មិន​ធ្លាប់​គិត​សោះ​ថា “​គ្រាប់ត្នោត​” មាន​ផល​ល្អ​ចំពោះ​សុខភាព​បែបនេះ​សោះ​!!!
ពីនេះ ពីនោះ / មិនយល់...!
ព័ត៍មានសុខភាព
មិន​ធ្លាប់​គិត​សោះ​ថា “​គ្រាប់ត្នោត​” មាន​ផល​ល្អ​ចំពោះ​សុខភាព​បែបនេះ​សោះ​!!!
05, Jul 2019 , 6:59 am        
រូបភាព
ដោយ: ថ្មីៗ
​គ្រាប់ត្នោត គឺជា​សាច់​ត្នោត​មួយ​ប្រភេទ​ដែល​យក​ចេញពី​ផ្លែ​ត្នោត ហើយក៏​មាន​ភាព​ពេញនិយម​ច្រើន​ដែរ​ក្នុងប្រទេស​យើង​។ ទោះបីជា​យ៉ាងណាក៏ដោយ តាម​ការសិក្សា​បាន​ឲ្យ​ដឹងថា គ្រាប់ត្នោត​មាន​ផ្ទុក​សារធាតុ​មាន​ប្រយោជន៍​ច្រើន​ដូចជា ជាតិ​ស្ករ ប្រូតេអ៊ីន កាបូ​អ៊ី​ដ្រា​ត អាស៊ីតអាមីណេ វីតាមីន C ប៉ូ​តា​ស្យូ​ម ស័ង្កសី ម៉ាញ៉េ​ស្យូ​ម ជាតិ​ដែក និង​វីតាមីន B មួយចំនួនទៀត​។



ក្រៅពីនេះ​គ្រាប់ត្នោត​មាន​ប្រយោជន៍​ចំពោះ​សុខភាព​ជាច្រើន​ដូចជា​៖
 
​ពង្រឹង​ដល់​គំហើញ​
 
​គ្រាប់ត្នោត​ផ្ទុក​វីតាមីន C ដែលជា​អង់​ទី​អុកស៊ីដ​ង់ ហើយ​ក៏មាន​ក្នុង​បន្លែ និង​ផ្លែឈើ​មួយចំនួន​។ វីតាមីន B1 ក៏​សំខាន់​ក្នុងការ​ពង្រឹង​ដល់​ភាព​មើលឃើញ​របស់​ភ្នែក​យើង​។ 
 
​បន្ថយ​ការ​ប្រឈម​នឹង​ជំងឺ​បេះដូង​
 
​ការ​ញ៉ាំ​គ្រាប់ត្នោត​ក្នុង​កម្រិត​មធ្យម​អាចជួយ​បន្ថយ​ការកើត​ជំងឺ​បេះដូង​សរសៃឈាម​បាន ដូចជា ការ​ខ្សោយបេះដូង​ជាដើម​។ វា​ផ្ទុក​ជាតិ​ប៉ូ​តា​ស្យូ​ម ដែល​ពង្រឹង​ដល់​មុខងារ​របស់​បេះដូង និង​បន្ថយ​ការ​លើស​សម្ពាធ​ឈាម​បាន​។ 
 
​ប្រឆាំងនឹង​ភ្នាក់ងារ​បង្ក​មហារីក​
 
​គ្រាប់ត្នោត​ផ្ទុក​វីតាមីន B2 ដែលជា​អង់​ទី​អុកស៊ីដ​ង់​មួយ​ជួយ​ប្រឆាំងនឹង​ជំងឺមហារីក​ដែល​បង្កឡើង​ដោយ​រ៉ាឌីកាល់​សេរី​បាន​។ 
 
​ជំរុញ​ដល់​សុខភាព​សក់ ក្រចក និង​ស្បែក​
 
​ជាតិ​ដែក និង​វីតាមីន ដែលមាន​ក្នុង​គ្រាប់ត្នោត​នឹង​ជួយ​ជំរុញ​ដល់​សុខភាព​ស្បែក សក់ និង​ក្រចក​។ វា​នឹង​ជួយ​ឲ្យ​របួស​ឆាប់​ជា តាមរយៈ​ការជួសជុល​ជាលិកា និង​បណ្តុះ​កោសិកា​ផ្តល់​សុខភាព​ឡើងវិញ​។ សម្រាប់​ស្ត្រី​គួរតែ​ញ៉ាំ​ក្នុង​ចំនួន​តិចតួច​បាន​ហើយ​ដើម្បី​ពង្រឹង​ដល់​សភាព​ស្បែក​។ 
 
​ជំរុញ​ដល់​ការ​បំបៅ​ដោះ​កូន​
 
​នៅ​ប្រទេស​អាហ្វ្រិក គ្រាប់ត្នោត​ត្រូវបាន​គេ​ប្រើប្រាស់​ជា​ថ្នាំ​ព្យាបាល​បែប​ធម្មជាតិ សម្រាប់​បង្កើន​ការផលិត​ទឹកដោះ​លើ​ស្ត្រី​ដែល​កំពុងតែ​បំបៅ​ដោះ​កូន​។ វា​ក៏​ត្រូវបាន​គេ​ញ៉ាំ​ដើម្បី​ជំរុញ​ដល់​សុខភាព និង​បង្ការ​ជំងឺ​ជាច្រើន​ផងដែរ​៕
 
​ត្រួតពិនិត្យ​ដោយ www.health.com.kh​

© រក្សាសិទ្ធិដោយ thmeythmey.com