អត្ថបទពាណិជ្ជកម្ម
លី ហួរ វេរលុយ សហការជាមួយក្រុមហ៊ុន Merchantrade Asia Sdn Bhd. ផ្តល់សេវាផ្ទេរប្រាក់ពីប្រ ទេស ម៉ាឡេស៊ី
× ភ្នំពេញ៖ លី ហួរ ផេ ប្រ៉ូ ភីអិលស៊ី (លី ហួរ វេរលុយ) ជាក្រុមហ៊ុនផ្តល់សេវាផ្ទេរប្រាក់ និងទូទាត់ប្រាក់ ប្រកបដោយសុវត្ថិភាពទ្វេដង និងទំនុកចិត្តទ្វេដង បានចុះកិច្ចព្រមព្រៀងភាពជាដៃគូ ជាមួយក្រុមហ៊ុន Merchantrade Asia Sdn. Bhd. ក្នុងការដាក់ឲ្យដំណើរការ នូវសេវាផ្ទេរប្រាក់អន្តរជាតិ ពីប្រទេសម៉ាឡេស៊ី។ ឥឡូវនេះ អតិថិជន អាចដក់ប្រាក់ផ្ញើ ពីប្រទេសម៉ាឡេស៊ី តាមរយៈភ្នាក់ងារ លី ហួរ វេរលុយ ជាង ៤,៥០០ កន្លែង ទូទាំងប្រទេស ជាពិសេស ការដកប្រាក់ផ្ញើចំណាយពេលត្រឹមតែ ១០នាទីប៉ុណ្ណោះ។ ពិតជារហ័ស និងមានសុវត្តិភាព។
ការដាក់ឲ្យដំណើរការសេវាផ្ទេរប្រាក់អន្តរជាតិនេះ នឹងជួយសម្រួលប្រជាជនកម្ពុជា ដែលកំពុងរស់នៅម៉ាឡេស៊ី អាចផ្ទេរប្រាក់របស់ពួកគេ មកឱ្យអ្នកផ្ទះរបស់ខ្លួន នៅឯស្រុកកំណើត យ៉ាងរហ័ស និងមានសុវត្តិភាព តាមរយៈក្រុមហ៊ុន Merchantrade Asia Sdn. Bhd.។
នៅក្នុងពីធីចុះកិច្ចព្រមព្រៀងនេះ លោក លី សុភាព ប្រធានក្រុមប្រឹក្សាភិបានក្រុមហ៊ុន លី ហួរ ផេប្រ៉ូ ភីអិលស៊ី បានមានប្រសាសន៍ថា៖«នេះជាជោគជ័យថ្មីមួយទៀតរបស់យើង ដើម្បីផ្តល់នូវសេវាកម្មផ្ទេរប្រាក់អន្តរជាតិ ពីប្រទេសម៉ាឡេស៊ី ដែលផ្តល់ភាពងាយស្រួសឲ្យប្រជាជនកម្ពុជា ដែលកំពុងរស់នៅទីនោះ អាចផ្ទេរប្រាក់មកកម្ពុជាបាន»។
លោក Ravindra Vamathevan នាយកប្រតិបត្តិក្រុមហ៊ុន Merchantrade Asia Sdn. Bhd. ក៏បានគូសបញ្ជាក់ដោយសង្ឃឹមយ៉ាងមុតមាំថា តាមរយៈភាពជាដៃគូនេះ នឹងផ្តល់ភាពងាយស្រួលក្នុងការផ្ទេរប្រាក់រវាង ប្រទេសទាំងពីរ។ លោក Ravindra Vamathevan នាយកបញ្ជាក់បន្តថា៖«វាគឺជាកិត្តិយសមួយ សម្រាប់ក្រុមហ៊ុន Merchantrade Asia Sdn. Bhd. ដែលបានចាប់ដៃគូជាមួយ លី ហួរ វេរលុយ ក្នុងការផ្តល់នូវសុវត្ថិភាព និងរហ័សសម្រាប់ប្រជាជនកម្ពុជា ដែលកំពុងរស់នៅប្រទេសម៉ាឡេស៊ីទាំងអស់ ក្នុងការផ្ទេរប្រាក់មកកាន់ប្រទេសកម្ពុជា»។
សេវាហិរញ្ញវត្ថុ ដែលត្រូវបានផ្តល់ជូន តាមរយៈភាពជាដៃគូនេះ នឹងអនុញ្ញាតឲ្យអតិថិជនដែលកំពុងរស់នៅប្រទេសម៉ាឡេស៊ី អាចផ្ទេរប្រាក់របស់ពួកគេ មកឱ្យសាច់ញាត្តិ ឬមិត្តភក្តិ ដែលរស់នៅប្រទេសកម្ពុជា យ៉ាងរហ័ស និងមានសុវត្តិភាព។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com