កីឡាជាតិ
ជាតិ
កីឡាករជម្រើសជាតិ និងគ្រូបង្វឹកទទួលបានការព្យាបាលឥតគិតថ្លៃពីមន្ទីរពេទ្យចំនួន៤
× គ្រូបង្វឹក កីឡាករជម្រើសជាតិ និងយុវជនថ្នាលទទួលបានការពិនិត្យ និងព្យាបាលជំងឺដោយឥតគិតថ្លៃពីមន្ទីរពេទ្យចំនួន៤នៅរាជធានីភ្នំពេញ។ ការផ្តល់ជូន គឺសម្រាប់តែគ្រូបង្វឹក និងកីឡាករ ដែលកំពុងបង្វឹក និងហ្វឹកហាត់ត្រៀមការប្រកួតកីឡាស៊ីហ្គេមលើកទី៣០នៅប្រទេសហ្វីលីពីនឆ្នាំនេះ និងត្រៀមការប្រកួតកីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះតែប៉ុណ្ណោះ។
ក្រសួងសុខាភិបាល កាលពីថ្ងៃទី១ កក្កដា បានចេញសេចក្តីប្រកាសព័ត៌មាន ដោយជំរុញឲ្យមន្ទីរពេទ្យចំនួន៤ រួមមានមន្ទីរពេទ្យកាល់ម៉ែត, មិត្តភាពខ្មែរសូវៀត(ពេទ្យរុស្ស៊ី), មិត្តភាពកម្ពុជាចិន(ព្រះកុសុមៈ) និងព្រះអង្គឌួង រៀបចំគោលការណ៍ ដើម្បីពិនិត្យ និងព្យាបាលជំងឺដល់គ្រូបង្វឹក កីឡាករជម្រើសជាតិ និងយុវជនថ្នាលដោយឥតគិតថ្លៃ។
បើតាមសេចក្តីប្រកាសព័ត៌មានដែលចុះហត្ថលេខាដោយលោក សាន់ សាប់អី រដ្ឋលេខាធិការក្រសួងសុខាភិបាលបច្ចុប្បន្នក្រសួងអប់រំយុវជននិងកីឡា បានប្រមូលផ្តុំគ្រូបង្វឹក កីឡាករជម្រើសជាតិ និងយុវជនថ្នាលចំនួន១,០០៤នាក់ ដើម្បីបង្វឹក និងហ្វឹកហាត់ត្រៀមការប្រកួតកីឡាស៊ីហ្គេមឆ្នាំនេះ និងឆ្ពោះទៅស៊ីហ្គេមឆ្នាំ២០២៣៕
© រក្សាសិទ្ធិដោយ thmeythmey.com