អត្ថបទពាណិជ្ជកម្ម
លោក Step និងស្រីឡាង បង្ហាញតំបន់ប្រវត្តិសាស្ត្រ និងប្រាសាទបុរាណខ្មែរដ៏ល្អផូរផង់
× សមាគមថតរូបផ្លូវការរបស់ក្រុមហ៊ុនទូរស័ព្ទដៃ OPPO ប្រចាំនៅកម្ពុជា ដែលមានឈ្មោះថា «OPPO Photography Academy» បានចាប់ផ្តើមបេសកកម្មលើកដំបូងរបស់ខ្លួន ទៅកាន់ខេត្តព្រះវិហារ និងខេត្តសៀមរាប។ ខេត្តទាំង២នេះ ជាទឹកដីដ៏អច្ឆរិយ ដែលសម្បូរទៅដោយប្រាង្គប្រាសាទបុរាណខ្មែរ និងប្រវត្តិសាស្ត្រដ៏ល្អផូរផង់។ បេសកកម្មលើកទី១ របស់សមាគមថតរូបផ្លូវការរបស់ក្រុមហ៊ុនទូរស័ព្ទដៃ OPPOនេះ មានការចូលរួមពីកំពូលតារាចម្រៀងដ៏មានប្រជាប្រិយ ក្នុងស្រទាប់យុវវ័យនោះ គឺ លោក Step និងកញ្ញា សាឡាត់ ស្រីឡាង ដែលជាតារាសម្តែងស្រី កំពុងមានកេរ្តិ៍ឈ្មោះគួរសមដែរ ក្នុងវិស័យសិល្បៈភាពយន្តខ្មែរ ព្រមទាំងអ្នកជំនាញថតរូបជាច្រើនរូបទៀត។
តាមរយៈការបង្ហោះរូបភាព នៅលើបណ្តាញសង្គមរបស់ លោក Step និង ស្រីឡាង នៅលើទឹកដីខេត្តទាំងពីរ យើងឃើញថា មានចំនួនអ្នកចូលមើល និងចំនួនអ្នក Like ច្រើនមែនទែន ។ ជាពិសេស អ្នកទាំងពីរ បានបង្ហាញរូបភាព នៅតំបន់ប្រាសាទកោះកែរ និងតំបន់ប្រាសាទអង្គរវត្ត (អង្គរតូច) ដែលជាសម្បត្តិបេតិកភណ្ឌរូបី របស់ប្រជាជាតិខ្មែរ និងដែលតម្លៃដ៏មហាសាលមិនអាចកាត់ថ្លៃបាន។
តារាចម្រៀង និងតារាសម្តែង ដ៏ស្រស់សោភាទាំងពីររូបនេះ បានឲ្យដឹងថា OPPO Photography Academy គឺជាសមាគមថតរូបមួយ ដែលបានជួយបណ្តុះបណ្តាលដល់អ្នកដែលស្រលាញ់ការថតរូប បែបច្នៃប្រឌិត តាមទូរស័ព្ទដៃ Reno 10X Zoom ដើម្បីបង្ហាញពីស្នាដៃរបស់ពួកគេ ស្តីអំពីវប្បធម៌ អរិយធម៌ជាតិខ្មែរ ទៅកាន់ពិភពលោក។
បុរសសង្ហារភ្នែកតូចកូនកាត់ចិន លោក Step បានឈរថតនៅពីមុខប្រាសាទកោះកែរដ៏ល្បីរបស់ខ្មែរ ដែលមានទីតាំងស្ថិតនៅភូមិស្រយ៉ង់ជើង ឃុំស្រយ៉ង់ ស្រុកគូលែន មានចម្ងាយ72 គ.ម តាមផ្លូវជាតិលេខ 23 គ.ម ពីទីរួមខេត្តសៀមរាប និងតាមផ្លូវលេខ 211 និងផ្លូវលំ ចម្ងាយ 49គ.ម ពីទីរួមខេត្តព្រះវិហារ។
ប្រាសាទកោះកែរ សាងសង់លើផ្ទៃដីខ្ពង់រាប ដែលមានឈ្មោះថាឆកគគី ដោយព្រះបាទជ័យវ័រ្មនទី៤ អំឡុងឆ្នាំ(928-942)។ ប្រាសាទកោះកែរមានលក្ខណៈ ជាប្រាសាទភ្នំ មានកម្ពស់ប្រមាណ 35 ម៉ែត្រ ចែកចេញជា 7 ថ្នាក់ បីដូចជាមហាចេតិយ បែរមុខទៅទិសខាងលិច ទៅរករាជធានីអង្គរ។ វាជារាជធានីចំណាស់ បែបបុរាណ ដែលមានអាយុកាលជាង មួយពាន់ឆ្នាំ មកហើយ។
ចំណែកស្រីស្អាត លេងកម្ពស់ សាឡាត់ ស្រីឡាងវិញ បានឈរបង្ហាញរាងដ៏ស្រឡូនរបស់ខ្លួន នៅតាមជ្រុងនានា នៃបរិវេណប្រាសាទអង្គរតូច ដែលមើលទៅស្ទីលថតរូបរបស់នាង ស្អាតមិនចាញ់តារាក្រៅស្រុកឡើយ។ ស្ទីលថតរបស់នាង ហាក់បានកំពុងប្រាប់ពិភពលោកថា ប្រាសាទអង្គរវត្ត គឺជាកេរតំណែលរបស់ជាតិខ្មែរ ហើយប្រទេសកម្ពុជា ក៏ចាប់ផ្តើមប្រើទង់ជាតិ ដែលមានរូបប្រាង្គប្រាសាទអង្គរវត្ត ចាប់តាំងពីឆ្នាំ1850 មកម្ល៉េះដើម្បីបង្ហាញពីអរិយធម៌ដ៏ខ្ពង់ខ្ពស់របស់ជាតិខ្មែរ ដែលមិនអាចកាត់ថ្លៃបាន។ ប្រាសាទអង្គរវត្ត ត្រូវបានគេបញ្ជូលជាសម្បត្តិបេតិកភណ្ឌពិភពលោករបស់អង្គការយូណេស្កូ នៅឆ្នាំ1992 ដែលវា មហាកិត្តិយសមួយសម្រាប់ប្រជាជនខ្មែរ ហើយកូនខ្មែរគ្រប់ជំនាន់ ត្រូវមានកាតព្វកិច្ចទទួលខុសត្រូវ អភិរក្សថែរក្សាប្រាសាទបុរាណប្រវត្តិសាស្ត្រនេះ ទាំងពេលបច្ចុប្បន្ន និងអនាគតកា។ មិនត្រឹមតែប៉ុណ្ណោះ កូនខ្មែរគ្រប់ជំនាន់ ក៏មានមោទកភាព ចំពោះសម្បតិមហាសាលនេះទាំងនៅក្នុងស្រុក និងនៅចំពោះមុខសហគមន៍អន្តរជាតិថែមទៀតផង។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com