អត្ថបទពាណិជ្ជកម្ម
ធ្វើដំណើរដោយរីករាយជាមួយ Vietjet និងការចំណាយតិចក្នុងថ្ងៃវិស្សមកាលលក្ខណៈគ្រួសារនៅវៀតណាម
×![]()
ដោយ: ថ្មីៗ
ភ្នំពេញ ថ្ងៃទី៣ ខែកក្កដា៖ តើលោកអ្នក កំពុងស្វែងរកទីកន្លែងសម្រាកវិស្សមកាល លក្ខខណៈគ្រួសារ ប្រកបដោយការរីករាយមែនទេ? តើលោកអ្នក ចង់ចំណាយតិច ក្នុងពេលធ្វើដំណើរ ទស្សនកិច្ចក្នុងប្រទេស ប្រកបដោយភាពរំភើបមែនទេ? ដើម្បីធ្វើឲ្យការធ្វើដំណើរជាមួយក្រុមគ្រួសាររបស់លោកអ្នក ក្លាយជាបទពិសោធដ៏អស្ចារ្យ សូមចាប់ផ្តើមទទួលយកសំបុត្រហោះហើរ អំឡុងព្រឹត្តិការណ៍ប្រូម៉ូសិនដ៏ពិសេស របស់ Vietjet ។
ចាប់ពីថ្ងៃទី៣ ដល់ទី៥ ខែកក្កដា នៅចន្លោះម៉ោង ១២ថ្ងៃត្រង់ និងម៉ោង ២រសៀល ក្រុមហ៊ុនអាកាសចរណ៍ Vietjet នឹងផ្តល់សំបុត្រហោះហើរ ក្នុងប្រូម៉ូសិន ចំនួន ១,៦០០,០០០សន្លឹក ដែលមានតម្លៃចាប់ពី ០ (សូន្យ) ដុល្លារអាមេរិក (មិនរាប់បញ្ចូលពន្ធ និងតម្លៃផ្សេងៗ) សម្រាប់រាល់ផ្លូវហោះហើរទាំងអស់ ក្នុងប្រទេសវៀតណាម តាមរយៈគេហទំព័រ www.vietjetair.com។
ពេលវេលានៃការធ្វើដំណើរ សម្រាប់សំបុត្រក្នុងប្រូម៉ូសិននេះ គឺចាប់ថ្ងៃទី៤ ខែកញ្ញា ឆ្នាំ២០១៩ ដល់ទី៣១ ខែធ្នូ ឆ្នាំ២០១៩ សម្រាប់រាល់ផ្លូវហោះហើរក្នុងស្រុកទាំងអស់ និងចាប់ពីថ្ងៃទី៤ ខែកញ្ញា ឆ្នាំ២០១៩ ដល់ទី២៥ ខែមិថុនា ឆ្នាំ២០២០ សម្រាប់រាល់ផ្លូវហោះហើរអន្តរជាតិទាំងអស់។
កុំឲ្យឱកាសនេះខកខានឲ្យសោះ ដើម្បីទទួលបានថ្ងៃសម្រាកវិស្សមកាលដ៏រីករាយ នៅវៀតណាម ដែលជាប្រទេសប្រជុំដោយរមណីយដ្ឋានដ៏គួរឲ្យចាប់អារម្មណ៍ជាច្រើន ឆ្នេរខ្សាច់ដ៏ស្រស់ស្អាត តំបន់ធម្មជាតិដ៏ទាក់ទាញ អាហារដ៏ឈ្ងុយឆ្ងាញ់ និងទទួលយកភាពរីករាយនៅកន្លែងកម្សាន្តជាច្រើនផ្សេងទៀត។
ខាងក្រោមនេះ គឺជាគន្លឹះសំខាន់ៗមួយចំនួន ក្នុងការចំណាយពេលសម្រាកវិស្សមកាល ប្រកបដោយភាពងាយស្រួល និងចំណាយតិចក្នុងប្រទេសវៀតណាម ប៉ុន្តែពោរពេញដោយការរីករាយ ដែលក្រុមគ្រួសារទាំងមូល នឹងទទួលបាន។
1. ចាប់ផ្តើមការហោះហើរពីសៀមរាប ទៅទីក្រុងហាណូយ
