ស្នងការភ្នំពេញ បញ្ជាឲ្យបំបាត់ម៉ូតូមានបំពង់ស៊ីម៉ាំងឮខ្លាំង កុំឲ្យរំខានពលរដ្ឋ

ជាតិ

សង្គមជាតិ

ស្នងការភ្នំពេញ បញ្ជាឲ្យបំបាត់ម៉ូតូមានបំពង់ស៊ីម៉ាំងឮខ្លាំង កុំឲ្យរំខានពលរដ្ឋ

12, Jul 2019 , 7:59 am

រូបភាព

លោក ស ថេត ស្នងការភ្នំពេញ (កាន់មេក្រូ)

ដោយ: ឡាយ សុភាវតី

លោក ស ថេត ស្នងការនគរបាលរាជធានីភ្នំពេញ បានបង្គាប់កម្លាំងសម្ថកិច្ចតាមខណ្ឌ ឲ្យលុបបំបាត់ឲ្យអស់ម៉ូតូច្នៃបំពង់ស៊ីម៉ាំងដែលមានសំឡេងខ្លាំង និងបង្កការរំខានដល់ប្រជាពលរដ្ឋ និងសណ្ដាប់ធ្នាប់សារធារណៈ។

អគ្គស្នងការដ្ឋាននគរបាលជាតិ ចុះផ្សាយពីសម្តីរបស់លោក ស ថេត ដូច្នេះថា៖«ខណ្ឌដូនពេញ ត្រូវចាត់វិធានការនេះមុនគេ ក្នុងការលុបបំបាត់ម៉ូតូដែលបង្កសំឡេងបំពងខ្លាំងៗដល់ប្រជាជន ពិសេសនៅពេលយប់ ដែលរំខានដល់ការសម្រាន្ត។»

ការថ្លែងរបស់លោក ស ថេត ធ្វើឡើងក្នុងពិធីប្រគល់លិខិតបញ្ជាក់ការសិក្សាវគ្គបំប៉នជំនាញបច្ចេកទេស នៅនគរបាលរាជធានីភ្នំពេញ ក្នុងថ្ងៃទី១១ ខែកក្កដា ឆ្នាំ២០១៩នេះ។ ជាមួយគ្នានេះ លោក បានជំរុញឲ្យទប់ស្កាត់ការប្រណាំងម៉ូតូ ជាពិសេសិស្សសាលា ក្នុងរាជធានីភ្នំពេញ៕