វិញ្ញាសាគណិតវិទ្យា សម្រាប់ថ្នាក់វិទ្យាសាស្រ្ត មានរយៈពេល ១៥០នាទី ដោយក្នុងនោះ មានលំហាត់ជាច្រើនសម្រាប់សិស្សដោះស្រាយ។ ដើម្បីដោះស្រាយលំហាត់គណិតវិទ្យា បានពិន្ទុច្រើន និងជាប់ សិស្សានុសិស្ស ត្រូវចេះមេរៀនសំខាន់ ដែលចេញក្នុងពេលប្រឡង។ ក្នុងបទសម្ភាសជាមួយសារព័ត៌មាន ThmeyThmey លោក នាង បូ សាស្រ្តាចារ្យគណិតវិទ្យា បានបញ្ជាក់ថា៖ «សម្រាប់ថ្នាក់វិទ្យាសាស្រ្ត សិស្សានុសិស្ស ត្រូវចេះកុំផ្លិច, លីមីត, សមីការ, ប្រូបាប, អាំងតេក្រាលកំណត់, ខ្សែកោង និង វ៉ិចទ័រ-កោនិច»។ 
 

 

 

នេះជាឆ្នាំទី ៦ហើយ ដែលក្រសួងអប់រំ យុវជន និងកីឡា បានធ្វើកំណែទម្រង់ការប្រឡងសញ្ញាបត្រមធ្យមសិក្សាទុតិយភូមិនេះ។ ពីមួយឆ្នាំទៅមួយឆ្នាំ ក្រសួងអប់រំ មិនអនុញ្ញាតឲ្យសិស្សានុសិស្ស លួចចម្លង ឬយកសំណៅឯកសារចូលក្នុងមណ្ឌលប្រឡងឡើយ។ សូមបញ្ជាក់ថា សម័យប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០១៨-២០១៩នេះ នឹងប្រព្រឹត្តទៅនៅថ្ងៃទី ១៩ ខែសីហា ឆ្នាំ២០១៩៕