Vietjet នឹងផ្តល់ការហោះហើរប្រកបដោយភាពរីករាយ និងមានតម្លៃថោក ពីទីក្រុងសៀមរាប រយៈពេល១ឆ្នាំពេញ។ ហាណូយ គឺជាទីក្រុងមួយក្នុងចំណោមទីក្រុងធំៗ ដែលមានភាពស្រស់ស្អាតបំផុតនៅតំបន់អាស៊ីអាគ្នេយ៍ និងមានស្ទើរតែរាល់អ្វីៗទាំងអស់សម្រាប់គ្រប់គ្នា ដូចជា ប្រវត្តិសាស្ត្រ តំបន់ធម្មជាតិដ៏ស្រស់ស្អាត ម្ហូបអាហារដ៏ឈ្ងុយឆ្ងាញ់ និងការកម្សាន្តលក្ខខណៈគ្រួសារ។ នៅពេលដែលលោកអ្នកស្ថិតក្នុងទីក្រុងហាណូយ លោកអ្នកក៏អាចរីករាយនឹងការធ្វើដំណើរក្នុងរយៈពេលដ៏ខ្លីតាមរយៈយន្តហោះរបស់ Vietjet ទៅកាន់ទីក្រុងធំៗ និងគោលដៅវិស្សមកាលជាច្រើនផ្សេងទៀត ក្នុងប្រទេសវៀតណាមដែរ។ សូមកុំភ្លេចតាមដានប្រូម៉ូសិនពិសេសៗ នៅពេលដែលអ្នកអាចចាប់ផ្តើមការហោះហើរផ្សេងៗ ដែលមានតម្លៃចាប់ពី ០ (សូន្យ) ដុល្លារអាមេរិក នៅលើទំព័រ Facebook របស់ Vietjet។
2. ទៅកម្សាន្តកន្លែងដ៏គួរឲ្យចាប់អារម្មណ៍បំផុត ក្នុងទីក្រុងហាណូយ
លោកអ្នកអាចទៅទស្សនានៅអគារប្រវត្តិសាស្ត្រ Imperial Citadel of Thang Long ដែលជាបេតិកភ័ណ្ឌពិភពលោក របស់អង្គារយូណេស្កូ នៅវៀតណាម, សារមន្ទីរជាតិក្នុងទីក្រុងហូជីមិញ ឬតំបន់ទេសចរណ៍ដ៏មានប្រជាប្រិយភាពជាច្រើន ដូចជា ប្រាសាទTemple of Literature ជាដើម។ ក្រុមគ្រួសាររបស់លោកអ្នក ប្រាកដជារីករាយនឹងការដើរកម្សាន្ត និងជិះកង់នៅតាមបណ្តោយបឹង Hoan Kiem នៅចំកណ្តាលនៃទីក្រុងនេះតែម្តង។ បឹងនេះ គឺជាកន្លែងដ៏ល្អឥតខ្ចោះក្នុងការសម្រាកលំហែ និងគយគន់សម្រស់ដ៏ស្រស់ស្អាត របស់ទីក្រុងហាណូយ។ ប្រាសាទដ៏ល្បីល្បាញ Ngoc Son Temple ក៏នឹងរង់ចាំលោកអ្នកឲ្យទៅទស្សនាផងដែរ នៅលើកោះមួយក្នុងបឹងនោះ ដោយលោកអ្នកអាចធ្វើដំណើរទៅដល់យ៉ាងងាយស្រួល តាមរយៈស្ពានក្រហមដ៏ល្បីល្បាញឈ្មោះថា The Huc Bridge។
ប្រាសាទដ៏ល្បីឈ្មោះថា Ngoc Son Temple
លោកអ្នកក៏អាចនាំក្រុមគ្រួសាររបស់លោកអ្នក ទៅកាន់រោងល្ខោនដ៏ល្បីល្បាញ ឈ្មោះថា Water Puppet Theatre ផងដែរ។ ប្រទេសវៀតណាម មានរោងល្ខោនជាច្រើន ប៉ុន្តែរោងល្ខោនល្បីល្បាញជាងគេបំផុត គឺស្ថិតក្នុងទីក្រុងហាណូយ ក្នុងនោះក៏មានរោងល្ខោន Thang Long Puppet Theatre ផងដែរ ខណៈរោងល្ខោននេះ មានការសម្តែង៥លើក ជារៀងរាល់ថ្ងៃ។
