ក្រុមហ៊ុន Xiaomi បានរៀបចំកម្មវិធីសម្ពោធ និងដាក់លក់ជាផ្លូវការ ស្មាតហ្វូន Mi 9T និង Mi7A នៅកម្ពុជា កាលពីថ្ងៃទី ៧ ខែកក្កដា ដើម្បីបំពេញតម្រូវការដែលកំពុងតែកើនឡើងនៅក្នុងប្រទេសនេះ។ ផលិតផល Xiaomi នឹងឈានមុខគេបំផុតទាំងគុណភាព និងតម្លៃ។ ស្មាតហ្វូន Mi 9T បានបំពាក់មកជាមួយបន្ទះ Chip ថ្មីបំផុត ប្រភេទ Qualcomm®SnapdragonTM៧៣០ ជាមួយនឹងការបំពាក់មក នូវម៉ូទ័រផុសឡើង និងកាមេរ៉ាក្រោយចំនួនបីគ្រាប់ ទំហំ ៤៨MP មានតម្លៃត្រឹម ២៩៩ដុល្លារ រីឯ Mi7A ត្រឹមតែ ៩៩ដុល្លារប៉ុណ្ណោះ។
ក្រុមហ៊ុន Xiaomi បានដាក់លក់ជាផ្លូវការ ស្មាតហ្វូន Mi 9T និង Mi7A នៅរាជធានីភ្នំពេញ កាលពីថ្ងៃទី៧ កក្កដា ឆ្នាំ២០១៩។ ប្រធានក្រុមហ៊ុន Xiaomi បានអះអាងថា Mi 9T កំពុងពេញនិយមខ្លាំង ដោយបំពាកប្រព័ន្ធ Chip ថ្មីបំផុត ម៉ូទ័រផុសឡើងនៃកាមេរ៉ាមុខ ប្រកបដោយគុណភាពនិងតម្លៃទាបបំផុត ត្រឹមតែ២៩៩ដុល្លារ។ ចំណែកឯ Mi7A ត្រឹមតែ៩៩ដុល្លារ។ លើសពីនេះទៅទៀត ក្រុមហ៊ុន Xiaomi មានផលិតនូវផលិតផលប្រព័ន្ធអេកូ (Eco-System products) ដូចជាទូរស្សន៍ និងកំព្យូទ័រជាដើម។
លក្ខណៈពិសេសរបស់ Mi 9T មានតម្លៃចាប់ពី ២៩៩ដុល្លារ ឡើងទៅ ដោយបំពាក់មកជាមួយបន្ទះ Chip Qualcomm®SnapdragonTM៧៣០(៨nm)កាមេរ៉ាចំនួនបីគ្រាប់ AI៤៨MP ។ ចំណែកឯខ្នងខាងក្រោយ ជាកញ្ចក់រលោងស្រស់ស្អាត ប្រភេទ flame-inspired ផ្តល់អារម្មណ៍ស្និទ្ធស្នាល ពេវានៅក្នុងដៃរបស់លោកអ្នក។
ទូរសព្ទនេះ ក៏បានបំពាក់មកជាមួយបច្ចេកវិទ្យាស្កេនម្រាមដៃ នៅលើអេក្រង់ជំនាន់ទី7។ ការធ្វើឲ្យប្រសើរនូវគុណភាពរបស់ Hardware និង Software បានលើកកម្ពស់នូវសមត្ថភាពល្បឿន និងប្រសិទ្ធភាពស្កេនម្រាមដៃ។ លើសពីនេះ ថ្មកម្លាំងខ្លាំងទំហំ ៤០០០mAh និងទម្រង់សន្សំសំចៃថាមពល AL ដែលអាចធ្វើការផ្លាស់ប្តូរកម្រិតពន្លឺរបស់អេក្រង់ដោយស្វ័យប្រវត្តិ ព្រមទាំងដំណើរការទម្រង់ sleep mode ហើយកម្លាំងថ្មអាចប្រើប្រាស់បានមួយថ្ងៃ។ វាក៏អាចផ្តល់នូវគុណភាពសំឡេងដ៏អស្ចារ្យ ដោយបំពាក់មកជាមួយ Speaker ១២១៧SLS និងSmart PA ព្រមទាំង sound chamber ធំទំហំ០.