ខេត្តកំពង់ធំ កំពុង​បង្ហាញ​សក្ដានុពល​វិស័យ​អចលនទ្រព្យ​ជា​បណ្ដើរៗ​ហើយ​
អត្ថបទពាណិជ្ជកម្ម
ខេត្តកំពង់ធំ កំពុង​បង្ហាញ​សក្ដានុពល​វិស័យ​អចលនទ្រព្យ​ជា​បណ្ដើរៗ​ហើយ​
09, Jul 2019 , 3:28 pm        
រូបភាព
ដោយ: ថ្មីៗ
​ស្រប​ពេលដែល​កម្ពុជា កំពុង​តែមាន​ភាព​ពុះកញ្ជ្រោល​ខ្លាំង លើ​ការអភិវឌ្ឍន៍​វិស័យ​អចលនទ្រព្យ ពេលនេះ​ខេត្តកំពង់ធំ ក៏បាន​បង្ហាញ​ពី​សក្ដានុពល​របស់ខ្លួន​ជា​បណ្ដើរៗ​ផងដែរ​។ គេ​សង្កេតឃើញថា បណ្ដា​អ្នកវិនិយោគ​បាន និង​កំពុង តែ​សម្រុក​ធ្វើ​សកម្មភាព​ទិញ​-​លក់ និង​អភិវឌ្ឍ​វិស័យ​លំនៅដ្ឋាន​។
 
​ក្រុមហ៊ុន សុក​គា ស៊ី​ធី ដែលមាន​ស្ថាបនិក​ចំនួន​៤​នាក់ ជា​អតីត​ពលករ​ខ្មែរ​បម្រើ​ការងារ​នៅក្នុង​ប្រទេស​កូរ៉េ កាលពីពេល​កន្លងទៅ បានចាប់ផ្ដើម​ប្រារព្ធ​ពិធី​ប្រកាស​សាងសង់ និង​លក់​ជា​ផ្លូវការ គម្រោង​ទី​៤​របស់ខ្លួន កាលពី​ថ្ងៃទី​៧ ខែកក្កដា​កន្លងទៅ​។ គម្រោង​ទី​៤​នេះ ស្ថិតនៅ​ឃុំ​ជ្រាប់ ស្រុក​សន្ទុក ខេត្តកំពង់ធំ ក្រោម​ការចូលរួម​ពី​ថ្នាក់ដឹកនាំ​អាជ្ញាធរ​ក្នុង​តំបន់ ក្រុមហ៊ុន​ដៃគូ និង​បណ្តា​ភ្ញៀវកិត្តិយស ដែលជា​អតិថិជន​របស់ខ្លួន​ជាច្រើន​នាក់​ទៀត​។ 


 
​ថ្លែង​នៅក្នុង​ពិធី​ប្រកាស​ដាក់លក់​ជា​ផ្លូវការ​គម្រោង​ទី​៤​នេះ លោក ស៊ឺន សុក​គា នាយក​គ្រប់គ្រង​ទូទៅ​ក្រុមហ៊ុន សុក​គា ស៊ី​ធី ដែលជា​អតីត​ពលករ​បម្រើការ​ងារ​នៅក្នុង​ប្រទេស​កូរ៉េ​បាន​ឲ្យ​ដឹងថា នៅក្នុង​គម្រោង​ទី​៤​នេះ អតិថិជន​ទាំងអស់ នឹង​ទទួលបាន​អត្ថប្រយោជន៍ និង​ភាគ​ចំណេញ​ពី​ការទិញ​ជាច្រើន​។ លោក​បន្តទៀតថា ក្រុមហ៊ុន សុក​គា ស៊ី​ធី បាន​អភិវឌ្ឍន៍​នៅលើ​ផ្ទៃដី​ទំហំ ១៦ ម៉ឺន​ម៉ែត្រការ៉េ ស្ថិតនៅ​តំបន់​ដែលមាន​ភូមិសាស្ត្រ​ល្អ ដោយមាន​ការសាងសង់​ជា​លំនៅដ្ឋាន​បែប​ប្រណីត ទាន់សម័យ ក្នុង​រូប​ជា​ប្រភេទ​ផ្ទះល្វែង និង​ជា​ប្រភេទ​វីឡា​កូនកាត់​ចំនួន ៦០០​ខ្នង​។ ក្រៅពីនេះ នៅមាន​ការរៀបចំ​ធ្វើ​ជាទី​ចំណតរថយន្ត ផ្សារ​សម្រាប់​អាជីវករ​លក់ដូរ​ក្នុង​តំបន់ ហើយក៏​មានការ​ពុះ​ដី​ឡូ​តិ៍​ចំនួន ៣០០​ឡូ​តិ៍​ផងដែ​។ 


