ជាតិ
រូបភាពពីលើអាកាស នៃទូកទេសចរណ៍នៅក្នុងតំបន់ព្រៃលិចទឹកកំពង់ភ្លុក នារដូវប្រាំង។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ
×![]()
រូបភាពថតពីលើអាកាសនេះ បានបង្ហាញពីទិដ្ឋភាពទូកទេសចរណ៍ ដែលចតរង់ចាំដឹកភ្ញៀវកម្សាន្ត តាមព្រៃលិចទឹក ស្ថិតនៅក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប។ 
នេះជាទិដ្ឋភាពក្នុងខែប្រាំង។ ចំណែកនៅក្នុងខែវស្សា តំបន់នេះ ត្រូវបានជន់លិចដោយសាររបបទឹកជំនន់បឹងទន្លេសាប ដែលបានពង្រីកវិសាលភាព រហូតបួនដង ពីផ្ទៃបឹងក្នុងរដូវប្រាំង ដែលជាអំណោយផលដល់វិស័យទេសចរណ៍ និងប្រាក់ចំណូល សម្រាប់ប្រជាជនក្នុងឃុំនេះ។ ជាទូទៅ ប្រជាជនរស់នៅក្នុងឃុំកំពង់ភ្លុកនេះ ក៏ដូចប្រជាជនដែលរស់នៅជុំវិញផងដែរ បានពឹងផ្អែកលើធនធានធម្មជាតិពីបឹងទន្លេសាប ដោយពួកគេប្រកបរបរជាអ្នកនេសាទត្រី។
ប៉ុន្តែ ដោយសារចំនួនត្រីគ្រប់ប្រភេទមានការថយចុះ ដែលបណ្តាលមកពីកត្តាផ្សេងៗ ដូចជា ការប្រែប្រួលអាកាសធាតុ ការបាត់បង់ទីជម្រក ការទន្ទ្រានកាន់កាប់ព្រៃលិចទឹក ធ្វើជាកម្មសិទ្ធ ការសាងសង់ទំបន់វារីអគ្គិសនីនៅតាមដងទន្លេមេគង្គ និងចំនួនអ្នកនេសាទកើនឡើង បួករួមទាំងការប្រើប្រាស់ឧបករណ៍នេសាទល្មើសច្បាប់ផ្សេងៗផងនោះ បានបង្ខំឱ្យអ្នកភូមិមួយចំនួន ប្តូរមុខរបរពីការនេសាទត្រី ទៅប្រកបរបរជាអ្នកដឹកភ្ញៀវទេសចរ កម្សាន្តតាមព្រៃលិចទឹកវិញ៕
© រក្សាសិទ្ធិដោយ thmeythmey.com
