ភ្នំពេញ, ថ្ងៃទី១៧ ខែកក្កដា ឆ្នាំ២០១៩ ៖ ដើម្បីឆ្លើយតបទៅនឹងតម្រូវការហិរញ្ញវត្ថុប្រចាំថ្ងៃរបស់ប្រជាជនកម្ពុជា ដែលមានសន្ទុះកើនឡើងជាលំដាប់ពីមួយថ្ងៃទៅមួយថ្ងៃ ក្រុមហ៊ុន តារាផេ បានដាក់ចេញនូវសេវាហិរញ្ញវត្ថុបែបឌីជីថលថ្មីបំផុតរបស់ខ្លួន គឺ «សេវាដកប្រាក់កម្ចី» ដែលផ្តល់លទ្ធភាពដល់អតិថិជននៃគ្រឹះស្ថានហិរញ្ញវត្ថុនិងធនាគារក្នុងព្រះរាជាណាចក្រកម្ពុជា ក្នុងការដកប្រាក់កម្ចីយ៉ាងរហ័សបំផុត តាមរយៈបណ្តាញភ្នាក់ងាររបស់ខ្លួនដែលមានច្រើនជាង ៤០០០ កន្លែង ទូទាំងប្រទេស។
សេវាថ្មីមួយនេះ ត្រូវបានរចនាឡើងផ្អែកលើគុណតម្លៃ៣យ៉ាងគឺ ភាពងាយស្រួល រហ័ស និងនៅជិតអតិថិជន ដែលប្រព័ន្ធនេះត្រូវបានកើតចេញពីការសម្រាងនិងរួមបញ្ចូលគ្នារវាងបច្ចេកវិទ្យាហិរញ្ញវត្ថុមានស្រាប់ រចនាសម្ព័ន្ធទិន្នន័យ (Data Infrastructure) ដ៏ខ្លាំងកា្ល និងបណ្តាញភ្នាក់ងារដ៏ច្រើនលើសលុបរបស់ តារាផេ ដើម្បីផ្តល់ជូននូវមធ្យោបាយដកប្រាក់កម្ចីសម័យឌីជីថល ដែលគ្របដណ្តប់នៅគ្រប់ទិសទី ទូទាំងព្រះរាជាណាចក្រកម្ពុជា។
ក្រោយសម្រេចការរៀបចំប្រព័ន្ធដកប្រាក់កម្ចីបែបឌីជីថលនេះជាស្ថាពរ តារាផេ បានសហការជាមួយគ្រឹះស្ថាន ហ្វូណន មីក្រូហិរញ្ញវត្ថុ ដែលជាគ្រឹះស្ថានមួយក្នុងចំណោមស្ថាប័នហិរញ្ញវត្ថុដ៏មានទំនុកចិត្តបំផុតក្នុងប្រទេសកម្ពុជា ដើម្បីដាក់ដំណើរការសេវាហិរញ្ញវត្ថុសម័យទំនើបនេះឡើង ក្នុងគោលដៅដើម្បីបម្រើដល់អតិថិជនថ្មីនិងអតិថិជនមានស្រាប់របស់ស្ថាប័នទាំងពីរ។
ជាមួយនឹងសេវាដកប្រាក់កម្ចីរបស់ តារាផេ អតិថិជនដែលស្នើសុំឥណទានពីគ្រឹះស្ថាន ហ្វូណន មីក្រូហិរញ្ញវត្ថុ លែងមានបញ្ហាឬក្តីបារម្ភពីការធ្វើដំណើរទៅកាន់សាខារបស់ ហ្វូណន ដើម្បីធ្វើការដកប្រាក់កម្ចីទៀតឡើយ ពោលគឺអតិថិជនអាចដកប្រាក់កម្ចីភ្លាមៗ ក្រោយអនុម័តឥណទានរួច តាមរយៈភ្នាក់ងារ តារាផេ នៅតាមភូមិ-ស្រុក សហគមន៍ ឬទីតាំងណាមួយដែលនៅជិតពួកគាត់បំផុត ដោយគ្រាន់តែបង្ហាញនូវលេខសម្គាល់គណនីកម្ចីនិងទូរស័ព្ទដៃ ដើម្បីធ្វើការផ្ទៀងផ្ទាត់តែប៉ុណ្ណោះ។ ប្រតិបត្តិការទាំងស្រុងចំណាយពេលមិនដល់ 3 នាទី ហើយពុំអស់ថ្លៃសេវាឡើយ។
លោក ភុក រដ្ឋា នាយកគ្រប់គ្រងទូទៅនៃក្រុមហ៊ុន តារាផេ បានមានប្រសាសន៍ថា៖ «តារាផេ តែងតែប្រឹងប្រែងជានិច្ចក្នុងការសម្រួលការលំបាកនិងធ្វើឲ្យជីវិតរស់នៅរបស់ប្រជាជនកម្ពុជាកាន់តែងាយស្រួល តាមរយៈការផ្តល់ជូនសេវាហិរញ្ញវត្ថុប្រចាំថ្ងៃ ដែលមានភាពសាមញ្ញ មានវិសាលភាពគ្របដណ្តប់ធំទូលាយ និងមានតម្លៃសមរម្យ។ ជាក់ស្តែង នៅថ្ងៃនេះ យើងបានដាក់ដំណើរការនូវសេវាដកប្រាក់កម្ចីបែបឌីជីថល ដែលសេវាមួយនេះនឹងផ្តល់ជូនប្រជាជនកម្ពុជា ពិសេសអតិថិជននៅតាមតំបន់ដាច់ស្រយាល នូវមធ្យោបាយដកប្រាក់កម្ចីដែលមានភាពងាយស្រួលនិងអត្ថប្រយោជន៍ខ្ពស់ ពោលគឺមិនត្រឹមតែកាត់បន្ថយការចំណាយនិងសន្សំសំចៃពេលវេលាជូនពួកគាត់ប៉ុណ្ណោះទេ ថែមទាំងពាំនាំនូវផលិតផលហិរញ្ញវត្ថុនិងផលិតផលធនាគារសម័យទំនើបមកដល់ទ្វារផ្ទះរបស់ពួកគាត់តែម្តង។ ចាប់ពីពេលនេះតទៅ អតិថិជនរបស់ ហ្វូណន អាចដកប្រាក់កម្ចីរបស់ពួកគាត់ដោយផ្ទាល់ តាមរយៈភ្នាក់ងារ តារាផេ ដោយពុំអស់ថ្លៃសេវា»។
