ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ភាគច្រើននៃពួកយើងសុទ្ធតែដឹងថា ការគេង គឺសំខាន់ណាស់ចំពោះសុខភាពរាងកាយ។ ទោះជាយ៉ាងណាមិនត្រឹមតែការគេងមិនគ្រប់គ្រាន់នោះទេដែលបង្កផលប៉ះពាល់ចំពោះសុខភាព ប៉ុន្តែទម្លាប់មួយចំនួននៅពេលគេងក៏ជះឥទ្ធិពលគួរឲ្យព្រួយបារម្ភផងដែរ។ ថាតើទម្លាប់អ្វីខ្លះទៅដែលអ្នកមិនគួរធ្វើនៅពេលគេង? 
កុំបារម្ភ! ខាងក្រោមនេះយើង នឹងបង្ហាញឲ្យដឹងពីសកម្មភាពដែលអ្នកគួរឈប់ធ្វើកំឡុងពេលគេងជៀសវាងបញ្ហាមិនល្អកើតឡើង ៖
កុំបារម្ភ! ខាងក្រោមនេះយើង នឹងបង្ហាញឲ្យដឹងពីសកម្មភាពដែលអ្នកគួរឈប់ធ្វើកំឡុងពេលគេងជៀសវាងបញ្ហាមិនល្អកើតឡើង ៖
១. គេងទាំងគ្រឿងសម្អាងលើមុខ
ស្ត្រីភាគច្រើនមានទម្លាប់មិនល្អមួយដោយគេងទាំងមិនលាងគ្រឿងតុបតែងចេញពីមុខ។ ការគេងទាំងគ្រឿងសម្អាងបែបនេះបង្កផលប៉ះពាល់ដល់ស្បែកមុខគួរឲ្យព្រួយបារម្ភដែលមិនត្រឹមតែជះឥទ្ធិពលដល់ស្រទាប់កូឡាជែនប៉ុណ្ណោះទេ ប៉ុន្តែក៏នាំឲ្យកើតរោគមុនដោយសារតែការស្ទះរន្ធញើសផង
ដែរ។
២. ទទួលទានកាហ្វេអ៊ីនមុនពេលចូលគេង
ប្រសិនបើអ្នកជាមនុស្សញៀនកាហ្វេនោះ អ្នកប្រាកដជាងាយនឹងជួបប្រទះបញ្ហាពិបាកក្នុងការគេងលក់នៅពេលយប់មិនខាន ពិសេសប្រសិនបើទទួលទានភេសជ្ជៈកាហ្វេអ៊ីនណាមួយមុនពេលចូលគេង។ កាហ្វេត្រឹមមួយពែងអាចស្ថិតក្នុងរាងកាយយ៉ាងហោចណាស់ ៦ ម៉ោងឯណោះ។ ឧទាហរណ៍ប្រសិនបើអ្នកទទួលទានកាហ្វេនៅម៉ោង ៤ ល្ងាច នោះមានន័យថាជាតិកាហ្វេអ៊ីនអាចធ្វើឲ្យអ្នកមានអារម្មណ៍ស្វាយដល់ម៉ោង ១០ យប់។ លើសពីនេះទៀតការផលិតអ័រម៉ូនគ្រប់គ្រងវដ្តនៃការគេងមេឡាតូនីនក៏ត្រូវបានទប់ស្កាត់ដែលនាំឲ្យមានបញ្ហាក្នុងការគេង។ ដូច្នេះដើម្បីជាការប្រសើរកុំទទួលទានកាហ្វេនៅមុនពេលចូលគេង។
៣. គេងបើកភ្លើង
មនុស្សមួយចំនួនមិនអាចគេងដោយមិនបើកភ្លើងបានឡើយ។ ទោះជាយ៉ាងណា ការគេងបើកភ្លើង ឬសូម្បីតែមានពន្លឺតែបន្តិចក៏ដោយនៅពេលគេងអាចជះឥទ្ធិពលដល់គុណភាពនៃការគេង ព្រមថែមទាំងបណ្ដាលឲ្យកើនទម្ងន់ទៀតផង។ នោះក៏ព្រោះតែអ័រម៉ូនស្ត្រេស Cortisol ដំណើរការមុខងារមិនប្រក្រតីនៅពេលអ្នកគេងបើកភ្លើង។
៤. ទទួលទានអាហារនៅពេលជិតចូលគេង
ការទទួលទានអាហារនៅពេលយប់ជ្រៅ ឬមុនពេលចូលគេងបន្តិចមិនត្រឹមតែបង្កផលប៉ះពាល់ដល់ការគេងប៉ុណ្ណោះទេ ប៉ុន្តែក៏ជះឥទ្ធិពលលើដំណើរការនៃការរំលាយអាហារផងដែរ។
៥. ធ្វើលំហាត់ប្រាណខ្លាំងក្លា
ការធ្វើលំហាត់ប្រាណទៀងទាត់ គឺចាំបាច់ណាស់សម្រាប់ការគ្រប់គ្រងទម្ងន់ ក៏ដូចជារក្សាសុខភាពល្អប្រសើរ។ ទោះជាយ៉ាងណា ការធ្វើលំហាត់ខ្លាំងក្លាអាចបន្ថយកម្រិតនៃថាមពល បង្កើនសីតុណ្ហភាពរាងកាយ និងទប់ស្កាត់ការបញ្ចេញអ័រម៉ូនដែលធ្វើឲ្យអ្នកពិបាកគេងលក់។
៦. ស្លៀកពាក់សម្លៀកបំពាក់រឹបតឹងនៅពេលគេង
តើអ្នកធ្លាប់ដឹងទេការគេងស្រាតអាចធ្វើឲ្យការគេងរបស់អ្នកកាន់តែប្រសើរឡើង? នោះក៏ព្រោះតែការស្លៀកសម្លៀកបំពាក់រឹបតឹងអាចបណ្ដាលឲ្យអ្នកមានអារម្មណ៍គ្មានផាសុកភាព ហើយបង្កើនសីតុណ្ហភាពរាងកាយ។ វាក៏ជះឥទ្ធិពលដល់ការបញ្ចេញអ័រម៉ូនមេឡាតូនីនដែលទទួលទានខុសត្រូវចំពោះការគេង ឬដំណេកផងដែរ។
៧. គេងដោយចងសក់យ៉ាងតឹង
ការគេងដោយចងសក់ឡើងតឹងពេកមិនត្រឹមតែធ្វើឲ្យអ្នកមានអារម្មណ៍មិនស្រួលប៉ុណ្ណោះទេ ប៉ុន្តែក៏បង្កបញ្ហាជ្រុះសក់គួរឲ្យព្រួយបារម្ភទៀតផង។
៨. គេងថ្ងៃ
ការគេងសម្រាកពេលថ្ងៃ គឺមិនអាក្រក់អ្វីឡើយ ប៉ុន្តែប្រសិនបើច្រើនពេកនោះវាក៏អាចបណ្ដាលឲ្យអ្នកពិបាកគេងលក់នៅពេលយប់ ហើយជះឥទ្ធិពលអវិជ្ជមានចំពោះសុខភាពដោយសារការគេងមិនគ្រប់គ្រាន់ជាមិនខាន។ ដូច្នេះដើម្បីជាការប្រសើរ កុំគេងថ្ងៃលើសពី ២០ នាទី៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