 
​លោក ស៊ឺន សុក​គា បាន​ឲ្យ​បញ្ចាក់​បន្ថែមថា​៖«​សម្រាប់​គម្រោង​ទី​៤ របស់​ក្រុមហ៊ុន សុក​គា ស៊ី​ធី​នេះ មាន​សក្ដានុពល​ល្អប្រសើរ​ច្រើន ស័ក្ដិសម​ទៅនឹង​តម្រូវការ​របស់​អតិថិជន ដែលមាន​ជីវភាព​កម្រិត​មធ្យម និង​ក្រោម​មធ្យម ដែល​ងាយស្រួល​ក្នុងការ​ប្រកប​អាជីវកម្ម​ប្រចាំថ្ងៃ ហើយក៏​ជា​ឱកាស​ដ៏​ល្អ សម្រាប់​អ្នក​ដែលមាន​បំណង​លក់​បន្ត​យកចំណេញ នៅ​ថ្ងៃ​អនាគត​ផងដែរ​។ ការទិញ អតិថិជន​អាចមាន​ជម្រើស​ច្រើនយ៉ាង អាស្រ័យ​ទៅតាម​ចំណូលចិត្ត ដូចជា​ការបង់ប្រាក់​ផ្ដាច់ និង​ការបង់​រំលស់​ក្នុង​រយៈពេល​វែង ខណៈដែល​តម្លៃ​ផ្ទះ​ដ៏​ស្រស់ស្អាត និង​ទំនើប​មាន​ចាប់ ៣០,០០០​ដុល្លារ​តែប៉ុណ្ណោះ​»​។ 


 
​នៅក្នុង​ឱកាស​នោះ​ផងដែរ​ថា លោក ទូច សុខា អភិបាលស្រុក​សន្ទុក ក៏បាន​មានប្រសាសន៍​បង្ហាញ​ពី​ការកោតសរសើរ ចំពោះ​ការខិតខំ​ប្រឹងប្រែង ចំពោះ​ការចូលរួម​អភិវឌ្ឍ​របស់​ក្រុមហ៊ុន សុក​គា ស៊ី​ធី ផងដែរ​។ លោក​បាន​មានប្រសាសន៍ថា​៖«​ទីតាំង​ដែល​ក្រុមហ៊ុន សុក​គា ស៊ី​ធី ជ្រើសរើស​យកមក​អភិវឌ្ឍ​គម្រោង​ទី​៤​របស់ខ្លួន​នាពេលនេះ គឺមាន​សក្ដានុពល និង​ភាពល្អប្រសើរ​ជាខ្លាំង ដោយសារតែ​គម្រោង​នេះ ស្ថិត​នៅជាប់​ផ្លូវជាតិ​លេខ​៦A ដែលជា​ផ្លូវ​សេដ្ឋកិច្ច     ដ៏​សំខាន់ មាន​ផ្លូវ និង​ហេដ្ឋារចនាសម្ព័ន្ធ​ខ្វាត់ខ្វែង​នៅ​ព័ទ្ធជុំវិញ​។ ក្រៅពីនេះ នៅមាន​តំបន់​ទេសចរណ៍​ប្រវត្តិសាស្ត្រ​ជាច្រើន​ទៀត​ដែរ ដូចជា​តំបន់ភ្នំ​សន្ទុក តំបន់​បឹង​ធំ ប្រាសាទសម្បូរព្រៃគុក ជាពិសេស នៅ​ជិត​គម្រោង​ស្ពាន​ដ៏​វែង ប្រចាំ​ប្រទេស​កាត់​បឹង​ទន្លេសាប ពី​កំពង់ធំ ឆ្ពោះទៅកាន់​ខេត្តកំពង់ឆ្នាំង​ជាដើម​។ នេះ​ជាការ​បន្ថែម​របស់លោក ទូច សុខា ទន្ទឹមនឹង​ការជូន​ពរ​ឲ្យ​ក្រុមហ៊ុន​ទទួលបាន​ជោគជ័យ​នៅក្នុង​គ​ម្រោ​ទី​៤​នេះ​។ 


 
​គួរបញ្ជាក់​ផងដែរ​ថា នៅក្នុង​ឱកាស​នៃ​ការប្រកាស​បើក​លក់​គម្រោង​ទី​៤ ក្រុមហ៊ុន សុក​គា ស៊ី​ធី ក្រោម​វត្តមាន​សហ​ស្ថាបនិក​ទាំង​៤​នាក់ ក៏បាន​ប្រគល់​រថយន្ត​ទំនើប​ថ្មី​សន្លាង ទៅដល់​បុគ្គលិក​ផ្នែក​លក់​ឆ្នើម​ចំនួន​១០​រូប​ផងដែរ ជាការ​លើកទឹកចិត្ត និង​ដើម្បី​ជំរុញ​ឲ្យ​មានការ​ប្រឹងប្រែង ជួយ​ក្រុមហ៊ុន ឲ្យ​មាន​ភាព​រីកចម្រើន និង​ជោគជ័យ​ទៅ​ថ្ងៃ​អនាគត​ផងដែរ​៕








 
(​អត្ថបទ​ពាណិជ្ជកម្ម​)

Tag:
 Adzone
© រក្សាសិទ្ធិដោយ thmeythmey.com