៩cc ដែលធ្វើគុណភាពសំឡេងចាក់ទៅឮខ្លាំងពីរោះល្អ។ ហើយ Mi 9T នៅតែរក្សា រន្ធដោតកាសត្រចៀក 3.5mm ហើយក៏ទទួលបានការទទួលស្គាល់ផ្នែកគុណភាពសំឡេង Hi-Res Audioផងដែរ។ សូមបញ្ជាក់ថា Mi9T មានបីពណ៌ គឺពណ៌ខ្មៅ ពណ៌ខៀវ និងពណ៌ក្រហម លក់ក្នុងតម្លៃ ២៩៩$ (៦GB + ៦៤GB), ៣៩៩$ (៦GB + ១២៨GB)។
ផលិតផលប្រព័ន្ធអេកូ (Eco-System products) របស់ក្រុមហ៊ុន Xiaomi គឺជា platform ទីមួយ នៃអ្នកប្រើប្រាស់បណ្តាញ IoT បានតភ្ជាប់គ្រឿងបរិក្ខារ លើសពី ១៧១លានគ្រឿង នៅជាង ៨០ ប្រទេសក្នុងពិភពលោក។
លោក Gao Feng ប្រធានប្រចាំនៅកម្ពុជា បានគូសបញ្ជាក់ថា៖«ដោយឈរលើការរីកចម្រើននិងតម្រូវការ របស់អតិថិជននាពេលបច្ចុប្បន្ន ក្នុងប្រទេសកម្ពុជា។ យើងខ្ញុំជឿជាក់ថាផលិតផលប្រព័ន្ធអេកូជាច្រើន របស់ក្រុមហ៊ុន Xiaomi នឹងជួយដល់អតិថិជន រួមទាំង Mi TV និងដំណោះស្រាយគ្រឿងសង្ហារិមឆ្លាតវៃផ្សេងៗ»។
បើតាមលោក Gao Feng ដដែល ក្រៅពីទូរសព្ទ ស្មាតហ្វូន ក្រុមហ៊ុន Xiaomi ក៏ជាអ្នកនាំមុខគេក្នុងវិស័យបណ្តាញ Internet of Things (IoT) ផងដែរ។ ការប្រកាសដាក់ចេញនូវ នាឡិការដៃ Mi Band4, Mi TV និងដំណោះស្រាយនៃគ្រឿងសង្ហារិមឆ្លាតវៃដល់អតិថិជន។
ក្រុមហ៊ុន Xiaomi បានបង្កើតឡើងនៅខែមេសា ឆ្នាំ២០១០ ហើយក្រុមហ៊ុននេះបានចូលក្នុងទីផ្សារហ៊ុនហុងកុង(Hong Kong Stock Exchange) នៅថ្ងៃទី៩ ខែកក្កដា ឆ្នាំ២០១៨។ Xiaomi ជាក្រុមហ៊ុនបណ្តាញអ៊ីនធឺណិតមួយ ដែលទូរសព្ទស្មាតហ្វូន និង Hardware ឆ្លាតវៃរបស់ខ្លួន បានប្រើប្រាស់បណ្តាញ IoT ជាស្នូល។ ក្រុមហ៊ុន Xiaomi គឺជាក្រុមហ៊ុនស្មាតហ្វូនធំទីបួន នៅលើពិភពលោក ព្រមទាំងបង្កើតនូវវេទិកាបណ្តាញ IoT របស់អ្នកប្រើប្រាស់ធំជាងគេ ហើយ platform បានភ្ជាប់ជាមួយគ្រឿងបរិក្ខារឆ្លាតវៃលើសពី ១៧០លានគ្រឿង (មិនរាប់បញ្ជូលទូរសព្ទស្មាតហ្វូន និងកុំព្យូទ័រ Laptops ឡើយ)។ បច្ចុប្បន្ន ផលិតផលរបស់ក្រុមហ៊ុន Xiaomi មាននៅជាង ៨០ប្រទេស និងតំបន់ ហើយឈរនៅលំដាប់ឈានមុខគេនៅលើទីផ្សារជាច្រើន៕
(អត្ថបទពាណិជ្ជកម្ម)