ជាតិ
បាក់ឌុប
វីដេអូ
×![]()
ភ្នំពេញ៖ យុវតី ថន រតនា ជាសិស្សនិទ្ទេស A លំដាប់ពិន្ទុ ១០០ នៃឆ្នាំសិក្សា ២០១៨។ សិស្សនិទ្ទេស A រូបនេះ មានរបៀបរៀនត្រឹមត្រូវ តាមកាលវិភាគសម្រាប់សិក្សាយ៉ាងច្បាស់លាស់។ រតនាត្រូវក្រោករៀននៅពេលព្រឹកព្រលឹម និងមុនពេលចូលគេងជារៀងរាល់ថ្ងៃ។ បើតាមយុវតី រតនា ពេលព្រឹកនាងតែងក្រោករៀនមុខវិជ្ជាអក្សរសាស្ត្រខ្មែរ និងប្រវត្តិវិទ្យា រីឯពេលយប់ នាងរៀនផ្ដោតលើមេរៀនលំហាត់ដូចជា៖ គណិតវិទ្យា, រូបវិទ្យា, គីមីវិទ្យា និងជីវវិទ្យា។
ការទទួលបាននិទ្ទេស A មិនមែនជារឿងចៃដន្យសម្រាប់សិស្សានុសិស្សឡើយ។ សិស្សានុសិស្ស ដែលត្រៀមប្រឡងសញ្ញាបត្រមធ្យមសិក្សាទុតិយភូមិ បានខិតខំរៀនសូត្រ និងស្រាវជ្រាវគន្លឹះសំខាន់ៗរបស់សិស្សច្បងមុនៗមកអនុវត្ត ដើម្បីទទួលបានលទ្ធផលល្អ។ កញ្ញា ថន រតនា សិស្សនិទ្ទេស A លំដាប់ខ្ពស់ ដែលបច្ចុប្បន្នជានិស្សិតពេទ្យឆ្នាំទី១ នៃសាកលវិទ្យាល័យវិទ្យាសាស្ត្រសុខាភិបាល បានលើកឡើងថា៖ «ខ្ញុំមានកាលវិភាគស្វ័យសិក្សាផ្ទាល់ខ្លួន។ ខ្ញុំរៀនពេលយប់ និងពេលព្រឹក។ ពេលយប់ខ្ញុំចាប់ផ្ដើមរៀនពីម៉ោង ៩ ដល់ម៉ោង ១១ គឺរៀនមុខវិជ្ជាវិទ្យាសាស្ត្រ៣មុខ គណិតវិទ្យា, រូបវិទ្យា និងគីមីវិទ្យា ហើយសល់ពេលខ្ញុំធ្វើលំហាត់ជីវវិទ្យា។ ដោយឡែក ពេលព្រឹកខ្ញុំរៀនលើមុខវិជ្ជាអក្សរសាស្ត្រខ្មែរ និងប្រវត្តិវិទ្យា»។
សូមអញ្ជើញទស្សនាការលើកឡើងរបស់យុវតី ថន រតនា សិស្សនិទ្ទេស A លំដាប់ខ្ពស់ឆ្នាំ២០១៨ដូចតទៅ៖
យុវតីវ័យ ១៩ឆ្នាំរូបនេះ មានសមត្ថភាពពូកែខាងមុខវិជ្ជាវិទ្យាសាស្ត្រ ច្រើនជាងមុខវិជ្ជាសង្គម។ ថន រតនា ដែលជាជើងខ្លាំងលេខ១ ក្នុងការប្រឡងបាក់ឌុបឆ្នាំ២០១៨ ជាសិស្សក្រីក្រ ដែលមានឪពុកជាអ្នករត់ម៉ូតូ។ ទោះបីមានជីវភាពក្រីក្រ ថន រតនា តែងជម្នះឧបសគ្គ និងតស៊ូរបស់បានជោគជ័យលើការសិក្សា៕
Tag:
ថន រតនា
បាក់ឌុប
អប់រំ
និទ្ទេស A
© រក្សាសិទ្ធិដោយ thmeythmey.com