3. ដើរកម្សាន្តតាមហាងកាហ្វេ ភោជនីយដ្ឋាននានា និងភ្លក្សអាហារ និងភេសជ្ជៈក្នុងស្រុកដ៏ឈ្ងុយឆ្ងាញ់
ទីក្រុងហាណូយ គឺជាកន្លែងដ៏ល្បីល្បាញដែលប្រជុំទៅដោយភោជនីយដ្ឋាន កន្លែងផឹកស៊ី ហាងកាហ្វេតូចៗ និងអាហារតាមដងផ្លូវជាច្រើនកន្លែង។ Old Quarter ដែលជាសង្កាត់ដ៏ល្បីល្បាញមួយ ប្រជុំដោយភោជនីយដ្ឋាន និងផ្សារតាមដងផ្លូវជាច្រើន នៅចំកណ្តាលទីក្រុងហាណូយនោះ គឺជាកន្លែងដ៏ល្អឥតខ្ចោះ សម្រាប់ភ្ញៀវទេសចរឈប់សម្រាក និងភ្លក្សអាហារក្នុងស្រុកថោកៗ ដូចជានំប៉័ងសាច់ បាយសាច់ជ្រូក ឬហ្វឺជាដើម។ នៅពេលដែលធ្វើដំណើរទៅពិសាកាហ្វេ កុំភ្លេចសាកល្បងកាហ្វេស៊ុតមាន់ប្រពៃណីវៀតណាម ដែលជាកាហ្វេខ្លាំង លាយជាមួយនឹងស្ករ ទឹកដោះគោផ្អែម និងផ្នែកក្រហមរបស់ស៊ុត។ ក្មេងៗ ក៏អាចរីករាយជាមួយនឹងបង្ហែមដ៏ឆ្ងាញ់របស់វៀតណាម ឈ្មោះថា Chè ផងដែរ។
Bun Cha ឬបាយសាច់ជ្រូក គឺជាអាហារដ៏មានប្រជាប្រិយភាពបំផុតមួយរបស់វៀតណាម
4. ទៅកម្សាន្តនៅសួនទឹកដ៏ស្រស់ស្អាត
សួនទឹកថ្មីនេះឈ្មោះថា Ho Tay Water Park ។ ដោយសារតែវាមានទីតាំង ស្ថិតនៅតំបន់បឹង West Lake ជិតកណ្តាលទីក្រុងហាណូយ កន្លែងនេះត្រូវបានចាត់ទុកថា ជាសួនទឹកដ៏ស្រស់ស្អាតបំផុតមួយ នៅតំបន់អាស៊ីអាគ្នេយ៍។ សួនទឹកនេះ មានកន្លែងលេងដ៏គួរឲ្យទាក់ទាញ ផ្សេងៗគ្នាជាច្រើន ដូចជាឧបករណ៍ជិះកម្សាន្តវិលចុះឡើង កប៉ាល់ចោរសមុទ្រ ឬកង់បង្វិលជាដើម។
ការកម្សាន្តលក្ខខណៈគ្រួសារនៅសួនទឹក Ho Tay Water Park
5. កុំភ្លេចចំណាយពេល២ ទៅ៣ថ្ងៃ ទៅកម្សាន្តនៅឆកសមុទ្រ Ha Long Bay
