ជាតិ
សង្គមជាតិ
រដ្ឋាភិបាល ហាមក្រសួងស្ថាប័នពាក់ព័ន្ធផ្គត់ផ្គង់អគ្គិសនី,ទឹកស្អាត,ភ្ជាប់បណ្តាញលូ...ឲ្យអគារសំណង់ខុសច្បាប់
×![]()
ភ្នំពេញ៖ ដើម្បីការពារអាយុជីវិតមនុស្ស ទ្រព្យសម្បត្តិ សុវត្តិភាព និងគុណភាពសំណង់ទូទាំងប្រទេស រដ្ឋាភិបាលកម្ពុជា បានចេញវិធានការចាំបាច់មួយចំនួន ចំពោះការដ្ឋានសំណង់សណ្ឋារ,អគារស្នាក់នៅរួម,អគារពាណិជ្ជកម្ម, អគាររោងចក្រ, អគារសិប្បកម្ម និងសំណង់ផ្សេងទៀត ដែលគ្មានលិខិតអនុញ្ញាត ឬសាងសង់ខុសបច្ចេកទេស លើកលែងសំណង់លំនៅដ្ឋានផ្ទាល់ខ្លួន របស់ប្រជាពលរដ្ឋ។
យោងតាមលិខិតរបស់ទីស្ដីការគណៈរដ្ឋមន្ត្រី ចុះថ្ងៃទី៥ ខែកក្កដា រដ្ឋាភិបាល បានប្រាប់ឲ្យក្រសួងរ៉ែ និងថាមពល ចាត់វិធានការមិនឱ្យមានការផ្គត់ផ្គង់អគ្គិសនី ដល់ការដ្ឋានសំណង់ទាំងនោះ។ ចំណែកឯក្រសួងឧស្សាហកម្ម និងសិប្បកម្ម ត្រូវចាត់វិធានការមិនឱ្យមានការផ្គត់ផ្គង់ទឹកស្អាត ដល់ការដ្ឋានសំណង់។ ដោយឡែកក្រសួងសាធារណការ និងដឹកជញ្ជូន មិនត្រូវអនុញ្ញាត ឱ្យតភ្ជាប់លូ ចូលបណ្តាញលូសាធារណៈ។
រដ្ឋាភិបាល ក៏បានប្រាប់ឲ្យក្រសួងស្ថាប័ន និងអង្គភាពមានសមត្ថកិច្ច មិនត្រូវផ្តល់លិខិត អនុញ្ញាត ប្រកបអាជីវកម្មទៅឲ្យម្ចាស់សំណង់គ្មានលិខិតអនុញ្ញាត ឬសង់ខុសលក្ខណៈបច្ចេកទេសទាំងនោះឡើយ ខណៈដែលក្រសួងព័ត៌មាន និងអង្គភាពមានសមត្ថកិច្ច មិនត្រូវអនុញ្ញាត ឱ្យផ្សព្វផ្សាយពាណិជ្ជកម្មនោះឡើយ៕
Tag:
សំណង់ខុសច្បាប់
© រក្សាសិទ្ធិដោយ thmeythmey.com
