ស្មាតហ្វូន Vivo S1 ត្រៀមបង្ហាញខ្លួនក្នុងព្រឹត្តិការណ៍ Vivo S1 Concert ដោយមានតារាចម្រៀងជាច្រើនចូលរួម

អត្ថបទពាណិជ្ជកម្ម

ស្មាតហ្វូន Vivo S1 ត្រៀមបង្ហាញខ្លួនក្នុងព្រឹត្តិការណ៍ Vivo S1 Concert ដោយមានតារាចម្រៀងជាច្រើនចូលរួម

14, Jul 2019 , 2:58 pm

រូបភាព

ដោយ: ថ្មីៗ

កន្លងមក ក្រុមហ៊ុនស្មាតហ្វូន Vivo ធ្លាប់បានប្រកាស និងបញ្ចេញរូបភាពខ្លះៗទាក់ទងទៅនឹងការត្រៀមមកដល់នៃសមាជិក ស៊េរីថ្មីរបស់ខ្លួន ដែលត្រូវជាស្មាតហ្វូននៃត្រកូល S ដំបូងគេ ហើយនឹងត្រូវបង្ហាញខ្លួននៅលើទីផ្សារកម្ពុជានាពេលឆាប់ៗនេះផងដែរ។

ស្មាតហ្វូនម៉ូឌែល Vivo S1 នេះ ត្រូវបានបង្ហាញមកជាមួយនឹងជម្រើសពណ៌ថ្មី អមដោយលក្ខណៈពិសេសៗជាច្រើន។ ពណ៌របស់ S1 មាននូវជម្រើសពណ៌ថ្មី ពីរពណ៌គឺ ពណ៌ផ្កាឈូកបែកទឹកសមុទ្រខៀវ (Skyline Blue) និង ពណ៌ខ្មៅបែកស្វាយ (Diamond Black)។

ងាកទៅផ្នែកកាមេរ៉ាវិញ វាត្រូវបានបំពាក់មកជាមួយកាមេរ៉ាមុខទំហំ 32MP ដែលនាំមុខគេជាមួយកម្រិតបង្ហាញ Ultra HD ។ សម្រាប់កាមេរ៉ាក្រោយមានរហូតទៅដល់៣គ្រាប់ដែលមានកាមេរ៉ាគោលទំហំ 16MP និងកាមេរ៉ាជំនួយមុខងារផ្សេងទៀតមានទំហំ 8MP+2MP។ ហើយស្មាតហ្វូននេះដែរក៏ត្រូវបានបំពាក់មកជាមួយនឹងកាមេរ៉ា Sony IMX 449 Camera Sensor ដែលជួយបង្កើនឱ្យអ្នកថតរូបសន្លឹកបានកាន់តែច្បាស់ និង ថតជាវីដេអូមានលំនឹងល្អ។

Vivo S1 គឺបានបំពាក់មកជាមួយប្រភេទអេក្រង់ Halo FullView Display™ មានទំហំអេក្រង់ 6.38 អ៊ីញ ហើយបានបំពាក់នូវបច្ចេកវិទ្យា Super AMOLED ផងដែរ។ ផលធៀបអេក្រង់របស់ស្មាតហ្វូន Vivo S1 គឺ 19.5:9 និងអត្រាអេក្រង់ទៅរាងទាំងមូលគឺ 90% ។ ដំណើរការដោយប្រព័ន្ធ octa-core ដែលរចនាមកមានទំហំ 12nm និងមានល្បឿន2.0GHz ។ វាក៏ត្រូវបានបំពាក់មកជាមួយ Ram ទំហំ 6GB និង អង្គផ្ទុកទិន្នន័យ 128GB ផងដែរ។

ចំពោះប្រតិបត្តិការនៃការដោះសោររបស់ S1 វិញត្រូវបានបំពាក់មកជាមួយនឹងបច្ចេកវិទ្យាដោះសោរ ដោយស្កេនក្រយៅដៃ នៅផ្ទៃខាងមុខអេក្រង់ដូចទៅនឹង V11 & V15pro ដែរ។ ដោយវាប្រើប្រាស់រយៈរពលដោះសោរត្រឹមតែ 0.48 វិនាទីតែប៉ុណ្ណោះ។

ស្មាតហ្វូន Vivo S1 មានកម្លាំងថាមពលថ្ម 4500mAh ដែលភ្ជាប់មកជាមួយបច្ចេកវិទ្យា Dual-Engine សាកថ្មផ្លេកបន្ទោររបស់ក្រុមហ៊ុន Vivo ។ លោកអ្នកអាចទុក Power Bank របស់លោកអ្នកនៅផ្ទះដោយមិនពិបាកយកតាមខ្លួន ហើយផ្តោតអារម្មណ៌ធ្វើការដោយមិនខ្វល់ពីរឿងអស់ថ្មទូរស័ព្ទរបស់អ្នកឡើយ។

សម្រាប់តម្លៃលក់របស់ស្មាតហ្វូន Vivo S1 នេះដែរនឹងត្រូវប្រកាសជាផ្លូវការនៅថ្ងៃទី២០ ខែកក្កដា ខាងមុខនេះ។ ព្រឹត្តិការណ៍នៃការប្រគំតន្ត្រី Vivo S1 Concert នឹងមានការចូលរួមពីសំណាក់កំពូលតារាចម្រៀងជាច្រើនដួងដូចជា លោក ខេមរៈសិរីមន្ត, កញ្ញា សុខ ពិសី, កញ្ញា ឡូរ៉ា ម៉ម, លោក ហ្សូណូ, លោក នី រតនា, ហើយនិងតារាចម្រៀងវ័យក្មេងទាំងពីរដួង ពេជ្រ ថៃ និង សុខ សុជាតា រួមទាំងមានការចូលរួមពីសំណាក់តារាកិត្តិយសជាច្រើនដួងផ្សេងទៀតដូចជា៖ លោក ថេនា, លោក យារ៉ូ និងកញ្ញា ដាវដាវ។

ព្រឹត្តិការណ៍នៃការប្រគំតន្ត្រី Vivo S1 Concert នេះ នឹងត្រូវបើកឲ្យចូលរួមដោយស៊េរី នៅថ្ងៃសៅរ៍ ទី២០ ខែកក្កដា ឆ្នាំ២០១៩ វេលាម៉ោង៧ យប់តទៅ នៅក្នុងស្ទូឌីយ៉ូទូរទស្សន៍ហង្សមាស HDTV ផ្សារទំនើបអ៊ីអនម៉លសែនសុខស៊ីធីជាន់ទី២។ កំពូលព្រឹត្តិការណ៍ vivo S1 Concert នេះក៏មានផ្សាយផ្ទាល់តាមរយៈទូរស្សន៍ហង្សមាស HDTV ចាប់ពីម៉ោង៨ យប់រហូតដល់ចប់កម្មវិធី៕