នៅពេលធ្វើដំណើរទស្សនកិច្ចទៅទីក្រុងហាណូយ ឬភាគខាងជើងនៃប្រទេសវៀតណាម លោកអ្នកគួរតែចំណាយពេលទៅកម្សាន្តនៅឆកសមុទ្រ Ha Long Bay។ ជាមួយប្រជុំកោះប្រមាណ ២,០០០ Ha Long Bay ត្រូវបានចាត់ទុកថាជាតំបន់មួយក្នុ ងចំណោមតំបន់ធម្មជាតិដ៏អច្ឆរិយក្នុងពិភពលោក។ អ្នកអាចធ្វើដំណើរដោយជិះទូក កម្សាន្តនៅតាមឆកសមុទ្រនេះ រយៈពេល១ថ្ងៃ ឬច្រើនថ្ងៃ ក៏ដូចជាជិះទូកក្តោងកម្សាន្តតាមកោះនានា និងទស្សនាតំបន់ផ្សេងទៀតក្នុងប្រទេសវៀតណាម។ កុំភ្លេចឈប់សម្រាកនៅតាមកោះនានា ដើម្បីហែលទឹក ជិះទូក កាយ៉ាក់កម្សាន្ត និងមុជចូលក្នុងសមុទ្រ ដើម្បីមើលជីវិតសត្វក្នុងបាតសមុទ្រ។
Ha Long Bay ប្រជុំដោយទៅដោយថ្មី និងកោះតូចៗចំនួន២០០០កោះ
6. ធ្វើដំណើរពីទីក្រុងហាណូយ ទៅលេងតំបន់ជនបទ Ninh Binh
មានកន្លែងដ៏ស្រស់ស្អាតជាច្រើន ដែលស្ថិតនៅមិនឆ្ងាយពីទីក្រុងហាណូយ ប៉ុន្តែបើអ្នកចង់បានបទពិសោធដ៏ពិសេសតែមួយ យ៉ាងពិតប្រាកដ សូមធ្វើដំណើរទៅកម្សាន្តនៅ Ninh Binh។ តំបន់ជនបទដ៏ស្រស់ស្អាតមួយនេះ ប្រជុំដោយកូនភ្នំតូចៗ រ៉ូងភ្នំតជាប់គ្នាដាច់កន្ទុយភ្នែក ដែលជាប់ផ្លូវទឹក និងទន្លេនានា។ លោកអ្នកអាចជិះទូក ទៅកាន់ទន្លេ Tam Coc River ឬ Vanh Long Nature Reserve ប៉ុន្តែកន្លែងដ៏មានប្រជាប្រិយភាពរបស់យើង គឺ Trang An ដែលជាតំបន់ប្រជុំដោយរ៉ូងភ្នំ និងភ្នំចម្រុះគ្នា។ លោកអ្នកអាចជិះទូកកម្សាន្តដើម្បីមើលទេសភាពតាមរ៉ូងភ្នំនានា និងតាមមាត់សមុទ្រ ដែលអមដោយប្រាសាទ និងវត្តអារាមជាច្រើន។ លោកអ្នកអាចឈប់សម្រាកលំហែ ដើម្បីដើរឡើងភ្នំ មើលទិដ្ឋភាពដ៏ស្អាតពីលើសមុទ្រទាំងមូល។
ការធ្វើដំណើរទៅកាន់តំបន់ Ninh Binh គឺជាបទពិសោធដ៏ពិសេសតែមួយយ៉ាងពិតប្រាកដ
រាល់តំបន់ទេសចរណ៍ទាំងនេះ និងតំបន់ផ្សេងទៀត កំពុងតែរង់ចាំឲ្យលោកអ្នក និងក្រុមគ្រួសាររបស់អ្នកទៅទស្សនា។ សម្រាប់ព័ត៌មានបន្ថែម អំពីការប្រើប្រាស់ Vietjet ដើម្បីជួយឲ្យលោកទៅកម្សាន្តនៅវៀតណាម ក្នុងនោះរាប់បញ្ចូលទាំងការទៅទស្សនា នៅតំបន់ប្រវត្តិសាស្ត្រ និងធម្មជាតិជាច្រើន ក៏ដូចជារីករាយជាមួយនឹងម្ហូបអាហារដ៏ឈ្ងុយឆ្ងាញ់ និងកន្លែងកម្សាន្តជាច្រើនជុំវិញទីក្រុង Hanoi និង Nga Trang សូមចូលទៅកាន់គេហទំព័រ www.vietjetair.com៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
