ជាតិ
×![]()
ដោយ: ថ្មីៗ
ក្នុងកម្មវិធីសង្គម និងវប្បធម៌ ដែលរៀបចំនៅទីស្នាក់ការអង្គការពាណិជ្ជកម្មពិភពលោក (WTO) នៅក្រុងហ្សឺណែវ ប្រទេសស្វីស កាលពីថ្ងៃទី៣ ខែកក្កដា សម្តេចនាយករដ្ឋមន្ត្រី ហ៊ុន សែន បានបង្ហាញអត្តសញ្ញាណនំបញ្ចុកខ្មែរ ដល់អ្នកចូលរួមទាំងអស់។
ជនជាតិបរទេសជាច្រើននាំគ្នាបរិភោគនំបញ្ចុកខ្មែរ ក្រោយការណែនាំបង្ហាញពីសម្តេចនាយករដ្ឋមន្ត្រី ហ៊ុន សែន។ នេះបើផ្អែកតាមរូបភាពជាច្រើនសន្លឹកដែលបង្ហោះនៅលើហ្វេសប៊ុករបស់សម្តេចផ្ទាល់។ សម្តេចបានសរសេរថា៖ «ខ្ញុំពិតជារីករាយ ដែលនំបញ្ចុកខ្មែរបានមកដល់ទីស្នាក់ការ អង្គការពាណិជ្ជកម្មពិភពលោក (World Trade Organization-WTO) កាលពីយប់មិញ នៅក្នុងកម្មវិធីសង្គម និងវប្បធម៌»។
ប្រមុខរដ្ឋាភិបាលបានលើកឡើងថា នំបញ្ចុកជាអត្តសញ្ញាណនំរបស់ជាតិខ្មែរ ដែលបង្ហាញពីសាមគ្គីភាពស្អិតល្មួតវេញត្របាញ់ចូលគ្នាដូចជាចង្វាយនំបញ្ចុក ដែលមានគ្រឿងផ្សំជាច្រើននាំមកនូវក្លិនដ៏ឈ្ងុយនិងរសជាតិដ៏ឆ្ងាញ់ ពិសារដែលនាំមកនូវសុខភាពពិតៗ។
សម្តេចបានបន្ថែមថា៖ «យើងចូលរួមឲ្យតម្លៃលើកតម្កើងម្ហូបអាហារ និងនំចំណីខ្មែរឲ្យបានកាន់តែទូលំទូលាយនៅក្នុងពិធី សំខាន់ៗតូចធំទាំងក្នុង និងក្រៅប្រទេស»៕
Tag:
នំបញ្ចុក
WTO
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
