ជាតិ
សេដ្ឋកិច្ច
ការនាំចេញកៅស៊ូកើនឡើងនៅឆមាសទី១ឆ្នាំនេះ តែតម្លៃមិនទាន់ល្អ
× ភ្នំពេញ៖ ការនាំចេញកៅស៊ូក្នុងឆមាសទី១ឆ្នាំ២០១៩នេះ សម្រេចបាន ១០៤២៦១ តោន ដែលកើនឡើង ២៤ភាគរយ បើធៀបនឹងឆមាសទី១ក្នុងឆ្នាំមុន។ ការនាំចេញកៅស៊ូនេះ មានទឹកប្រាក់សរុប ៣៣៩លានដុល្លារ ដែលក្នុងមួយតោនជាមធ្យមថ្លៃ ១៣៣៩ដុល្លារ។ នេះបើតាមរបាយការណ៍ពីអគ្គនាយកដ្ឋានកៅស៊ូ ។
លោក ប៉ុល សុផា អគ្គនាយកនៃអគ្គនាយកដ្ឋានកៅស៊ូ អះអាងថា តម្លៃកៅស៊ូនាំចេញនេះ មិនទាន់ល្អនៅឡើយនៅឆមាសទី១ និងធ្លាក់ចុះក្រោមនេះទៀតចូលដល់ខែកក្កដា។ លោកថ្លែងប្រាប់សារព័ត៌ថ្មីៗនៅថ្ងៃទី១៨ខែកក្កដាថា៖«ស្ថានភាពកៅស៊ូសព្វថ្ងៃនេះមិនទាន់ល្អទេ តម្លៃនៅដើមខែកក្កដានេះចុះថយទៀត។ ហើយតម្លៃទាំងនេះគឺទាបជាងឆ្នាំ២០១៨ទៅទៀត ជាង៣០ដុល្លារ»។
ប្រសាសន៍លោក ប៉ុល សុផា ៖
លោក ប៉ុល សុផា បានសង្កត់ធ្ងន់លើបញ្ហាខ្វះការកែច្នៃក្នុងស្រុក និងស្ថានភាពទីផ្សារអន្តរជាតិ ដែលធ្វើឲ្យលក់ជ័យកៅស៊ូជួបបញ្ហា។ លោកមានប្រសាសន៍ដូច្នេះថា៖«យើងនាំចេញទៅទីផ្សារអន្តរជាតិទាំងស្រុង ហើយការជះឥទ្ធិពលនេះគឺបណ្ដាលពីទីផ្សារអន្តរជាតិ»។ បញ្ហាទីផ្សារអន្តរជាតិ ដែលលោក ប៉ុល សុផា អះអាងនេះ គឺការផ្គត់ផ្គង់កៅស៊ូលើសតម្រូវការ និងផលលំបាកនៃសេដ្ឋកិច្ចពិភពលោក។
អគ្គនាយកនៃអគ្គនាយកដ្ឋានកៅស៊ូរូបនេះ ឲ្យដឹងថា តម្លៃកៅស៊ូសព្វថ្ងៃនេះប៉ះពាល់ដល់ក្រុមហ៊ុន តែចំពោះការដាំដុះជាលក្ខណៈគ្រួសារវិញនៅអាចចំណេញ។ លោកលើកឡើងដូច្នេះថា៖«តម្លៃកៅស៊ូគ្រួសារទទួលបាន ១០០០ ទៅ១១០០ដុល្លារក្នុងមួយតោន វាជះឥទ្ធិពលដល់ជីវភាពគាត់ដែរ តែមិនទាន់ខាតទេ គ្រាន់តែប្រាក់ចំណូលថយចុះ តែចំពោះកសិឧស្សាកម្មធំៗ គឺតម្លៃទល់ដើម គាត់នៅជួបវិបត្តិនៃការខាតបង់»។
ជាដំណោះស្រាយមួយ លោក ប៉ុល សុផា បញ្ជាក់ថាលុះត្រាតែកម្ពុជាអាចទាក់ទាញវិនិយោគកែច្នៃកៅស៊ូទៅជាផលិតសម្រេច ដែលលោកប្រាប់ថាមកទល់ពេលនេះមិនទាន់មានការវិនិយោគបែបនេះនៅឡើយ។ ជាមួយគ្នានេះ មន្ត្រីជាន់ខ្ពស់ក្រសួងកសិកម្មរូបនេះ ឲ្យដឹងថា ក្រសួងកំពុងពិភាក្សាក្នុងការដាក់សំណើទៅរដ្ឋាភិបាល ពិនិត្យព្យួរពន្ធនាំចេញកៅស៊ូ ដើម្បីជួយក្រុមហ៊ុននាំចេញក្នុងកម្រិតណាមួយ។ ការពិនិត្យព្យួរពន្ធ ត្រូវបានប្រធានសមាគមអភិវឌ្ឍកៅស៊ូក
កៅស៊ូរបស់កម្ពុជា ត្រូវបាននាំចេញទៅវៀតណាម ម៉ាឡេស៊ី សិង្ហបុរី ចិន ជាដើម។ កាលពីឆ្នាំ ២០១៨ កម្ពុជាបាននាំចេញកៅស៊ូស្ងួត ២១៧ ៥០០ តោន កើនឡើង ១៥ ភាគរយធៀបនឹងឆ្នាំ ២០១៧ ដោយមានតម្លៃជាមធ្យម ១ ៣១៩ ដុល្លារក្នុង ១ តោន។ ផ្ទៃដីដាំដុះកៅស៊ូនៅកម្ពុជាមានជាង ៤០ម៉ឺនហិកតា៕
© រក្សាសិទ្ធិដោយ thmeythmey.com