ជនជាតិជប៉ុនមួយរូប ប្រគល់វត្ថុបុរាណ៨៥មុខ មកកម្ពុជាវិញ

ជាតិ

ជនជាតិជប៉ុនមួយរូប ប្រគល់វត្ថុបុរាណ៨៥មុខ មកកម្ពុជាវិញ

06, Jul 2019 , 10:59 pm

រូបភាព

ដោយ: ប៉ូ សាគុន

ភ្នំពេញ៖នៅថ្ងៃទី៥ខែកក្ដដា ឆ្នាំ២០១៩នេះ ក្រសួងវប្បធម៌និងវិចិត្រសិល្បៈ នឹងរៀបចំពិធីទទួលវត្ថុបុរាណខ្មែរ ចំនួន៨៥មុខ និងបំណែក ពីលោកស្រីបណ្ឌិត ហ្វូមីកូ តាកាកុវ៉ា ជាជនជាតិជប៉ុន ដែលបានស្ម័គ្រចិត្តប្រគល់ជូនកម្ពុជាវិញ។

វត្ថុបុរាណទាំង៨៥មុខ និងបំណែកនេះ ជាបដិមាព្រហ្មញ្ញសាសនា ព្រះពុទ្ធសាសនា គ្រឿងលម្អ ត្រាមានលម្អរូបសត្វធ្វើពីសំរិទ្ធ បំណែកតុបតែង ខ្សែកធ្វើពីមាស កុលាលភាជន៍ និងអកកំបោរធ្វើពីស្ពាន់។ វត្ថុបុរាណទាំងនេះ មានអាយុកាលក្នុងសម័យបុរេប្រវត្តិសាស្ត្រ សម័យមុនអង្គរ សម័យអង្គរ និងសម័យក្រោយអង្គរ។

អ្នកស្រីបណ្ឌិត ហ្វូមីកូ តាកាកុវ៉ា ប្រគល់វត្ថុបុរាណទាំង៨៥មុខ និងបំណែកមកកម្ពុជាវិញនេះ គឺដើម្បីឧទ្ទិសដល់វិញ្ញាណក្ខន្ធស្វាមីរបស់លោកស្រី គឺលោកបណ្ឌិតសាស្ត្រាចារ្យ ម៉ូរីហ្វូមី តាកាកុវ៉ា។ អំណោយវត្ថុបុរាណទាំងនេះ ត្រូវបាននាំមក តាមរយៈលោក ម៉ាសាតូម៉ូ ហូស៊ីណូ Masatomo Hoshino និងភរិយា កាលពីថ្ងៃទី២៨ ខែឧសភា ឆ្នាំ២០១៩ កន្លងទៅ៕