្រសិទ្ធិភាពគ្រប់គ្រងសម្ពាធ
ឈាម។ សារធាតុប្រឆាំងអុកស៊ីតកម្មដែលមានវត្តមានក្នុងបន្លែនេះក៏ជួយពង្រឹងប្រព័ន្ធភាពស៊ាំរាងកាយ និងសម្រួលលំហូរឈាមត្រឹមត្រូវផងដែរ។ ដើម្បីដោះស្រាយបញ្ហាសម្ពាធឈាមទាបពេកអ្នកអាចទទួលទានទឹកការ៉ុតស្រស់ ១ ពែងលាយជាមួយទឹកឃ្មុំ ១ ស្លាបព្រាកាហ្វេ ហើយទទួលទានឲ្យបាន ២ ដងក្នុងមួយថ្ងៃពេលពោះទទេដើម្បីឲ្យសម្ពាធឈាមត្រឡប់មកប្រក្រតីវិញ។
២. ពង្រឹងសុខភាពប្រព័ន្ធរំលាយអាហារ
នៅពេលអ្នកទទួលទានទឹកការ៉ុតស្រស់ ១ កែវ រាងកាយនឹងរំញោចការបញ្ចេញទឹកអាស៊ីតក្រពះ ឬទឹករំលាយអាហារ ហើយអនុញ្ញាតឲ្យអាចស្រូបយកនូវអត្ថប្រយោជន៍ពីគ្រប់មីក្រូនិងម៉ាក្រូសារធាតុចិញ្ចឹមដែលអ្នកបានទទួលទាន។ ជាតិសរសៃដែលមានក្នុងការ៉ុតក៏ជួយកម្ចាត់បាក់តេរីមិនល្អនិងសម្រួលដល់ដំណើរការនៃប្រព័ន្ធរំលាយអាហារផងដែរ។
៣. បង្កើនសុខភាពភ្នែក
ទឹកការ៉ុតស្រស់ មានផ្ទុកសារធាតុ lutein និង beta-carotene ដែលចាំបាច់សម្រាប់រក្សាសុខភាពភ្នែកល្អប្រសើរមើលឃើញកាន់តែច្បាស់ ហើយជៀសផុតពីបញ្ហាភ្នែកផ្សេងៗ។ ដូច្នេះដើម្បីពង្រឹងបង្កើនសុខភាពភ្នែកនោះ វិធីដ៏ងាយមួយដែលអ្នកគួរអនុវត្តជាប្រចាំ គឺការទទួលទានទឹកការ៉ុតស្រស់។
៤. បន្សាបជាតិនីកូទីន
នៅពេលជក់បារីជាតិនីកូទីនអាចជ្រាបដល់ខួរក្បាល ប្រព័ន្ធសរសៃឈាម និងស្ថិតក្នុងរាងកាយរបស់អ្នករយៈពេល ៣ ថ្ងៃ ធ្វើឲ្យខូចខាត់ដល់ស្បែកថែមទៀត។ ទោះជាយ៉ាងណា ទឹកការ៉ុតអាចជួយ
ទប់ស្កាត់ប្រឆាំងនឹងផលប៉ះពាល់អវិជ្ជមាននេះបានយ៉ាងប្រសើរ! ទឹកការ៉ុតស្រស់មានផ្ទុកសម្បូរទៅដោយសារធាតុចិញ្ចឹមសំខាន់ៗដូចជា វីតាមីន A C K និង B ដែលជួយកម្ចាត់ជាតិនីកូទីនចេញពីក្នុងរាងកាយ។
៥. ទប់ស្កាត់ជំងឺរលាកសន្លាក់
ក្រៅពីល្អសម្រាប់សុខភាពភ្នែកហើយនោះ វីតាមីន A ក៏មានឥទ្ធិពលខ្លាំងក្លាប្រយុទ្ធប្រឆាំងនឹងការរលាកផងដែរ។ ការដាក់បញ្ជូលទឹកការ៉ុតស្រស់ ឬការ៉ុតក្នុងរបបអាហារប្រចាំថ្ងៃ គឺជាវិធីដ៏ងាយ ប៉ុន្តែមានប្រសិទ្ធិភាពខ្ពស់ជួយទប់ស្កាត់ជំងឺរលាកសន្លាក់មិនឲ្យកើតឡើង ឬកាត់បន្ថយអាការៈនៃជំងឺ។
