អត្ថបទពាណិជ្ជកម្ម
Nokia 2.2 ទូរសព្ទលំដាប់ថវិកាដែលទើបចូលមកកម្ពុជា ប៉ុន្តែរូបរាង និងសមត្ថភាពវិញមិនធម្មតា
× កាលពីពេលថ្មីនេះ ក្រុមហ៊ុនទូរសព្ទដៃដ៏ល្បីលើពិភពលោក Nokia បាននាំយកម៉ូឌែលថ្មីមួយទៀត ចូលមកទីផ្សារប្រទេសកម្ពុជា នោះគឺម៉ូឌែល Nokia2.2 ជាមួយគ្នានឹងម៉ូឌែលមួយផ្សេងទៀត គឺម៉ូឌែល Nokia3.2។ វត្តមានរបស់ Nokia2.2 ក្នុងប្រទេសកម្ពុជា គឺបានភ្ជាប់មកតម្លៃលំដាប់ថវិកា ដែលអ្នកមិនចាំបាច់មានលុយដល់ ១៥០ ដុល្លារផង ក៏អាចទទួលបានស្មាតហ្វូនដ៏មានសមត្ថភាពពូកែមួយគ្រឿងប្រើប្រាស់ដែរ។ Nokia 2.2 បានដាក់លក់ជាផ្លូវការក្នុងប្រទេសកម្ពុជា ក្នុងតម្លៃត្រឹមតែ ១២៧ ដុល្លារប៉ុណ្ណោះ ជាមួយនឹងការថែមជូន អាវភ្លៀងមួយឈុត ដោយឥតគិតថ្លៃផងដែរ។ លោកអ្នកអាចរកជាវបាន នៅតាមបណ្ដាហាងលក់ទូរសព្ទនៅទូទាំងប្រទេស។
Nokia2.2 គឺជាទូរសព្ទដៃលំដាប់ថវិកា ដែលតម្លៃរបស់វាមិនដល់ ១៥០ ដុល្លារផង។ HMD GLOBAL បានយកចិត្តទុកដាក់ ក្នុងការផលិតស្មាតហ្វូននេះឡើង ទាំងរូបរាង និងសមត្ថភាពគឺលើសពីតម្លៃ។ HMD GLOBAL បានបំពាក់នូវអេក្រង់បែបតំណក់ទឹក នៅលើទូរសព្ទមួយនេះ។ អេក្រង់របស់វាបំពាក់មកជាមួយអេក្រង់ IPS LCD ដង់ស៊ីតេ 295 ppi មានទំហំ ៥.៧១ អ៊ីញ និងអាចបង្ហាញរូបភាពបាន HD+។ ទូរសព្ទនេះ មានទម្ងន់ 153 ក្រាម។
Nokia 2.2 ប្រតិបត្តិការដោយប្រព័ន្ធ Android 9.0 (Pie) បំពាក់បន្ទះឈីប Helio A22 និង CPU Quad-core 2.0 GHz និងមានថាមពលថ្ម រហូតដល់ 3,000mAh។ ទូរសព្ទនេះ មាន Ram 3 GB និងអង្គផ្ទុកទិន្ន័យ 32 GB។ ទូរសព្ទនេះ អាចស្កេនមុខដោះសោ និងអាចស្កេនម្រាមដៃបានយ៉ាងឆាប់រហ័ស។ បន្ថែមពីនេះ ទូរសព្ទដៃដែលមានតម្លៃមិនដល់ត្រឹមតែ ១២៧ ដុល្លារនេះ ក៏បានបំពាក់នូវប៊ូតុង Google Assistant សម្រាប់ជំនួយដល់ការប្រើប្រាស់ប្រចាំថ្ងៃផងដែរ។
ចំណែកឯ ផ្នែកកាមេរ៉ាទូរសព្ទនេះវិញ គឺបានបំពាក់មកជាមួយកាមេរ៉ា ទំហំ 13MP មួយគ្រាប់តែប៉ុណ្ណោះ នៅផ្នែកខាងក្រោយ ប៉ុន្តែវាអាចធ្វើការបានយ៉ាងល្អ នៅកន្លែងដែលមានពន្លឺតិច ឬខ្សោយ។ រីឯផ្នែកខាងមុខរបស់វា គឺបំពាក់មកជាមួយការមេរ៉ាទំហំ 5MP។
គួររំលឹកថាគ្រប់ម៉ូឌែលរបស់ Nokia ទាំងអស់ គឺក្រុមហ៊ុន Nokia យកចិត្តទុដាក់ខ្លាំងនៅក្នុងការថែរក្សាសុវត្ថិភាព និងអាចអនុញ្ញាតឲ្យអ្នកប្រើប្រាស់ ធ្វើបច្ចុប្បន្នភាពបានជារៀងរាល់ខែ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com