កីឡាជាតិ
ជាតិ
ទ័ព និងសូលទីឡូអង្គរ ត្រូវការត្រឹមស្មើនៅជើងទី២ ដើម្បីឡើងទៅវគ្គបន្តពានសម្តេច ហ៊ុន សែន សកម្មភាពប្រកួតទាំងពីរគូកាលជើងទី១, រូបភាពពី CNCC
× ក្រោយមានប្រៀបនៅជើងទី១ ទាំងក្រុមក្រសួងការពារជាតិ(ទ័ព) និងសូលទីឡូអង្គរ ត្រូវការត្រឹមស្មើគូប្រកួត នាការប្រកួតជើងទី២នៅរសៀលថ្ងៃទី១៧ កក្កដានេះ ដើម្បីឡើងទៅវគ្គ៨ក្រុមចុងក្រោយពានរង្វាន់សម្តេច ហ៊ុន សែន ថ្នាក់ជាតិ។ ទ័ពត្រូវបើកទ្វារកីឡដ្ឋានស្តាតចាស់ស្វាគមន៍អាស៊ីអឺរ៉ុបនៅម៉ោង៦ល្ងាច ក្រោយរតនគិរីជួបសូលទីឡូអង្គរនៅកីឡដ្ឋាន AEU Sport Park នៅម៉ោង៣:៣០នាទីរសៀល។
ក្រុមបាល់ទាត់ក្រសួងការពារជាតិ និងសូលទីឡូអង្គរ ទំនងអាចក្លាយជាសមាជិក ក្នុងការប្រកួតវគ្គ៨ក្រុមចុងក្រោយនៃពានរង្វាន់សម្តេច ហ៊ុន សែន ថ្នាក់ជាតិ ដែលមានក្រុមបឹងកេត អង្គរថាយហ្គឺរ ភ្នំពេញក្រោន និងព្រះខ័នរាជស្វាយរៀងកំពុងរង់ចាំ។ បន្ទាប់ពីក្រុមទាំងពីរមានប្រៀបនៅជើងទី១ ដោយទ័ពបានយកឈ្នះអាស៊ីអឺរ៉ុប ៣-១ និងសូលទីឡូអង្គរឈ្នះរតនគិរី ១០-១។
សម្រាប់ការប្រកួតនេះដែរ ក្រុមសូលទីឡូអង្គរ អាចមានភាពងាយស្រួលជាងក្រសួងការពារជាតិ ក្នុងការធានាកៅអីឡើងទៅវគ្គបន្ត ដ្បិតគូប្រកួតរបស់គេជាក្រុមលេខ៣ឡើងមកពីពានសម្តេច ហ៊ុន សែន ថ្នាក់ខេត្ត ខណៈអាស៊ីអឺរ៉ុបជាសមាជិកកំពុងលេងក្នុងក្របខណ្ឌលីគកំពូលកម្ពុជា។ តែយ៉ាងណា ទ័ព នៅតែអាចមានប្រៀប ព្រោះការប្រកួតរៀបចំនៅទឹកដីរបស់ពួកគេ៕
Tag:
បាល់ទាត់
Hun Sen Cup 2019
© រក្សាសិទ្ធិដោយ thmeythmey.com