កាលពីល្ងាចថ្ងៃសៅរ៍ ទី ៦ ខែកក្កដា ឆ្នាំ២០១៩ កន្លងទៅ តូយ៉ូតា (ខេមបូឌា) ដែលជាក្រុមហ៊ុន បានទទួលស្គាល់នូវសិទ្ធិនាំចូល និងចែកចាយផ្ដាច់មុខ លើផលិតផលយានយន្ដ និងគ្រឿង បន្លាស់ម៉ាក តូយ៉ូតា បានប្រារព្ធពិធីសម្ពោធ រថយន្ដតូយ៉ូតា INNOVA ស៊េរីថ្មី ឆ្នាំ២០២០ នៅសណ្ឋាគារសុខាភ្នំពេញ។ កម្មវិធីនេះ ប្រព្រឹត្តទៅក្រោមអធិបតីភាព លោក គង់ នួន ប្រធានក្រុមហ៊ុន តូយ៉ូតា (ខេមបូឌា), លោក ហ៊ីរ៉ូយូគិ អ៊ីតុ អគ្គនាយក ក្រុមហ៊ុន តូយ៉ូតា (ខេមបូឌា) ព្រមទាំងថ្នាក់ដឹកនាំ និងភ្ញៀវកិត្ដិយសជាច្រើនទៀត។
នៅក្នុងកម្មវិធីសម្ពោធរថយន្ដ តូយ៉ូតាស៊េរីថ្មីនេះ លោក ហ៊ីរ៉ូយូគិ អ៊ីតុ អគ្គនាយកក្រុមហ៊ុន តូយ៉ូតា (ខេមបូឌា) បានបង្ហាញថា នេះគឺជាមោទកភាពថ្មីមួយទៀត សម្រាប់ក្រុមហ៊ុនតូយ៉ូតា (ខេមបូឌា) ដែលបាននាំយករថយន្ដតូយ៉ូតា INNOVA ស៊េរីឆ្នាំ២០២០ ដ៏ថ្មីសន្លាង ចូលក្នុងទីផ្សារ ប្រទេសកម្ពុជា ជាលើកដំបូង ស្របពេលដែលការប្រើប្រាស់យានយន្ដ ក្នុងប្រទេសនេះកំពុងតែកើនឡើងយ៉ាងខ្លាំង គួរឲ្យកត់សម្គាល់។
បើតាមលោក ហ៊ីរ៉ូយូគិ INNOVA គឺជារថយន្ដប្រភេទ MPV ៧កៅអី ដែលត្រូវបានផលិតឡើងក្រោមការខិតខំប្រឹងប្រែងរបស់រោងចក្រតូយ៉ូតា ក្នុងការអភិរឌ្ឍន៍ កែច្នៃ និងធ្វើឲ្យប្រសើរឡើង ទាំងផ្នែកបច្ចេកវិទ្យា គុណភាព សុវត្ថិភាព និងផាសុកភាព ដើម្បីផ្ដល់នូវអ្វីដែលថ្មី និងកាន់តែពិសេសជូនដល់អតិថិជន។ លោក ហ៊ីរ៉ូយូគិ បន្ថែមថា៖«រថយន្ដនេះ ពិតជាសក្ដិសមឥតខ្ចោះ ក្នុងការធ្វើដំណើរជាលក្ខណៈគ្រួសារ និងសម្រាប់ស្ថាប័នផ្សេងៗ ដូចជាស្ថាប័នរដ្ឋ សណ្ឋាគារ ធនាគារ ស្ថានទូត ក្រុមហ៊ុនសំណង់ ក្រុមហ៊ុនអចលនទ្រព្យ ក្រុមហ៊ុនទេសចរណ៍ និងអាកាសចរណ៍ជាដើម។ ប្រណីតភាព និងផាសុកភាព របស់រថយន្ត INNOVA នេះ ពិតជាធ្វើឲ្យដំណើរកម្សាន្តលក្ខណៈគ្រួសារកាន់តែទំនើប ក៏ដូចជាប្រតិបត្តិការអាជីវកម្មនានា របស់លោកអ្នក ទទួលបាននូវឧត្តមភាព និងភាពជោគជ័យជាក់ជាមិនខាន»។
លក្ខណៈពិសេស សម្រាប់រថយន្ត INNOVA នេះ មានដូចជា៖
១. ផ្នែកខាងក្រៅ៖
- ចង្កៀងមុខប្រភេទអំពូល LED
- ចង្កៀងកាត់អ័ព្ទ LED (Fog Lamp)
- ចង្កៀងក្រោយ រចនារូបរាងថ្មីកាន់តែទំនើប
- ថាសកង់ទំហំ ១៧អ៊ីញ
- កញ្ចក់មើលក្រោយផ្នែកចំហៀងបានភ្ជាប់ជាមួយភ្លើងសញ្ញា បទឆ្វេង-ស្ដាំ ប្រភេទ LED
- ដៃទ្វាររថយន្តក្រូម៉េភ្លឺរលោង ភ្ជាប់ជាមួយប៊ូតុង (Lock/Unlock)
-អង់តែងវិទ្យុទម្រង់ជាព្រុយត្រីឆ្លាម (Shark Fin) ដែលមានសមត្ថភាពចាប់រលកសញ្ញាបានច្បាស់ល្អ។
