អន្តរជាតិ
៦ឆ្នាំ មានមនុស្សជាង២៥០នាក់ស្លាប់ពេលថតសែលហ្វី ដោយឥណ្ឌា និងរុស្ស៊ីច្រើនជាងគេ
×![]()
ដោយ: ធីតា
ករណីមនុស្សស្លាប់នៅពេលកំពុងថតសែលហ្វី (Selfie) មានការកើនឡើងពីមួយឆ្នាំទៅមួយឆ្នាំ។ ការសិក្សាមួយនៅឥណ្ឌា បង្ហាញថា ចន្លោះពីខែតុលា ឆ្នាំ២០១១ ដល់ខែវិច្ឆិកា ឆ្នាំ២០១៧ មានមនុស្សស្លាប់រហូតដល់ទៅ២៥៩នាក់ឯណោះ។ របាយការណ៍ដែលទើបតែចេញផ្សាយ បង្ហាញថា ឥណ្ឌា រុស្ស៊ី មានអត្រាអ្នកស្លាប់ខ្ពស់ជាងគេ។
គ្រោះថ្នាក់ស្លាប់ដោយសារការថតសែលហ្វី មានចំនួនលើសការស្លាប់ដោយសារការវាយប្រហារដោយត្រីឆ្លាមដល់ទៅ៥ដង។ នេះបើតាមរបាយការណ៍ដែលចេញផ្សាយដោយទស្សនាវដ្តីឥណ្ឌា Journal of Family Medecine and Primary Care។ កំណើនទាំងនេះ គឺដោយសារតែភាពសម្បូរបែបនៃស្មាតហ្វូនទំនើបៗ។
របាយការណ៍បង្ហាញថា ឥណ្ឌាដែលមានការប្រើប្រាស់ទូរសព្ទប្រមាណ៨០០លានគ្រឿង មានអ្នកស្លាប់ដល់ទៅ១៥៩នាក់ ក្នុងរយៈពេល៦ឆ្នាំ។ រុស្ស៊ីស្ថិតនៅលំដាប់ទី២ ដោយមានអ្នកស្លាប់១៦នាក់ ខណៈសហរដ្ឋអាមេរិក មាន១៤នាក់។ ប្រទេសផ្សេងទៀតដែលមានអ្នកស្លាប់ដោយសារមិនប្រុងប្រយ័ត្នពេលថតសែលហ្វី មានដូចជា ប៉ាគីស្ថាន ក្រូអាស៊ី កាណាដា និង តៃវ៉ាន់ ជាដើម។
ករណីភាគកើតឡើងដោយសារភ្លេចខ្លួន ដែលបានបណ្តាលឲ្យរថភ្លើងបុក ធ្លាក់ទឹក លិចទូក រងការបាញ់សម្លាប់ ការបើកបរលឿន។ ស្ត្រីជាអ្នកដែលថតសែលហ្វីច្រើនជាងគេ បន្ទាប់មកគឺបុរស និងយុវជន។ ករណីស្លាប់មួយចំនួនក៏កើតឡើងដោយសារការហ៊ានជ្រុលពេកផងដែរ៕
Tag:
សែលហ្វី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
