ជាតិ
សុវត្តិភាព ចរាចរណ៍
ស្លាកមហាវិថីឈ្នះឈ្នះ ខូចខាត ដោយសាររថយន្តខូចប្រព័ន្ធហ្វ្រាំងបុក
× រថយន្តមួយគ្រឿងបានជ្រុលចង្កូតទៅបុកស្លាកមហាវិថីឈ្នះឈ្នះ និងដើមស្លា១ដើមនៅក្នុងសង្កាត់បាក់ខែង ខណ្ឌជ្រោយចង្វារ កាលពីព្រឹកថ្ងៃព្រហស្បតិ៍ ទី៤ ខែកក្កដា ឆ្នាំ២០១៩។ ថ្មស្លាកមហាវិថី និងដើមឈើរងការបែកបាក់។ នេះបើតាមការបញ្ជាក់របស់ស្នងការដ្ឋាននគរបាលរាជធានីភ្នំពេញ។
អ្នកបើកបរឈ្មោះ ផែ ផាត អាយុ៣១ឆ្នាំ ដែលស្នាក់នៅឡឥដ្ឋតាលាងហេង មានទីតាំងស្ថិតនៅភូមិក្តីចាស់ ឃុំរកាកោង ស្រុកមុខកំពូល ខេត្តកណ្តាល បានធ្វើដំណើរតាមបណ្តោយមហាវិថីឈ្នះឈ្នះ ទិសដៅពីលិចទៅកើត លុះមកដល់ចំណុចកើតហេតុខាងលើរថយន្តបានគេចពីយានផ្សេង ហើយចាប់ហ្វ្រាំងមិនស៊ី ក៏ជ្រុលឡើងលើសួនទៅដើមស្លា និងបុកស្លាកបង្ហាញមហាវិថីឈ្នះឈ្នះតែម្តង។
ស្នងការដ្ឋាននគរបាលរាជធានីភ្នំពេញ បានបញ្ជាក់ថា ក្រោយពេលកើតហេតុសមត្ថកិច្ចជំនាញ បាននាំអ្នកបើកបររថយន្តមកធ្វើតេស្តជាតិស្រវឹង និងតេស្តរកសារធាតុញៀន តែពុំមានសារធាតុទាំងពីរនេះក្នុងខ្លួនអ្នកបើកបររថយន្តឡើយ។ មូលហេតុគឺដោយសាររថយន្តខ្វះលក្ខណៈបច្ចេកទេស (ខូចប្រព័ន្ធហ្វ្រាំង)៕
© រក្សាសិទ្ធិដោយ thmeythmey.com