៦. គ្រប់គ្រងកម្រិតជាតិស្ករក្នុងឈាម
កុំខ្លាចថាជាតិផ្អែមនៃទឹកការ៉ុតស្រស់អាចធ្វើឲ្យជាតិស្ករក្នុងឈាមអ្នកឡើងខ្ពស់! ក៏ព្រោះការ៉ុតមានផ្ទុកសម្បូរទៅដោយជាតិ carotenoids ដែលជាសារធាតុប្រឆាំងអុកស៊ីតកម្មដ៏មានឥទ្ធិពលជួយបញ្ចុះជាតិស្ករក្នុងឈាមបានយ៉ាងមានប្រសិទ្ធិភាព។
៧. ទប់ស្កាត់ជំងឺមហារីក
ទឹកការ៉ុត ជាប្រភពដ៏ប្រសើរនៃសារធាតុ carotenoids និងសារធាតុប្រឆាំងអុកស៊ីតកម្មច្រើនប្រភេទទៀតដែលជួយរារាំងកម្ចាត់កោសិកាមហារីកក្នុងរាងកាយ។ សារធាតុ carotenoids មានប្រសិទ្ធិភាពខ្ពស់ក្នុងការប្រយុទ្ធប្រឆាំងនឹងជំងឺមហារីកពោះវៀនធំ, មហារីកផ្លោកនោម, មហារីកមាត់ស្បូន និងមហារីកបំពង់ក។
៨. កាត់បន្ថយកម្រិតកូឡេស្តេរ៉ូលមិនល្អ
ទឹកការ៉ុតស្រស់ ជាប្រភពដ៏ប្រសើរបំផុតមួយនៃជាតិប៉ូតាស្យូមដែលមានប្រសិទ្ធិភាពជួយកាត់បន្ថយកម្រិតកូឡេស្តេរ៉ូលមិនល្អ។ លើសពីនេះទៅទៀត ជាតិសរសៃនៅក្នុងទឹកការ៉ុតក៏ប្រសើរសម្រាប់សុខភាពប្រព័ន្ធសរសៃឈាមបេះដូងផងដែរ។
៩. សុខភាពស្បែកល្អប្រសើរ
វីតាមីន A ដើរតួនាទីជួយការពារកោសិកាស្បែកពីការបំផ្លាញផ្សេងៗ រក្សាជាតិសំណើមនៃស្បែក និងទប់ស្កាត់ស្នាមខ្សែ ក៏ដូចជាស្នាមជ្រីវជ្រួញលើស្បែកផងដែរ។ ទឹកការ៉ុតស្រស់ ជាប្រភពដ៏ប្រសើរបំផុតមួយនៃវីតាមីន A ហើយក៏មានប្រសិទ្ធិភាពជួយព្យាបាលបញ្ហា ឬជំងឺស្បែកផ្សេងៗបានគួរឲ្យកត់សម្គាល់។
១០. សុខភាពសក់
ទឹកការ៉ុតជាប្រភពដ៏ល្អបំផុតមួយនៃវីតាមីន A ដែលចាំបាច់សម្រាប់ការផលិតជាតិប្រេងធម្មជាតិនៃសក់ ដើម្បីរក្សាបាននូវស្បែកក្បាលមានសុខភាពល្អ។ ប្រសិនបើគ្មានជាតិប្រេងគ្រប់គ្រាន់ទេនោះស្បែកក្បាលនឹងប្រែជាស្ងួត ហើយរមាស់៕
ត្រួតពិនិត្យដោយ www.health.com.kh