លោកបានបន្តថា៖ «ក្នុងដំណាក់កាលដំបូងនេះ យើងបានសហការជាមួយគ្រឹះស្ថាន ហ្វូណន មីក្រូហិរញ្ញវត្ថុ ដើម្បីបម្រើសេវាដកប្រាក់កម្ចីបែបឌីជីថលនេះ ក៏ប៉ុន្តែនៅពេលអនាគតដ៏ខ្លីខាងមុខនេះ យើងនឹងបន្តចាប់ដៃគូសហការជាមួយគ្រឹះស្ថានហិរញ្ញវត្ថុដទៃទៀតក្នុងប្រទេសកម្ពុជា ដើម្បីពាំនាំសេវាកម្មដ៏មានអត្ថប្រយោជន៍នេះទៅដល់គ្រួសារកម្ពុជាកាន់តែច្រើនឡើងៗ ទូទាំងប្រទេស។»
ក្រៅពីសេវាបើកប្រាក់កម្ចីបែបឌីជីថល តារាផេ ក៏ផ្តល់ជូនផងដែរនូវសេវាហិរញ្ញវត្ថុជាច្រើនទៀត ដើម្បីបម្រើដល់អតិថិជនទូទៅ ដៃគូអាជីវករនិងម្ចាស់ហាង ម្ចាស់អាជីវកម្មអនឡាញ ក៏ដូចជាស្ថាប័ននិងក្រុមហ៊ុនផងដែរ។ សព្វថ្ងៃ តារាផេ ផ្តល់ជូនសេវាកម្ម រួមមាន សេវាផ្ទេរប្រាក់ក្នុងស្រុក (វេរលុយ) ដក/ដាក់ប្រាក់ បញ្ចូលគណនីទូរស័ព្ទ បង់ថ្លៃទឹក-ភ្លើងនិងវិក្កយបត្រនានា ទូទាត់ទំនិញអនឡាយ ទូទាត់វិក្កយបត្រតាមហាង ទូទាត់សងប្រាក់កម្ចីទៅកាន់ធនាគារ ណែនាំស្នើសុំនិងបង់ប្រាក់កម្ចី បង់បុព្វលាភទៅកាន់ក្រុមហ៊ុនធានារ៉ាប់រង បើកប្រាក់បៀវត្ស កាបូបលុយអេឡិចត្រូនិក និងសេវាហិរញ្ញវត្ថុដទៃទៀតយ៉ាងសម្បូរបែប។
ស្របតាមបេសកម្មរបស់ខ្លួនក្នុងការសម្រួលសេវាហិរញ្ញវត្ថុប្រចាំថ្ងៃជូនប្រជាជនកម្ពុជា តារាផេ បានកំពុងស្វះស្វែងក្នុងការបង្កើនវិសាលភាពបណ្តាញភ្នាក់ងាររបស់ខ្លួនទៅដល់គ្រប់តំបន់និងទៅដល់គ្រប់ក្រុមគ្រួសារក្នុងប្រទេសកម្ពុជា។ មកទល់សព្វថ្ងៃ តារាផេ មានបណ្តាញភ្នាក់ងារច្រើនជាង៤០០០កន្លែងទូទាំងប្រទេស ហើយក្រុមហ៊ុនមួយនេះ បានកំពុងស្ទុះស្ទាក្នុងការបង្កើនភ្នាក់ងាររបស់ខ្លួនឲ្យដល់ ៥២០០ កន្លែង នៅបំណាច់ឆ្នាំ២០១៩។
ផ្អែកលើបច្ចេកវិទ្យាហិរញ្ញវត្ថុដ៏ទំនើបទាន់សម័យ សេវាហិរញ្ញវត្ថុដ៏សម្បូរបែប និងវិសាលភាពនៃបណ្តាញភ្នាក់ងារដ៏ច្រើនលើសលុបទូទាំងផ្ទៃប្រទេស តារាផេ ជឿជាក់យ៉ាងមុតមាំថា នាពេលអនាគត ខ្លួននឹងអាចផ្លាស់ប្តូរនិងបង្កើតយុគសម័យថ្មីនៃប្រតិបត្តិការហិរញ្ញវត្ថុប្រចាំថ្ងៃសម្រាប់ប្រជាជនកម្ពុជា និងពាំនាំនូវប្រព័ន្ធអេកូហិរញ្ញវត្ថុដែលមានភាពងាយស្រួល រហ័សទាន់ចិត្ត និងប្រកបដោយសុវត្ថិភាព សម្រាប់ជាប្រយោជន៍របស់ប្រជាជនកម្ពុជា ក៏ដូចជាប្រទេសជាតិទាំងមូល៕
មិនទាន់មានកម្មវិធី តារាផេ App មែនទេ?
ទាញយកឥឡូវនេះ សម្រាប់ប្រព័ន្ធប្រតិបត្តិការ Android និង iOS ៖
តារាផេ រហ័ស សុវត្ថិភាព និងគ្រប់ទីកន្លែង
(អត្ថបទពាណិជ្ជកម្ម)