ភ្នំពេញ ថ្ងៃទី១៥ កក្កដា ឆ្នាំ២០១៩៖ មនុស្សយ៉ាងច្រើនកកកុញ បានឈរតម្រង់ជួរបន្តកន្ទុយគ្នា ឡើងផ្អើល ម្តុំផ្សារដេប៉ូ ដើម្បីទិញស្មាតហ្វូន Huawei Y9 2019 ដែលពួកគេបានកម្ម៉ង់ទិញទុកមុន។ ការតម្រង់ជួរយ៉ាងច្រើនកកកុញដ៏គួរឲ្យភ្ញាក់ផ្អើលនេះ គឺស្ថិតនៅហាងទូរសព្ទចំរើន នាពេលព្រឹកថ្ងៃអាទិត្យ ទី១៤ កក្កដា និងនៅហាងអាម៉ីស៊ីវអេង 2 នៅថ្ងៃរសៀល។ ហាងទាំងពីរនេះ មានសន្ទុះការកម្ម៉ង់ទិញទុកមុន ស្មាតហ្វូន Huawei Y9 2019 ច្រើនជាងគេបំផុត។
Huawei Y9 2019 បានបំបែកកំណត់ត្រាទទួលបានការកម្ម៉ង់ទិញទុកមុនយ៉ាងលើសលើប លើសការរំពឹងទុក ជាពិសេស ទទួលបានការគាំទ្រខ្លាំងយ៉ាងគំហុក រហូតដល់អតិថិជនតម្រង់ជួររង់ចាំទទួលបែបនេះ។ រឹតតែពិសេសទៀតនោះ អ្នកចូលរួមតម្រង់ជួរទាំងអស់ ក៏មានឱកាសជួបផ្ទាល់ និងថតរូបផ្ទាល់ ជាមួយអាយដូលក្នុងដួងចិត្ត ដែលជាតារាតំណាងផ្សព្វផ្សាយ របស់ក្រុមហ៊ុន Huawei គឺអ្នកនាង ឱក សុគន្ធកញ្ញា និងលោក នីកូ។
បានជួបអាយដូលផង បានស្មាតហ្វូនសំណប់ចិត្តប្រើមុនគេផង ហើយថែមទាំងទទួលបានកាដូជាច្រើន និងអាវយឺត ដែលមានហត្ថលេខារបស់អាយដូលទៀតផង។
រូបភាពខ្លះៗនៅហាងចំរើន
រូបភាពខ្លះៗនៅហាងអាម៉ីស៊ីវអេង 2
គួរបញ្ជាក់ផងដែរថា មិនមែនតែនៅប្រទេសកម្ពុជាទេ ដែលមានការគាំទ្រយ៉ាងគំហុកបែបនេះ ប្រទេសជាច្រើនទៀត ក៏ទទួលបានការគាំទ្រខ្លាំងបែបនេះដែរ ដូចជាប្រទេលហ្វីលីពីន ដោយត្រឹមតែ ២ម៉ោងប៉ុណ្ណោះ លក់បានរហូតដល់ជាងមួយម៉ឺនគ្រឿង។
Huawei Y9 2019 បានក្លាយជាស្មាតហ្វូន ទទួលបានការពេញនិយមខ្លាំងបំផុតលើទីផ្សារ ដោយសារតែ ជាស្មាតហ្វូនកាមេរ៉ាមុខ Pop-up Selfie ទំហំ 16MP អេក្រង់លាតពេញផ្ទៃទំហំ 6.59 អ៊ីញ គ្មានស្នាមឆក តម្លៃសមរម្យបំផុត គ្មានគូប្រៀប ត្រឹមតែ $239 ប៉ុណ្ណោះ។ ចំណែកឯកាមេរ៉ាក្រោយវិញ ស្មាតហ្វូននេះ បំពាក់ដោយកាមេរ៉ាដល់ទៅបីគ្រាប់ ដែលមានមុខងារថត Ultra Wide បានល្អជាទីគាប់ចិត្ត។ កាមេរ៉ាទីមួយទំហំ 16MP។ កាមេរ៉ាទីពីរទំហំ 8MP និងកាមេរ៉ាទីបី ទំហំ 2MP ROM ទំហំធំ 128GB ដំណើរការដោយ Kirin 710F។ ថាមពលថ្ម 4000mAh សាកថ្មបានលឿន ប្រើប្រាស់USB type C។ ស្មាតហ្វូននេះ មាន៣ពណ៌ សម្រាប់ជ្រើសរើស គឺពណ៌បៃតង (Emerald green) ពណ៌ខៀវ (Sapphire blue) និងពណ៌ខ្មៅ (Midnight black)។
លោក Henry Xiao នាយកគ្រប់គ្រងក្រុមហ៊ុន Huawei ប្រចាំប្រទេសកម្ពុជា បានលើកឡើងថា លោកពិតជាមានអារម្មណ៍ រំភើបសប្បាយរីករាយយ៉ាងខ្លាំង ដែល Huawei Y9 2019 ទទួលបានការគាំទ្រខ្លាំងលើសលប់ រហូតដល់មានការតម្រង់ជួរចាំទិញបែបនេះ។ លោកពិតជាអរគុណ ចំពោះអតិថិជនទាំងអស់ ដែលតែងតែគាំទ្រក្រុមហ៊ុន Huawei ជាពិសេសស្មាតហ្វូនម៉ូដែលនេះ និងមានទំនុកចិត្តលើផលិតផលរបស់ Huawei។ លោកបានបន្ថែមទៀតថា ក្រៅពីម៉ូឌែលថ្មី ដែលទើបតែសម្ពោធនៅលើទីផ្សារប្រទេសកម្ពុជា នៅដើមខែសីហា នាពេលខាងមុខ ក្រុមហ៊ុន Huawei នឹងមានគម្រោងសម្ពោធជាផ្លូវការ ស្មាតហ្វូនដែលអាចប្រើ 5G នៅប្រទេសកម្ពុជា។
សម្រាប់អតិថិជន ដែលខកខានមិនបានកម្ម៉ង់ទិញទុកមុន អតិថិជនក៏អាចទិញ Huawei Y9 2019 នៅហាងទូរសព្ទ ដែលនៅជិតអ្នកបំផុតនៅទូទាំងប្រទេសកម្ពុជា។
សម្រាប់ព័ត៌មានបន្ថែម សូមចូលទៅកាន់
(អត្ថបទពាណិជ្ជកម្ម)