កំណាព្យ
ពីនេះ ពីនោះ
×
-មន្ត្រីសកម្មរាស្ត្រចាំទុក ទុកតទៅមុខគ្មានពេលស្អប់
ស្អប់ណាស់មន្ត្រីស្តីអួតដប់ ដប់រឿងដោះចប់មិនបានមួយ។
-មួយទៀតមន្ត្រីណាស្មោះស្មើ ស្មើស្មេញចេញដើរឃើញរាស្ត្រព្រួយ
ព្រួយប្រាប់ចាប់កិច្ចច្បិចច្បាមជួយ ជួយមងមុងភួយជួយគ្រាក្រ។
-ក្រគ្រោះក្រៀមក្រោះដោះបំពេញ ពេញចិត្តមិនជ្រេញរាស្ត្រត្រេកអរ
អរណាស់ម្ចាស់ថ្លៃមន្ត្រីល្អ ល្អពេលគ្រាក្រស្រស្រុះស្រាយ។
-ស្រាយស្រុះស្រួចស្រាល់មិនចាល់ចិត្ត ចិត្តស្នាលស្នេហ៍ស្និទ្ធឥតក្លែងក្លាយ
ក្លាយជាមន្ត្រីលះបង់កាយ កាយចិត្តឥតស្តាយចាយលុយរាស្ត្រ។
-រាស្ត្ររង្កៀសចិត្តដ្បិតមានខ្លះ ខ្លះមន្ត្រីណាស់ឃើញរាស្ត្រចៀស
ចៀសពេលត្រូវការទើបជួបរាស្ត្រ រាស្ត្រចិត្តរង្កៀសមន្ត្រី ចប់៕
© រក្សាសិទ្ធិដោយ thmeythmey.com