ពាក់កណ្តាលឆ្នាំ២០១៩ ទ័ពកម្ពុជា បង្ក្រាបបទល្មើសជិត៣ពាន់លើក នៅតាមព្រំដែន

ជាតិ

ព្រំដែន

ពាក់កណ្តាលឆ្នាំ២០១៩ ទ័ពកម្ពុជា បង្ក្រាបបទល្មើសជិត៣ពាន់លើក នៅតាមព្រំដែន

06, Jul 2019 , 7:59 pm

រូបភាព

សម្ដេច ទៀ បាញ់ ចុះសួរសុខទុក្ខកងទ័ពឈរជើងនៅតាមបន្ទាត់ព្រំដែនខេត្តតាកែវ ជាប់វៀតណាម កាលអំឡុខែមីនា ឆ្នាំ២០១៩ (រូបពី www.cpp.org.kh

ដោយ: ថ្មីៗ

ពីខែមករា ដល់ខែមិថុនា ឆ្នាំ២០១៩ កងទ័ពជើងគោកកម្ពុជា ទប់ស្កាត់និងបង្ក្រាបបទល្មើសផ្សេងៗ បានជិត៣ពាន់លើក នៅតាមព្រំដែន។ របាយការណ៍នេះ ត្រូវបានបង្ហាញនៅក្នុងកិច្ចប្រជុំបូកសរុបលទ្ធផលការងារនៃក្រសួងការពារជាតិសម្រាប់ឆមាសទី១នៃឆ្នាំ២០១៩ នាព្រឹកថ្ងៃទី៣ ខែកក្កដា ឆ្នាំ២០១៩ ក្រោមអធិបតីភាពរបស់សម្តេចរដ្ឋមន្ត្រី ទៀ បាញ់។

លោក ឈុំ សុជាត អ្នកនាំពាក្យក្រសួងការពារជាតិ សរសេរលើទំព័រហ្វេសប៊ុករបស់លោកថា បទល្មើសដែលបង្ក្រាបបាននោះ គឺ នៅតាមព្រំដែនកម្ពុជា-ថៃ មានជាង១,២ពាន់លើក នៅតាមព្រំដែនកម្ពុជា-វៀតណាម មានជាង១,១ពាន់លើក និងនៅតាមព្រំដែនកម្ពុជា-ឡាវ មានជាង៥រយលើក។ លោក បញ្ជាក់ថា៖«ក្នុងឆមាសទី១ ឆ្នាំ២០១៩នេះ កងទ័ពជើងគោក បានល្បាតការពារ និងត្រួតពិនិត្យបង្គោលសីមា ភូមិសាស្ត្រ និងទទួលខុសត្រូវ ដើម្បីក្តាប់សភាពការណ៍ នៅតាមខ្សែបន្ទាត់ព្រំដែន»៕