ជាតិ
នយោបាយជាតិ
×![]()
ដោយ: ថ្មីៗ
អ្នកស្រី Carmen Moreno ត្រូវបានតែងតាំងជាឯកអគ្គរដ្ឋទូតថ្មីនៃសហភាពអឺរ៉ុបប្រចាំកម្ពុជា ជំនួសលោក George Edgar ដែលត្រូវចប់អាណត្តិ។ នេះបើតាមសេចក្តីប្រកាសរបស់អ្នកស្រី Federica Mogherini តំណាងជាន់ខ្ពស់នៃសហភាពអឺរ៉ុប និងជាអនុប្រធានគណៈកម្មការអឺរ៉ុប ដែលចេញផ្សាយនៅថ្ងៃទី៩ ខែកក្កដា ឆ្នាំ២០១៩។ 
អ្នកស្រី Carmen Moreno ជាជនជាតិអេស្ប៉ាញ ដែលបម្រើការងារក្នុងក្រសួងការបរទេស។ អ្នកស្រី គឺជាមន្ត្រីជាន់ខ្ពស់សម្រាប់កិច្ចប្រជុំអាស៊ី-អឺរ៉ុប (ASEM) និងជាតំណាងពិសេសប្រចាំនៅអាហ្វហ្កានីស្ថាន និងប៉ាគីស្ថាន។ អ្នកស្រី ក៏ធ្លាប់ធ្វើជាទូតនៅប្រទេសថៃផងដែរ។
ព័ត៌មាន ដែលអ្នកស្រី Carmen Moreno ត្រូវមកកម្ពុជានៅពេលណានោះ មិនទាន់មានការបញ្ជាក់នោះទេ៕
Tag:
ទូតអឺរ៉ុបថ្មី
© រក្សាសិទ្ធិដោយ thmeythmey.com
