លោក ស សុខា ក្លាយជាប្រធានក្រុមប្រឹក្សាកីឡាសិស្សអាស៊ាន

កីឡាជាតិ

ជាតិ

លោក ស សុខា ក្លាយជាប្រធានក្រុមប្រឹក្សាកីឡាសិស្សអាស៊ាន

19, Jul 2019 , 11:18 am

រូបភាព

លោក ស សុខា ទទួលទង់ប្រធានក្រុមប្រឹក្សាកីឡាសិស្សអាស៊ានពីប្រធានអាណត្តិចាស់

ដោយ:

លោក ស សុខា រដ្ឋលេខាធិការក្រសួងអប់រំយុវជននិងកីឡា ត្រូវបានតែងតាំងឲ្យធ្វើជាប្រធានក្រុមប្រឹក្សាកីឡាសិស្សអាស៊ាន (ASSC) ក្នុងអាណត្តិឆ្នាំ២០២០-២០២១។ ការតែងតាំង ធ្វើឡើងក្នុងកិច្ចប្រជុំគណៈកម្មការបច្ចេកទេសក្រុមប្រឹក្សាកីឡាសិស្សអាស៊ានលើកទី៧៣ និងគណៈកម្មការក្រុមប្រឹក្សាគ្រប់គ្រងកីឡាសិស្សអាស៊ានលើកទី៥៦នៅប្រទេសឥណ្ឌូណេស៊ី នៅថ្ងៃទី១៨ ខែកក្កដា។

ការតែងតាំងលោក ស សុខា ដែលជាប្រធានសហព័ន្ធកីឡាសិស្សនិស្សិតកម្ពុជា ឲ្យធ្វើជាប្រធានជាផ្លូវការនៅពេលនេះ គឺដើម្បីជំនួសអ្នកស្រីអនុរដ្ឋលេខាធិការក្រសួងអប់រំនៃប្រទេសព្រុយណេ ដែលផុតអាណត្តិ។ តាមពិត លោក ត្រូវបានសមាជិកគណៈកម្មាធិការប្រតិបត្តិគាំទ្រឲ្យធ្វើជាប្រធាន តាំងពីកម្ពុជាធ្វើជាម្ចាស់ផ្ទះកិច្ចប្រជុំក្រុមប្រឹក្សាកីឡាសិស្សអាស៊ាន កាលពីអំឡុងខែមិថុនា ឆ្នាំ២០១៩ មកម្ល៉េះ៕