២. ផ្នែកខាងក្នុង៖
- ផ្នែកខាងក្នុងនៃរថយន្ត ត្រូវបានរចនាឡើង ជាមួយនឹងហ្វូមីកាឈើ តុបតែងលម្អ ពោរពេញទៅដោយប្រណីតភាព។
- ប្រព័ន្ធកម្សាន្ត DVD Touch Screen ជាមួយនឹងមុខងារកម្សាន្តផ្សេងៗ។
- ប៊ូតុងបញ្ជាប្រព័ន្ធកម្សាន្ត បំពាក់នៅលើចង្កូតរថយន្ត ផ្តល់ភាពងាយស្រួលដល់អ្នកបើកបរ។
- ប្រព័ន្ធបង្ហាញពហុព័ត៌មាន MID ដ៏ទំនើប ។
-សោឆ្លាតវៃ (Smart Key) ៖ បញ្ឆេះ និងពន្លត់ម៉ាស៊ីន ជាមួយប៊ូតុង Start/Stop ដ៏ទាន់សម័យ។
-ភាពធំទូលាយ ជាមួយកៅអីពូកស្បែកចំនួន៧ ដែលជួរទី២និងទី៣ អាចបត់បែនតាមតម្រូវការ។
- កៅអីជួរទី២ ប្រភេទ Captain Seat ផ្តល់ភាពងាយស្រួលក្នុងការចេញចូល ទៅកៅអីជួរទី៣។
- ម៉ាស៊ីនត្រជាក់ មុខក្រោយ ដំណើរការដោយស្វ័យប្រវត្ដិ ។
- អំពូលពិដានលម្អដោយភ្លើងLED ពណ៌ខៀវ ជាលក្ខណៈខ្សែបន្ទាត់។
- ប្រអប់ត្រជាក់ Cool Box សម្រាប់ក្លាសេភេសជ្ជៈ។
- ជើងទម្រកុំព្យូទ័រ (Sit Back Table)។
- កន្លែងដាក់ដបទឹក ឬភេសជ្ជៈ ចំនួន១២កន្លែង។
- រន្ធសាកថ្មទូរស័ព្ទ ផ្នែកខាងក្រោយ។
៣. ប្រព័ន្ធសុវត្ថិភាព៖
- ពោងសុវត្ថិភាពចំនួន៩
- កាមេរ៉ាក្រោយជាមួយ Sensor ២គ្រាប់ ផ្តល់សុវត្ថិភាពក្នុងពេលចូលចំណត
- ប្រព័ន្ធបើកបរពេលឡើងចំណោត(HAC)
- ប្រព័ន្ធគ្រប់គ្រងលំនឹង (VSC)
- ប្រព័ន្ធគ្រប់គ្រងទំនាញសកម្ម (TRC)
- ប្រព័ន្ធផ្ដល់សញ្ញាពេលមានអាសន្ន (EBS)
- ប្រព័ន្ធហ្វ្រាំងសុវត្ថិភាព (ABS)
- ប្រព័ន្ធបែងចែក កម្លាំងសម្ពាធហ្វ្រាំង (EBD)
- ប្រព័ន្ធហ្វាំងជំនួយ (BA)។
រថយន្តតូយ៉ូតាស៊េរីថ្មី INNOVA២០២០ នេះ មានតម្លៃ ៥៤,៨០០ ដុល្លារសហរដ្ឋអាមេរិក (លើកលែង ពណ៌សកាំម៉ៃ) ជាមួយនឹងជម្រើសជាច្រើនពណ៌ដូចជា៖ ពណ៌សកាំម៉ៃ ពណ៌សក្បុស ពណ៍ទឹកប្រាក់ ពណ៌ទឹកមាស ពណ៌ប្រផេះ និងពណ៌ខ្មៅ។
លោកអ្នកដែលមានចំណាប់អារម្មណ៍ ជាវរថយន្តស៊េរីថ្មី INNOVA ២០២០ សូមអញ្ជើញមក ទស្សនា ដោយផ្ទាល់នៅសាខាលក់របស់ ក្រុមហ៊ុន តូយ៉ូតា (ខេមបូឌា) ដូចជា៖សាខាទួលសង្កែ សាខាបាក់ទូក សាខាទឹកថ្លា សាខាបឹងកេងកង សាខាខេត្តសៀមរាប និងសាខាខេត្តបាត់ដំបង។
លោកអ្នកក៏អាចយករថយន្តចាស់ របស់អ្នកមកប្តូរយករថយន្តថ្មីនេះផងដែរ តាមរយៈ សាខាលក់រថយន្តមួយទឹក ដែលមានការធានា (Toyota Plus)។ លើសពីនេះទៀត ក្រុមហ៊ុនក៏មានផ្តល់សេវាបង់រំលស់ តាមរយៈ ក្រុមហ៊ុនតូយ៉ូតា កម្ពុជាហ្វាយនែន ដែលជា ដៃគូផ្តាច់មុខក្នុងការផ្តល់ជូននូវសេវាបង់រំលស់រថយន្ត ប្រកបដោយទំនុកចិត្ត ភាពងាយស្រួល និងសេវាកម្មរហ័សទាន់ចិត្ត។
(អត្ថបទពាណិជ្ជកម្ម)